1 Yoni 2:16 - The Keyagana NT and 25 OT books

¹⁶ Muki ma mopafi kavaʼmo haneʼniyana apakufamoʼmo haʼye nehiya kavaʼmo hanege ageteʼapaeʼmo hapaʼye nehiya kavaʼmo hanege aliteʼa ala apakimo neʼaliya kavaʼmo hanege huʼniye. Ani kavaʼmo Goti kavaʼamo ohaneʼnifa ma mopafi kavaʼmo haneʼniye.

1 Yoni 2:16 ပူးပေါင်းရင်းမြစ်များ

Aepa Gemae 3:6

A kanomoʼmo ani yosa alagamo ageʼniyana alagepa yosa alagamo aeʼnigeno ageno haʼye huʼniye. A kanomoʼmo ina kava huno agesamo afiʼniye, kanalenageʼna mani yosa alagamo neteʼnaeʼmo alagepa huʼna afiteʼna agegauve, huno huteno ani yosa alagamo lagino neʼniye. Neteno anauʼamoʼmo agaeʼeʼmo lokaeno maiʼniya vekamo amiʼnigeno neʼniye.

Aepa Gemae 6:2

Ani afinaʼmo Goti ve mafaʼne anagaʼamogimo ani a mafaʼne anagaʼmo ma mopafi vayaʼai a mafaʼne anagaʼaifeʼmo alagepa apaulagamo apakeʼnaya a mafaʼne anagaʼmo maiʼnageʼa apaketeʼapaeʼmo alisageno aʼne anagaʼapimo maisayafeʼmo hapaʼye huʼniyaʼmofeʼmo aliʼnae.

Samu 73:6

Himuʼnamu kavaʼmo nehaya kavaʼapimoʼmo ha le konali yaʼapigana huno haneʼniye. Kame nehaya kavaʼapimoʼmo kukena yaʼapigana huno haneʼniye.

Samu 78:18

Gotifeʼmo, lahauʼniya neʼyaʼmo lamiyo, huʼa amalageka huʼnae.

Samu 78:30

Neʼyaʼmo afaʼa lamigifiye, huʼa huteʼa amalageka huteʼa apakesamo afiʼa fatago osuʼnayaʼmofeʼmo apamiʼniya neʼyaʼmo neʼa oʼnakaiʼnafa apavayafiʼmo kutala neʼaigenoʼaeʼmo Gotiʼa aipamo leno apateteno Isaleli vayapatiʼmo hogote lokiya vayaʼageʼmo ago apamagiʼnigeʼa faliʼnae.

Mai'naya kavane 27:20

Ata kopiʼe alino apagoʼya lagauno apataleʼnigeʼa uʼa neʼmaiya koteʼeʼmo kili nopaya kava huno vayaʼmogi alagiʼmo ageʼnove, huʼa nosae.

Mai'naya kavane 6:25

Alagepa agufaeʼmo ageka kahaʼye osuvo. Fiku yanageno aulagaletiʼmo aulu kahaeteno kayateʼmo aligiye.

Neniyo 4:30

Mani Mamiloni taonimo alo huʼnova taonimo vayaʼmogi ageʼa amuse nehaya taonimo ohaneʼnifiye. Nagaiʼni ala nagiʼnilefeʼmo himamuʼniletiʼmo alo hutove, huno huʼniye.

Napa 11:34

Apakaemo ani koteʼmo ani ve aʼnemogi apakufaʼamo kiʼa apateteʼapaeʼmo ani koʼmo agiʼamo ve aʼnemogimo ameʼaeʼmo lusi kava huno hapauʼniya kanoluve, huʼa ateʼnae.

Napa 11:4

Muki asole alu nofi vayaʼmo Isaleli vayaʼeʼmo magokepiʼmo uʼnaya vayaʼmogimo ameʼamo mago nesayafeʼmo lusi kava huno hapauʼnigeno hapaʼye huʼnigeʼa Isaleli vayaʼeʼmo halate aviʼyaʼmo huteʼa huʼa faipa huʼapaeʼmo, ina laʼmo ameʼamo lamigiye. Lagaemo Isipi koteʼmo maiʼnetaeʼmo lamu paesiya agufa noyamemo afa neʼnone.

Matiyu 4:8

Nevoʼa halate yatala avefiʼmo avalelinuno haino ateʼnenoʼaeʼmo muki ma mopafi haneʼniya yaʼamogi ala kini vayaʼai konagi mopagi konali yaʼapimogi huno alino ave liʼniye.

Matiyu 5:28

Mani gemo ago huʼnayaʼmonanafa hemenimo nagaemo lapa paiʼnaeʼmo, Mago vekamoʼa a kanomo agetenoʼaeʼmo haʼye nehisiyana aipafiʼmo ani a kanoʼeʼmo kumai kavaʼmo huʼniye.

Luki 4:5

Sataniʼmo avalelinuno haino malage huno muki ma mopafi alaʼapimo maiʼneʼa yagaiʼa neʼapataya vayaʼai koʼmo alino ave liʼniye.

Lomu 13:14

Lapakaemo lapakufamoʼmo hauʼniya kavaʼmo afole aisayafeʼmo alo osutapa Ala kava netapimo Yesu Kalaisikeʼmo kukenagana hutapa alita vaiyo.

1 Kolitiyani 10:6

Ani kavaʼmo alino lave lisiya aune kavaʼmo haneʼniye. Apakaemo hosu kavafeʼmo hapaʼye huʼniya kava huta lagaeʼeʼmo lahaʼye osisiyafeʼmo mani gemo huʼniye.

Galesiya 5:17

Atafa laipamoʼmo Goti Aunemeʼaeʼmo kame huno neʼategenoʼaeʼmo Goti Aunemeʼamoʼmo atafa laipaʼeʼmo kame huno neʼate. Kame huno neʼateyaʼmofeʼmo lapauʼnisiya kavaʼmo afaʼa osugae.

Galesiya 5:24

Kalaisi Yesu vayaʼamogimo atafa apaipa apakesagi atafa apaipafatiʼmo hapaʼye nehiya kavanagi huʼa aliʼa malipu yosaleʼmo nili aiteʼa aliʼa he tiʼa ateʼnae.

Efasasi 2:3

Mukiʼamogitamo apakaekana huta maiʼnogeno lagufamoʼe lagesamoʼeʼmo lahaʼye huʼnigetaeʼmo lagufamoʼmo hauʼniya kavaʼmo huge hosu kavafeʼmo lagesamo afita akame huge huʼnone. Itatimogi aliʼa lateʼnagetaeʼmo muki ma mopafi vayakana huta hosu laipamo alita maiʼnonaʼmofeʼmo Gotiʼa aipamo leno nelateyanageno kayoʼmo lamisiya agufa kavaʼmo huta maiʼnone.

Taitasi 2:12

Gotiʼa ani kavaʼaletiʼmo hunoʼaeʼmo, mono nosaya kavatapimogi ma mopafi kavafeʼmo lapaʼye nehiya kavatapimogi hutapa alita ataletetapa hemenimo maiʼnetapaeʼmo lapauʼniya kavateʼmo yagaige vayaʼaitegamo fatago kavaʼmo huge Gotifekeʼmo mono huge hutapa maiyo, huno alino laya neʼmale.

Taitasi 3:3

Hogoteta apakaekana huta maiʼneta negi kava huta ge oʼafita aigofe gegeʼmo afita maiʼnone. Asole agufa hosu kavatimo haneʼniyana lagufamoʼmo hauʼniya kavatimoʼe hosu lahaʼye nehiya kavaʼmoʼeʼmo yagaino lateʼnigeta alagepa huʼa oʼmaisayafeʼmo lagesamo afiʼnetaeʼmo hosu laipamo kalita apatege laipa kafa hapaege huta maiʼnone. Lagaefeʼmo apaini huʼnagetaeʼmo lagaeʼeʼmo apakaefeʼmo laini huʼnone.

Yemisi 3:15

Ani agufa ageteʼa afiʼnaya kavaʼapimo kokuʼnapatiʼmo emi noʼmeʼnifa ma mopafi vayaʼai kavaʼapimo apakufamoʼmo hauʼniya kavaʼmo Satanitegatiʼmo afole neʼaiye.

Yemisi 4:16

Hisaya gemo haneʼniyaʼmonanafa hemenimo lapakaemo, afaʼa hugune, huta hutetapa lapakitapileʼmo alita asaga hutetapa himuʼnamu gemo nehae. Ani agufa himuʼnamu gemo nehaya gemo hosu gemo nehae.

Yasuva 7:21

Lagaemo kame hutetaeʼmo Yeliko vayaʼmogi yaʼmo aliʼnona afinaʼmo ani kagemi yaʼmo folagapiʼmo mago kanale kukena yaʼmo Mamiloni vayaʼmogi kukena yanagi fo kilo siluva monigi magoke kilo goli yafanagi huʼna ageʼnove. Ageteʼna ani yafeʼmo nahaʼye huʼnigeʼna aliʼnove. Nagaemo aliniʼnuʼna seli noʼnifiʼmo haiʼna muki yaʼamo mopafiʼmo keli vai maleʼnove. Siluvaʼmo ema afepiʼmo haneʼniye.

1 Pita 1:14

Lapakaemo gemo neʼafiya mafaʼnegana hutapageʼmo maiyo. Hogotetapa Goti geʼamo oʼafiʼnetapaeʼmo amega lapakufamoʼmo hauʼniya kavaʼmo akame hutapa maiʼnayaʼmonanafa hemenimo lapakaefeʼmo keya aeno ge huʼniya vekamo alagepa aote vekamo maiʼniya kava hutapa muki kavaʼamo nehutapaeʼmo alagepa lapaote vayaʼmo maiyo.

1 Pita 2:11

Nahauʼniya vayaʼnimogitapae, huʼna, amega lapakufamoʼmo hauʼniya kavaʼmoʼa lapakupi mafaʼneeʼmo kame huno neʼate. Kalaga vayaʼmo maige etapa maige hutapa maiʼnayaʼmofeʼmo lapao ke hovanagi, ani kavafeʼmo haʼao, hutetapa osiyo.

2 Pita 2:10

Ani kava huno apakufamoʼmo hauʼniya kavaʼmo akame huteʼa kumai kavaʼmo huge muki yagaiʼa neʼapataya vayaʼai geʼapimo oʼafige nehaya vayaʼmo magoʼe huno lusi hanageke yaʼmo apamigiye. Ani agufa aigofe tisa vayaʼmogi koli osuʼa lusi himuʼnamu kavaʼmo huteʼa ala apaki vayaʼaifeʼmo apakesamo oʼafiʼa huʼa faipa huʼa neʼapatae.

2 Pita 2:18

Apakaemo falo gefatiʼmo huteʼapaeʼmo himuʼnamu kavaʼmo huteʼa afa hosu gemo nehae. Nehuʼapaeʼmo kumai kavaʼmo hisayafeʼmo amega apakufamoʼmo hauʼniya hosu kavaʼmo nehaya vayaʼaitegatiʼmo faiʼa kasalo paeʼa eʼnaya vayaʼai apayateʼmo neʼaliye.