1 Yoni 2:3 - The Keyagana NT and 25 OT books

³ Gotiʼa, ani kavaʼmo hiyo, ina kavaʼmo osiyo, huno huʼniya geʼamo akame c nehisunana ani kavatetiʼmo ago ageʼnonana Gotiʼa ageta alagepa huta ageʼnone.

1 Yoni 2:3 ပူးပေါင်းရင်းမြစ်များ

Samu 119:32

Magoʼe huka naipa nagesamo namisanageʼnaeʼmo nagu nagu huʼna gekamo hiyo, huka laha paiʼnana gemo akame huʼna huguve.

Samu 119:6

Muki gekamo ageteʼna afisuva afinaʼmo navagage osugiye.

Aiyeya 53:11

Agupi mafaʼnemoʼmo lusi kava huno kana huʼniya aliʼyaʼmo alisigeno neʼyaʼmo afole aigiyaʼmofeʼmo aipamoʼmo ha gegaiye. Aliʼyaʼnimo neʼaliya fatago vekamoʼmo hosu kavaʼapimo aligiyaʼmofeʼmo agaemo ageʼa alagepa huʼa agesaya kavatetiʼmo asole vayaʼaifeʼmo, naulagaleʼmo fatago vayaʼmo maiʼnae, huno hapa paigiye.

Luki 6:46

Na kavaʼmo higetapaeʼmo nagaefeʼmo hutapaeʼmo, Ala kava nene, Ala kava nene, huta nehutapaeʼmo geʼnimo noʼafiye.

Yoni 14:15

Nagaefeʼmo lapau lapayamopafiʼmo lapauʼnisiyaʼmoʼmo ina kavaʼmo hiyo, huʼna nehuva gemo akame hiyo.

Yoni 15:10

Geʼaepa geʼnimo akame hisayana nahau nayamopafiʼmo nahauʼniya kavapiʼmo aita hapaitapa maigae. Ani kava huʼna Afoʼnimo keʼaepa geʼamo akame nehuʼnaeʼmo Afoʼnimoʼmo hau ayamopafiʼmo hauʼniya kavapiʼmo alagi maiʼnove.

Yoni 15:14

Lapakaefeʼmo muki gemo mani kava hiyo, ina kava osiyo, huʼna lapa paiʼnova geʼnimo akame nehisayaʼmoʼmo nao vayaʼmo maiʼnae.

Yoni 17:3

Kagaemo lama geʼageʼmo nehana Gotigaʼe Yesu Kalaisiʼmo alika ateʼnanageno emineʼniya vekaʼeʼmo anakeʼa alagepa huʼnaya vayaʼmogimo maige maige huʼa maisaya yaʼmo ago aliʼnae.

2 Kolitiyani 4:6

Gotiʼa hani huʼniya yapifeʼmo, aeka ha lo, huno huʼniya Gotiʼa laipafifeʼmo hunoʼaeʼmo, aeka ha lo, huno huʼnigeno Goti ha le konali yaʼamo Kalaisi augosafatiʼmo aeno ha leʼnigeta ageʼnone.

Himulu 5:9

Gotiʼa aliʼyaʼamo alisiyafeʼmo avaleno aote ateʼnigenoʼaeʼmo agaemo geʼamo akame nehaya vayaʼai apakufamo alino katino neʼapateya kavaʼmo afoʼamoʼmo hamaleʼniye.

1 Yoni 2:13

Vayatama vayaʼmogitapae, huʼna, lapakaemo aepa faiʼniya afinatetiʼmo maiʼniya vekamo ago ageʼnayaʼmofeʼmo lapakaefeʼmo mani gemo avoʼmo kaeʼnove. Neya vayaʼmogitapae, huʼna, lapakaemo kame hutapa hosu vekamo aetapa agaseʼnayaʼmofeʼmo lapakaefeʼmo mani gemo avoʼmo kaeʼnove. Saufa mafaʼneʼnimogitapae, huʼna, lapakaemo muki yaʼmo Afoʼamoʼmo ago agetapa aeto huʼnayaʼmofeʼmo lapakaefeʼmo mani gemo avoʼmo kaeʼnove.

1 Yoni 3:14

Lagaemo konagatieʼmo lahau layamopafiʼmo nelahaiyaʼmofeʼmo afiʼnonana nefaliya kavategatiʼmo ago ataleta eta afaʼa neʼmaiya kavategamo maiʼnone. Konagaʼapieʼmo hapau apayamopafiʼmo nohapaiya vayaʼmo nefaliya kavategamo alagi neʼmaiye.

1 Yoni 3:19

Ani gemo avoʼmo kaeʼnova kavatetiʼmo ago ageʼnonana lama ge vayaʼamo maiʼnonaʼmofeʼmo laipamoʼmo falu huʼnisigeta Goti aulagaleʼmo atete osugune.

1 Yoni 3:6

Muki vayaʼmo agaepiʼmo alagi maiʼnaya vayaʼmogimo hosu kavaʼmo nosae. Hosu kavaʼmo nehaya vayaʼmogimo Kalaisiʼa oʼagege ageʼa aeto osuge huʼnae.

1 Yoni 4:13

Gotiʼa Aunemeʼamo ago lamiʼniyaʼmofeʼmo ani kavatetiʼmo ageʼnonana agaepiʼmo alagi maiʼnonageno lagaepiʼmo alagi maiʼniye.

1 Yoni 4:7

Nahauʼniya vayaʼmogitapae, huʼna, Hapau apayamopafiʼmo nehapaiya kavaʼmo afoʼamoʼmo Gotiʼa maiʼniyaʼmofeʼmo konagatimogifeʼmo lahau layamopafiʼmo lahaino. Muki vayaʼmo hapau apayamopafiʼmo nehapaiya vayaʼmo Gotiʼa alino apateʼnigeʼa mafaʼneʼamo maiʼneʼa Gotiʼa ageʼa aeto huʼnae.

1 Yoni 5:19

Lagaemo ago ageʼnonana Goti mafaʼneʼamo maiʼnonaʼmonanafa muki ma mopafi vayaʼmogimo hosu vekamo aiyafiʼmo maiʼnageno yagaino neʼapate.

1 Yoni 5:2

Lagaemo Gotifeʼmo lahau layamopafiʼmo lahausigeta Goti keʼaepa geʼamo akame nehisunana ani kavatetiʼmo alagi ageʼnonana Goti mafaʼneʼamogifeʼmo lahau layamopafiʼmo nelahaiye.

1 Yoni 5:3

Gotifeʼmo hapau apayamopafiʼmo nehapaiya kavaʼmoʼa Goti keʼaepa geʼamo ani kavaʼmo hiyo, ina kavaʼmo osiyo, huno huʼniya geʼamo akame nehaya kavaʼmo haneʼniye. Goti keʼaepa geʼamo akame hisuna kavaʼmoʼa kana osuʼniyanageta afaʼa akame hugune.

Leveleseni 12:17

Nagaloʼyavemoʼmo a kanoeʼmo lusi kava huno aipamo leno ateteno a kanomo mafaʼneʼamogimo Goti geʼamo akame huteʼa Yesuʼmo alino apave liʼniya gemo oʼataleʼa atafauʼa alagi nehaya vayaʼaitegamo kame huno apatesiyafeʼmo uʼniye.

Leveleseni 14:12

Huno huʼniyaʼmofeʼmo apaote vayaʼmogi Goti keʼaepa geʼamo akame huteʼa Yesuʼmo oʼataleʼa agaefeʼmo apakesamo afiʼa fatago nehaya vayaʼmogimo oʼataleʼa lokiya vaiʼa maiyo.

Leveleseni 22:14

Gotiʼa ani kavaʼmo hiyo, ina kavaʼmo osiyo, huno huʼniya gemo akame nehaya vayaʼmogimo Goti aulena vayaʼamogimo taoni lafi kate kipatetiʼmo uʼa haiʼa afaʼa neʼmaiya yaʼmo neʼapamiya yosa alagamo negae.