1 Yoni 1:4 - The Keyagana NT and 25 OT books

⁴ Lagaemo lapaipafiʼmo lapamogaga aisaya kavaʼmo havai tesiyafeʼmo mani gemo avoʼmo nekaone.

1 Yoni 1:4 ပူးပေါင်းရင်းမြစ်များ

Aiyeya 61:10

Ala kava nefeʼmo magoʼe huʼna lusi kava huʼna namogaga aiguve. Nagupi mafaʼnemoʼmo Gotiʼnimofeʼmo magoʼe huno amuse huno ategaiye. Na kava hinageʼnaene. Agaemo nagufamo alino katino nateteno fatago kavaʼamo yatala kukenagana huno alino vaino nateʼniye. Agaemo fatago kavaʼmo alagi alagepa yatala kukenagana huno alino nagufaleʼmo ago aino ati kaeno nateʼniye. Aʼmo alisiya vekamoʼmo konalimo neʼaliya kava huʼna maiʼnove. Veleʼmo maisiya a kanomoʼmo alopa moniletiʼmo miya nefaiya sesu konalimo aliteno neʼmaiya agufa kava huʼna maiʼnove.

Yoni 15:11

Namogaga neʼauva kavaʼmoʼa lapaipafiʼmo havai tesigetapaeʼmo lapamogaga aisayafeʼmo mani gemo lapa nepauve.

Yoni 16:24

Hogotetapa nagiʼniletiʼmo ge hutapa afi okeʼnae. Afaʼa ge hutapa afi gegenoʼao lapamisigeno lapaipafiʼmo lapamogaga aisaya kavaʼmo havai tegaiye, huno hapa paiʼniye.

Yoni 3:29

Aʼmo aligesuve, huno huʼniya vekamoʼmo alisiya a kanomo agaiʼa aʼmae. Aʼmo aliguve, huno huʼniya vekamo ao vekamo eno magokepi lokaeno he tino maiʼnigeno aʼmo aliguve, huno huʼniya vekamoʼa amogaga aino ge higeno afitenoʼaeʼmo amogaga neʼaiye. Ani kava huno aʼmo neʼaligeʼnaeʼmo namogaga neʼauva kavaʼmo alagi haeʼmae.

2 Kolitiyani 1:24

Lagaemo lapakesamo afita fatago hisaya kavatetiʼmo ala lagi vayatapimo maisunafeʼmo osuʼnonaʼmonanafa lapamogaga aisayafeʼmo lapa neʼmaone. Lapakesamo afita fatago nehutapaeʼmo atafautapa alagi huʼnetapa he titapa maiʼnae.

Efasasi 3:19

Muki alagepa yaʼageʼmo kaipafiʼmo havai teʼniya agufa kava huʼa kagaekana huʼa maisayafeʼmo alagi oʼagesaya agufa kavaʼmo Kalaisiʼa hau ayamopafiʼmo hauʼniya kavaʼmo ageyo, huʼna nunumuʼmo huʼna nelapatove.

1 Yoni 2:1

Aise mafaʼneʼnimogitapae, huʼna, lapakaemo hosu kavaʼmo osisayafeʼmo mani gemo lapakaefeʼmo avoʼmo nekaove. Mago vekamoʼmo hosu kavaʼmo hisiyaʼmoʼmo laha maeno muki yaʼmo Afoʼamofeʼmo ge huno nelateya vekamo maiʼniye. Ani vekamo Yesu Kalaisiʼa fatago vekamo maiʼniye.

2 Yoni 1:12

Nagaemo asole gemo avoʼmo kaeʼna lapa paisuvafeʼmo nehuvaʼmonanafa avoʼmo kaesuvafeʼmo oʼnahaiye. Nagaemo lapakaetegamo visugeta laugosamo magokepi alita anupa hutetaeʼmo lusi kava huta lamogaga aisunafeʼmo nahauʼniye.