1 Yoni 1:8 - The Keyagana NT and 25 OT books

⁸ Lagaemo, hosu kavatimo ohaneʼniye, huta nehisunana lagaitieʼmo humi nelatonagenoʼaeʼmo lama geʼamo laipafiʼmo alagi nohane.

1 Yoni 1:8 ပူးပေါင်းရင်းမြစ်များ

Samu 143:2

Kaulagaleʼmo mago fatago vekamo oʼmaiʼniyaʼmofeʼmo aliʼyakamo neʼaluva vekamo agoti huka oʼnato.

Mai'naya kavane 20:9

Ina laʼmo hunoʼaeʼmo, nagaemo naipafatiʼmo hosu kavaʼnimo aeʼna kalo paeʼna ataleʼnogeno naipafiʼmo hosu kavaʼnimo ohaneʼnigeno yaveyave naipamo haneʼniye, huno afaʼa hugiye.

Aiyeya 53:6

Lagaemo sipisipigana huta maiʼneta alagepa kaʼmo ataleta atagu faeta uteta huta maiʼnone. Lagaemo ataleta lahauʼniya kateʼmo lamete lamete huta uʼnone. Inagi Ala kava neʼmoʼa mukiʼamogita hosu kavatimo alino anupa huno agaeteʼmo maleʼniye.

Aiyeya 64:6

Kaulagaleʼmo mukiʼamogitamo oʼaniʼya faiʼniya yakana huta maiʼnone. Muki fatago kavatimoʼmo mago oʼaniʼya faiʼnigeʼa aliʼa yaga auʼa neʼatalaya kukena yakana huno haneʼniye. Mukiʼamogitamo vaiʼniya yosa haitagana huta maiʼnonageno yasimoʼmo alino halelino neʼviya kava huno hosu kavatimoʼmo lavalelino uʼniye.

Yoni 8:44

Afotapimoʼmo Sataniʼa maiʼnigetapaeʼmo mafaʼneʼamo maiʼnetapaeʼmo afotapimoʼmo hauʼniya kavaʼmo akame nehae. Aepa faiʼniya afinatetiʼmo vayaʼmo neʼapamagiya vekamo maiʼniye. Lama gemo aipafiʼmo alagi ohaneʼniyaʼmofeʼmo lama gelefeʼmo kame nehiye. Aigofe gemo aepa vekamo maiʼniyaʼmofeʼmo aipafatiʼmo alagi aigofe gemo nehiye.

Lomu 3:10

Ani kavatefeʼmo Goti mukufiʼmo avoʼmo kae maleʼnaya gemoʼa hunoʼaeʼmo, Mago fatago vayaʼmo oʼmaiʼnae. Magokeʼatomo alagi oʼmaiʼniye.

Lomu 3:23

Na kava huʼnagenoʼaene. Muki vayaʼmogimo hosu kavaʼmo huteʼa Goti ha le konali yaʼamo uʼa haiʼa me taleʼnayaʼmofeʼmo noʼaliye.

1 Kolitiyani 3:18

Lapakaitapieʼmo humi olapateyo. Lapakaepatiʼmo mago vekamoʼmo ma mopafi vayaʼmogi afiteʼa ageʼnaya agufa gemo afitenoʼaeʼmo, ageteʼna afiʼnova vekamo maiʼnove, huno agesamo neʼafisiyana ageteno afiʼniya geʼamo ataleteno, negi vekamo maiʼnove, huno hino. Huno hisiyana lama geleʼmo ageteno afiʼniya vekamo hamalegaiye.

Galesiya 6:3

Mago vekamoʼmo hunoʼaeʼmo, ala nagi vekamo maiʼnove, huno agesamo neʼafisiyana ina agufa vekamo maiʼniyaʼmofeʼmo agaiʼaekeʼmo humi neʼate.

1 Timoti 6:5

Apaipa apakesamoʼmo kasaliʼniya yakana agufa apakesamo afiteʼa lama gemo oʼaliʼa ataleʼa alu ge alu gemo huteʼapaeʼmo afa gemo nehae. Mono kavatiletiʼmo akamelegamo magoʼe yaʼmo aligune, huʼa apakesamo neʼafiye. Ani agufa vayaʼmo maika halove huka apato.

2 Timoti 3:13

Inagi hosu vayaʼmogi humi apatesaya vayaʼmo magoʼe magoʼe huʼa hosu kavaʼmo huʼa humi neʼapatesagenoʼaeʼmo Sataniʼa apakaeʼeʼmo humi apategaiye.

Yemisi 1:22

Goti geʼamo fikumo afisayana lapakaitapieʼmo humi lapategayanagi fikumo oʼafitapa alagepa huta afitetapa akame hiyo.

Yemisi 1:26

Mago vekamoʼmo hunoʼaeʼmo, mono vekamo maiʼnove, huno agesamo afiʼnisiyaʼmoʼmo avayaleʼmo alagepa huno oʼyagaino hosu gemo nehisiyana mono nehiya kavaʼamo ina agufa kavaʼmo haneʼniyanageno alagi ha oʼmaegaiye. Agaiʼaeʼmo humi neʼate.

Yemisi 3:2

Mukiʼamogitamo muki kavaʼalefeʼmo uta haita me netalone. Mago vekamoʼmo avayaletiʼmo alagepa geʼageʼmo nehisiyana hosu kavaʼamo alagi ohaneʼniye. Ani agufa gemo nehisiya vekamoʼmo uno haino hapaiʼniya vekamogeno muki agufaʼaleʼmo alagepa huno afaʼa yagaigiye.

2 Pita 2:13

Hosu kavaʼapimo anonaʼapilefeʼmo alino apagoʼya lagaugiye. Apakaemo felugamo ha leʼnigeʼapaeʼmo apakufamoʼmo hauʼniya kavaʼmo huʼa lusi neʼyaʼmo nege aniʼmo nege hosu kavaʼmo huge huteʼa apamogaga neʼaiye. Lapakaeʼeʼmo neʼyaʼmo neʼneʼapaeʼmo kukena yaʼapileʼmo oʼaniʼya faiʼnigeno alagena yaʼmo haneʼniya agufa yakana huʼa maiʼneʼa aigofe geʼapiletiʼmo humi lapateteʼapaeʼmo apamogaga neʼaiye.

1 Yoni 1:10

Lagaemo, hosu kavaʼmo osuʼnone, huta nehisunana ani ge huta Gotifeʼmo hutaeʼmo, aigofe gemo nehiya vekae, huta nehunagenoʼaeʼmo lama geʼamo laipafiʼmo alagi nohane.

1 Yoni 1:6

Lagaemo hanipiʼmo umenitata nehutaeʼmo, Gotiʼeʼmo afalu afalugana huta lokaeta maiʼnone, huta nehisunana aigofe gemo huteta lama gemo alagi akame nosune.

1 Yoni 2:4

Mago vekamoʼmo, ageʼna aeto huʼnove, huno nehunoʼaeʼmo Goti keʼaepa geʼamo akame nosisiyana agaemo aigofe vekamo maiʼnigeno lama gemo aipafiʼmo alagi ohaneʼniye.

1 Yoni 4:20

Mago vekamoʼmo hunoʼaeʼmo, Nagaemo Gotifeʼmo nahau nayamopafiʼmo neʼnahaiye, huno nehunoʼaeʼmo konagaʼamogifeʼmo aini hisiyana aigofe vekamo maiʼniye. Agaemo ageʼniya konagaʼamofeʼmo nohausiyana haiya kava huno oʼageʼniya Gotifeʼmo hau ayamopafiʼmo haugiye.

2 Yoni 1:2

Lama gemo laipafiʼmo haneʼniyanageno alagi hanege hanege huno hanegaiyaʼmofeʼmae.

3 Yoni 1:3

Mago konagatimogi eʼa huʼapaeʼmo, lama geleʼmo alagepa huno maiʼniye, huʼa kava gemo huʼa naha paiʼnageʼna afiteʼnaeʼmo namogaga aiʼnove. Ageʼnovana lama gemo alagepa huka akame nehane.