1 Yoni 1:2 - The Keyagana NT and 25 OT books

² Mani vekamo afaʼa neʼmaiya yaʼmo aepa vekamo afole aiʼnigeta agetetaeʼmo agaefeʼmo faigoko geʼamo aeta hakalo huta lapa nepaune. Agaemo maige maige huʼa neʼmaiya yaʼmo afoʼamoʼmo Goti muki yaʼmo Afoʼamoʼeʼmo magokepi lokaeno maiʼneno lagaetegamo afole aiʼniya vekaeʼmo ava gemo huta lapa nepaune.

1 Yoni 1:2 ပူးပေါင်းရင်းမြစ်များ

Yoni 1:18

Muki vayapatiʼmo magoke vekamoʼmo alagi Gotiʼmo oʼageʼniyaʼmonanafa Gotiʼa aiya magoke mafaʼneʼamoʼmo muki yaʼmo Afoʼamo haopaleʼmo maiʼniya mafaʼneʼamokeʼmo alino lave liʼnigeta ageʼnone.

Yoni 1:4

Agaemo alagepa huʼa neʼmaiya kavaʼmo aepa vekamo maiʼnigeno agaepatikeʼmo alagepa huʼa neʼmaiya kavaʼmo afole aiteno vayaʼaitegamo aeno ha leʼnigeʼa ageʼnae.

Yoni 10:28

Nagaemo maige maige huʼa maisaya yaʼmo aliʼna neʼapamuvanageʼa alagi ofaligae. Mago vayaʼmogi eʼa nayapatiʼmo aliʼa naha faleʼa oʼapatalegae.

Yoni 14:6

Nagaemo kaʼmo maiʼneʼna lama gemo aepa vekamo maiʼneʼnaeʼmo vayaʼmo afaʼa maisaya yaʼmo aepa vekamo maiʼnove. Muki vayaʼmogimo muki yaʼmo Afoʼamotegamo apakaiʼapimo afaʼa oʼugafa nagaeteʼmo eteʼapaekeʼmo muki yaʼmo Afoʼamotegamo afaʼa ugae.

Yoni 15:27

Lapakaemo aliʼyaʼnimo aepa faiʼna aliʼnova afinatetiʼmo nagaeʼeʼmo magokepi lokaeta maime maime etapa hemeniʼeʼmo maiʼnayaʼmofeʼmo lapakaeʼeʼmo nagaefeʼmo faigoko geʼnimo aeta hakalo hugae, huno hapa paiʼniye.

Yoni 16:28

Nagaemo Afoʼnimotegatiʼmo ma mopafiʼmo emiʼneʼnove. Halate ma mopamo ataleʼna Afoʼnimotegamo uʼna haiguve, huno hapa paiʼnigeʼapaeʼmo

Yoni 17:3

Kagaemo lama geʼageʼmo nehana Gotigaʼe Yesu Kalaisiʼmo alika ateʼnanageno emineʼniya vekaʼeʼmo anakeʼa alagepa huʼnaya vayaʼmogimo maige maige huʼa maisaya yaʼmo ago aliʼnae.

Yoni 17:5

O Afo, huno, kagaeʼeʼmo magokepi lokaeʼna maiʼneʼnaeʼmo kaulagaleʼmo ha le konali yaʼnimo ma mopamo alo osuʼnana afinatetiʼmo aliʼnova ha le konali yaʼnimo alika namiyo.

Yoni 19:35

Apakesamo afiʼa fatago hisayafeʼmo ani kavaʼmo ageʼniya vekamoʼmo faigoko gemo huno hapa paiʼniye. Agaemo hunoʼaeʼmo, lama gemo nehuve, huno, ago ageʼnove, huno hapa paiʼniye.

Yoni 21:14

Yesuʼa faliʼniyatetiʼmo halate he tinoʼaeʼmo napa tali afinaʼmo geʼamo neʼafiya vayaʼai apaulagaleʼmo afole aiʼnigeʼa ageʼnae.

Yoni 3:13

Mago vekamoʼmo kokuʼnapi kavaʼmo uno haino oʼageʼniyaʼmonanafa Vemo Mafaʼnemo kokuʼnapatiʼmo emineʼniya vekamogeno hemeniʼeʼmo kokuʼnapiʼmo maiʼniye.

Yoni 7:29

Agaemo alino nateʼnigeʼna agaetegatiʼmo emiʼneʼnovaʼmofeʼmo ageʼnove, huno hapa paiʼnigeʼapaeʼmo

Yoni 8:38

Nagaemo Afoʼnimoʼa alino nave liʼnigeʼna ageʼnova kavafeʼmo ava gemo huʼna lapa nepauvaʼmonanafa lapakaemo afotapimoʼa hiyo, huno nehiya gegeʼmo akame hutapa nehae, huno hapa paiʼnigeʼapaeʼmo,

Apa 10:41

Agaemo muki vayaʼai apaulagaleʼmo afole oʼaiʼnifa ageteta aeta hakalo huta hapa paisunafeʼmo Gotiʼa lekana paino lateʼniya vayaʼmogita laulagalekeʼmo afole aiʼniye. He tino maiʼnigetaeʼmo agaeʼeʼmo aniʼmo nege neʼyaʼmo nege huta maiʼnone.

Apa 2:32

Gotiʼa mani vekamo Yesuʼmo ago alino he tino ateʼnigeta ageteta aeta hakalo huta hapa nepauna vayaʼmo maiʼnone.

Apa 3:15

hutapa ha paitetapa afaʼa maisaya yaʼmo neʼapamiya vekamo amagiʼnageno faliʼniyaʼmonanafa Gotiʼa ago alino he tino ateʼniye. Ago he tiʼnigeta ageʼnonaʼmofeʼmo hemenimo aeta hakalo huta hapa nepauna vayaʼmo maiʼnone.

Apa 5:32

Lagaemo ani kavafeʼmo ava gemo huta aeta hakalo huta hapa nepauna vayaʼmo maiʼnone. Lagaeʼe Goti geʼamo akame nehaya vayaʼaina fiku hapa maeno apamiʼniya Aunemeʼamoʼeʼmo ava gemo nehune, huʼa hapa paiʼnae.

Lomu 8:3

Atafa laipamo haneʼnigenoʼaeʼmo keʼaepa gemo akame hisuna himamutimo ohaneʼniyaʼmofeʼmo keʼaepa gemoʼa afaʼa laha oʼmaeʼniyaʼmofeʼmo Gotiʼa laha maeno hosu kavatilefeʼmo agaiʼa mafaʼneʼamo alino ateʼnigeno emineno hosu kavaʼmo nehaya vayaʼai apakufagana agufamo aliʼnigenoʼaeʼmo Gotiʼa Kalaisi agufafiʼmo hosu kavatilefeʼmo agoti huno ateteno amagiʼniye.

Galesiya 4:4

Gotiʼa hu maleʼniya afinaʼmo afole aiʼnigenoʼaeʼmo Mafaʼneʼamo alino ateʼnigeno emineʼniye. Mago ma mopafi a kanomoʼmo alino ateʼnigeno Yu keʼaepa gemo afeʼalumelagamo maiʼniye.

1 Timoti 3:16

Mono kavatimo hogote kavaʼmo alopa kavaʼmo haneʼnigeno alino fala ki maleʼneno alino lave liʼnigeta ani mono kavaʼmo nehune. Mani geeʼmo hutaeʼmo, Gotiʼa agufamo aliteno vayaʼai apaulagaleʼmo afole aiʼniye. Goti Aunemeʼamoʼmo hunoʼaeʼmo, fatago vekamae, huno huʼniye. Enisole vayaʼmogi ageʼnae. Alu nofi vaya alu nofi vayaʼaifeʼmo agaefeʼmo alagepa faigoko geʼamo aeʼa hakalo huʼa hapa paiʼnae. Ma mopafi vayaʼmogimo agaefeʼmo apakesamo afiʼa fatago huʼnae. Gotiʼa avalelino uno haino kokuʼnapi ateʼnigeno maiʼniye, huta nehune.

2 Timoti 1:10

Akeyaʼvilagamo lamiʼniyaʼmonanafa Yesu Kalaisiʼa lagufamo alino katino lateteno lahau neʼvaiya vekamo afole aiʼnigenoʼaeʼmo hemenimo ani kavaʼmo laulagaleʼmo ago afole aiʼnigeta ageʼnone. Agaemo nefaluna kavaʼmo lokiyaʼamo alino hano huno ataleteno agaiʼaeʼmo alagepa faigoko geʼaletiʼmo maige maige huʼa maisaya yaʼmo alino afole aino ateʼniye.

Taitasi 1:2

Gotiʼa alagi aigofe gemo nosiya vekamoʼmo hogoteno ma mopamo alo osuʼnenoʼaeʼmo, fikumo hapa maeʼna apamisugeʼa maige maige huʼa maigae, huno polomasi gemo ago hu maleʼniyaʼmofeʼmo agava maiʼneʼapaeʼmo apavayagunagu nehae.

1 Pita 5:1

Nagaemo lapakaeʼeʼmo magokepi lokaeʼa maiʼneʼa yagaiʼa nelapataya vayatama vayaʼaifeʼmo gemo hapa paigesuve. Nagaeʼeʼmo yagaiʼna neʼapatova vayatama vekamo maiʼnove. Naulagafatiʼmo Kalaisiʼa ageʼnogeno kana yaʼmo aliʼnigeʼna ageteʼnaeʼmo aeʼna hakalo huʼna hapa nepauva vekamo maiʼnovanageʼna Kalaisiʼa ha le konali yaʼamo afole aisigeʼnaeʼmo hetamaʼnimo aliguve. Lapao ke hovanagi,

1 Yoni 1:1

Lagaemo mago vekamo agiʼamo Goti Geʼamo maige maige huʼa neʼmaiya yaʼmo afoʼamofeʼmo ava gemo huta mani gemo avoʼmo nekaone. Ani vekamo aliʼyaʼamo aepa faino aliʼniya afinatetiʼmo maime maime eʼnigetaeʼmo geʼamo afiteta laulagafatiʼmo ageʼnone. He, aulu haeta ageteta agufaleʼmo layatetiʼmo ame aliʼnone.

1 Yoni 2:25

Kalaisiʼa lapa maegauve, huno hu maleʼniya polomasi gemoʼa hunoʼaeʼmo, maige maige hutapa maisaya yaʼmo lapamiguve, huno laha paiʼniye.

1 Yoni 3:5

Lapakaemo ago afiʼnayana Kalaisiʼa hosu kavatimo alino atalesiyafeʼmo emineno afole aiʼniye. Agaiʼa aipafiʼmo hosu kavaʼamo alagi ohaneʼniye.

1 Yoni 3:8

Sataniʼa aepa faiʼniya afinatetiʼmo hosu kavakeʼmo hume hume neʼeya kava huʼa muki vayaʼmogi hosu kavaʼmo nehaya vayaʼmo Satani vayaʼamo maiʼnae. Goti Mafaʼneʼamoʼmo Satani aliʼyaʼamo alagi alino hano huno atalesiyafeʼmo emineno afole aiʼniye.

1 Yoni 4:14

Lagaemo Afotimoʼmo Mafaʼneʼamoʼmo muki ma mopafi vayaʼai apakufamo alino katino apatesiyafeʼmo alino ateʼnigeno emineʼniye, huta agetetaeʼmo aeta hakalo huta hapa nepaune.

1 Yoni 4:2

Muki vayaʼmogimo, Yesuʼa Kalaisi vekamo maiʼneno ma mopafi vayaʼai apakufagana agufamo aliteno vayaʼmo hamaleʼniye, huʼa nehaya vayaʼmo Goti Aunemeʼamo aliʼnae. Lapakaemo ani kavatetiʼmo ageʼnayana Goti Aunemeʼamo apaipafiʼmo maiʼniye, huta agetapa aeto huʼnae.

1 Yoni 5:11

Gotiʼa ageteno ha maeno faigoko gemo aeno hakalo hunoʼaeʼmo, nagaemo maige maige hutapa neʼmaiya yaʼmo lapamiʼnove, huno laha paiʼniye. Ani maige maige huʼa neʼmaiya yaʼmo mafaʼneʼafiʼmo maiʼniye.

1 Yoni 5:13

Nagaemo mani gemo Goti Mafaʼneʼamo agiʼalefeʼmo lapakesamo afita fatago nehaya vayaʼmogita hutapaeʼmo, maige maige huta maisuna yaʼmo aliʼnone, hutapa afitetapa agesayafeʼmo mani gemo avoʼmo kaeʼnove. Lapakaemo afitetapa lapakesamo afita fatago hume hume visayafeʼmo avoʼmo kaeʼnove.

1 Yoni 5:20

Lagaemo ageʼnonana Goti Mafaʼneʼamo emineno lama ge Gotiʼa ageta alagepa hisunafeʼmo lagesamo afisuna yaʼmo lamiʼniye. Lagaemo lama ge vekafiʼmo maiʼnetaeʼmo Mafaʼneʼamo Yesu Kalaisipiʼmo maiʼnone. Ani vekamo lama ge Gotiʼa maiʼnenoʼaeʼmo alagepa huta maige maige huta maisuna yaʼmo afoʼamoʼmo maiʼniye.