1 Yoni 2:13 - The Keyagana NT and 25 OT books

¹³ Vayatama vayaʼmogitapae, huʼna, lapakaemo aepa faiʼniya afinatetiʼmo maiʼniya vekamo ago ageʼnayaʼmofeʼmo lapakaefeʼmo mani gemo avoʼmo kaeʼnove. Neya vayaʼmogitapae, huʼna, lapakaemo kame hutapa hosu vekamo aetapa agaseʼnayaʼmofeʼmo lapakaefeʼmo mani gemo avoʼmo kaeʼnove. Saufa mafaʼneʼnimogitapae, huʼna, lapakaemo muki yaʼmo Afoʼamoʼmo ago agetapa aeto huʼnayaʼmofeʼmo lapakaefeʼmo mani gemo avoʼmo kaeʼnove.

1 Yoni 2:13 ပူးပေါင်းရင်းမြစ်များ

Samu 90:2

Akeyaʼvilagamo aveʼe ma mopaʼeʼmo alo osuʼnana afinaʼmo hogoteka maiʼnananageka maige maige huka alagi maigane.

Samu 91:14

Gotiʼa, nagaefeʼmo hau ayamopafiʼmo hauʼniyaʼmofeʼmo agufamo aliʼna katiʼna ategauve, huno huʼniye. Nagiʼnimo afino alagepa huʼniyaʼmofeʼmo aliʼna asaga huʼna ategauve.

Mai'naya kavane 20:29

Neya vayaʼmo ha le konali yaʼapimoʼmo lokiyaʼapimo haneʼniye. Kosuna vayaʼmogimo ha le konali yaʼapimo lui apayokamo haneʼniye.

Matiyu 11:27

Afoʼnimoʼmo aliʼyaʼamo alisuvafeʼmo muki yaʼamo namiʼniye. Muki vayaʼmogimo mafaʼneʼamo nageʼa alagepa osuʼnayaʼmonanafa Afoʼnimokeʼmo nageno alagepa huʼniye. Muki vayaʼmogimo afoʼnimoʼmo ageʼa alagepa osuʼnayaʼmonanafa nagaemo ageʼna alagepa huʼneʼna nahauʼnigeʼna ageʼneʼna aliʼna apave liʼnova vayaʼmogiʼeʼmo ageʼa alagepa huʼa agege huʼnone.

Matiyu 13:19

Mago vayaʼmogi Gotiʼa yagaino neʼapateya kavafeʼmo ava gemo afiteʼapaeʼmo alagepa huʼa noʼafisayana hosu vekamoʼmo eno apaipafiʼmo hakaleʼniya avina yaʼmo hapa faleno alinino neʼviye. Ina kava huno kateʼmo asagauno aiʼniya avina yakana huno haneʼniye.

Matiyu 13:38

Hoyamo haneʼniya kava huno muki ma mopamo haneʼniye. Alagepa avina yaʼmo haneʼniya kava huʼa Gotiʼa yagaino neʼapateya vayaʼmo maiʼnae. Hosu inoʼmo haneʼniya kava huʼa hosu vekamo vayaʼamo maiʼnae.

Matiyu 5:37

He, nehutapaeʼmo heʼagekeʼmo hiyo. Haʼao, nehutapaeʼmo haʼaoʼagekeʼmo hiyo. Magoʼe huta hosu agufa gemo nehaya gemo alagi hosu vekalegatiʼmo neʼe.

Luki 10:22

Hutenoʼaeʼmo, Afoʼnimoʼmo muki yateʼe vayaʼaiteʼeʼmo yagaisuvafeʼmo alino nateʼniye. Muki vayaʼmogimo mafaʼneʼamo ageʼa alagepa huʼa oʼageʼnafa afoʼamokeʼmo ageno alagepa huno ageʼniye. Ani kavaʼmo huʼa vayaʼmogimo muki yaʼmo Afoʼamoʼmo ageʼa alagepa huʼa oʼageʼnafa mafaʼneʼamokeʼmo ageno alagepa huno ageʼniye. Ani kavaʼmo huno mafaʼneʼamoʼmo lekana paino apateʼnisiya vayaʼmo alino apave lisigeʼapaeʼmo muki yaʼmo Afoʼamoʼmo ageʼa alagepa huʼa agegae, huno hapa paiʼniye.

Yoni 14:7

Nageta alagepa hutapa nageʼnaesinana ani kava hutapa Afoʼnimoʼmo ageta alagepa hutapa nageʼnaesine. Ageʼnayaʼmofeʼmo hemenimo mani afinatetiʼmo aepa faitapa Afoʼnimoʼmo agetapa alagepa hugae, huno hapa paiʼnigeno

Yoni 14:9

Yesuʼa hunoʼaeʼmo, Filipigamo lapakaeʼeʼmo yatala afinaʼmo magokepi lokaeʼna maiʼnovana nageka aeto osuʼnapiye. Nageʼniya vekamoʼa muki yaʼmo Afoʼamoʼmo ago ageʼniyaʼmofeʼmo na kava higekaeʼmo muki yaʼmo Afoʼamoʼmo alika lave liyo, huka nehane.

Yoni 16:3

Muki yaʼmo Afoʼamoʼmo ageʼa alagepa osuʼnaya kava huʼa nagaemo nageʼa alagepa osuʼnayaʼmofeʼmo ani agufa kavaʼmo lapakaetegamo hugae.

Yoni 16:33

Lapakaemo nagaepiʼmo maiʼnetapaeʼmo lapaipamoʼmo falu hisiyafeʼmo mani gemo lapa nepauve. Ma mopafiʼmo maiʼnetapaeʼmo hanageke yaʼmo alitapa maigayaʼmonanafa nagaemo kame huʼna ma mopafi kavaʼmo ago aeʼna agaseʼnovaʼmofeʼmo lapakaemo lokiya vaita maiyo, huno hapa paiʼniye.

Yoni 17:21

Apakaemo mukiʼamogi magokeʼageʼmo maiʼneʼa Afoʼnimogamo nagaepiʼmo maiʼnanageʼna kagaepiʼmo maiʼnova kava huʼa laʼagaepiʼmo magokeʼageʼmo maisayafeʼmo nunumuʼmo huʼna neʼapatove. Magokeʼageʼmo maiʼnisageʼapaeʼmo ma mopafi vayaʼmogi apaketeʼapaeʼmo nagaefeʼmo, Gotiʼa alino ateʼnigeno emineʼniye, huʼa apakesamo afiʼa fatago hisayafeʼmo nunumuʼmo huʼna neʼapatove.

Yoni 17:3

Kagaemo lama geʼageʼmo nehana Gotigaʼe Yesu Kalaisiʼmo alika ateʼnanageno emineʼniya vekaʼeʼmo anakeʼa alagepa huʼnaya vayaʼmogimo maige maige huʼa maisaya yaʼmo ago aliʼnae.

Yoni 8:19

Afokamoʼmo haiyate maiʼniye, huʼa ge huʼa afi geʼnagenoʼaeʼmo, lapakaemo nagaemo nagetapa aeto osuʼnayaʼmofeʼmo Afoʼnimo agetapa aeto osuʼnae. Nagetapa aeto huʼnaesinana Afoʼnimoʼeʼmo agetapa aeto huʼnaesine, huno hapa paiʼniye.

2 Kolitiyani 4:6

Gotiʼa hani huʼniya yapifeʼmo, aeka ha lo, huno huʼniya Gotiʼa laipafifeʼmo hunoʼaeʼmo, aeka ha lo, huno huʼnigeno Goti ha le konali yaʼamo Kalaisi augosafatiʼmo aeno ha leʼnigeta ageʼnone.

1 Timoti 5:1

Kagaemo alopa vayaʼaifeʼmo lokiya gemo osuka afokamofeʼmo ha nepaina agufa gemo huka hapa paiteka alika api aika apato. Konagakamogifeʼmo hapa nepaina agufa gemo huka neya vayaʼaifeʼmo hapa paiteka alika api aika apato.

Taitasi 2:6

Ani kava huka neya vayaʼaifeʼmo, lapaipa lapakesaleʼmo alagepa hutapa yagaita ateyo, huka apakesamo alika hapa paiyo.

1 Yoni 1:1

Lagaemo mago vekamo agiʼamo Goti Geʼamo maige maige huʼa neʼmaiya yaʼmo afoʼamofeʼmo ava gemo huta mani gemo avoʼmo nekaone. Ani vekamo aliʼyaʼamo aepa faino aliʼniya afinatetiʼmo maime maime eʼnigetaeʼmo geʼamo afiteta laulagafatiʼmo ageʼnone. He, aulu haeta ageteta agufaleʼmo layatetiʼmo ame aliʼnone.

1 Yoni 2:1

Aise mafaʼneʼnimogitapae, huʼna, lapakaemo hosu kavaʼmo osisayafeʼmo mani gemo lapakaefeʼmo avoʼmo nekaove. Mago vekamoʼmo hosu kavaʼmo hisiyaʼmoʼmo laha maeno muki yaʼmo Afoʼamofeʼmo ge huno nelateya vekamo maiʼniye. Ani vekamo Yesu Kalaisiʼa fatago vekamo maiʼniye.

1 Yoni 2:12

Aise mafaʼneʼnimogitapae, huʼna, Gotiʼa Kalaisi agiʼalefeʼmo hosu kavatapimo ago alino ataleʼniyaʼmofeʼmo lapakaefeʼmo mani gemo avoʼmo kaeʼnove.

1 Yoni 2:14

Vayatama vayaʼmogitapae, huʼna, lapakaemo akeyaʼvilagamo aepa faiʼniya afinatetiʼmo maiʼniya vekamo ago ageʼnayaʼmofeʼmo lapakaefeʼmo mani gemo avoʼmo kaeʼnove. Neya vayaʼmogitapae, huʼna, Lokiya vaitapa maiʼnagenoʼaeʼmo Goti geʼamo lapaipafiʼmo alagi haneʼnigetapaeʼmo kame hutapa hosu vekamo aeta agaseʼnayaʼmofeʼmo lapakaefeʼmo mani gemo avoʼmo kaeʼnove.

1 Yoni 3:12

Kenikana huta oʼmaigetao. Keniʼa hosu vekamo mafaʼneʼamo maiʼneno aganaʼamoʼmo kamitimo amagiʼnigeno faliʼniye. Na kava higeno kamitimo amagiʼniye. Keniʼa hosu kavaʼmo huʼnigeno aganaʼamoʼmo fatago kavaʼmo huʼniyaʼmofeʼmo kamitimo amagiʼnigeno faliʼniye.

1 Yoni 4:4

Aise mafaʼneʼnimogitapae, huʼna, lapakaemo Goti mafaʼneʼamo maiʼnetapaeʼmo kamemo hutapa aigofe vayaʼmo ago aeta apakaseʼnae. Lapaipafiʼmo maiʼniya Aunemeʼamoʼa ma mopafi vayaʼai apaipafiʼmo maiʼniya aunemeʼamo ago aeno agaseno maiʼniyaʼmofeʼmae.

1 Yoni 5:18

Gotiʼa alino apateʼniya mafaʼneʼamogimo hosu kavaʼmo akame nosae. Gotiʼa alino apateʼniya vayaʼmogi apakaiʼapileʼmo yagaiʼa neʼapatagenoʼaeʼmo hosu vekamoʼmo alino hosu huno noʼapate.

1 Yoni 5:20

Lagaemo ageʼnonana Goti Mafaʼneʼamo emineno lama ge Gotiʼa ageta alagepa hisunafeʼmo lagesamo afisuna yaʼmo lamiʼniye. Lagaemo lama ge vekafiʼmo maiʼnetaeʼmo Mafaʼneʼamo Yesu Kalaisipiʼmo maiʼnone. Ani vekamo lama ge Gotiʼa maiʼnenoʼaeʼmo alagepa huta maige maige huta maisuna yaʼmo afoʼamoʼmo maiʼniye.

Leveleseni 12:11

Konagatimogimo aikeli sipisipimo kolaʼaletiʼmo lama geʼamo aeʼa hakalo huʼa hapa paiʼnaya geʼaletiʼmo aeʼa agaseʼnae. Apakaemo apakaiʼapi apakufaeʼmo apakesamo oʼafiʼa afaʼa faligune, huʼa huʼnae.

Leveleseni 2:7

Apakesamo haneʼnisiya vayaʼmogi Goti Aunemeʼamoʼmo siosiʼafi siosiʼafiʼmo maiʼnaya vayaʼaifeʼmo hapa nepaiya gemo afiyo. Nagaemo kamemo huʼa aeʼa neʼapakasaya vayaʼaifeʼmo, Afaʼa maisaya yaʼmo neʼapamiya yosa alagamo Goti hoyamo agiʼamo Palanaisi hoya folagapiʼmo haneʼniya yosa alagamo etapa afaʼa lagita neyo, huʼna hapa paiguve, huno naha paiʼniye.