1 Timoti 6:9 - The Keyagana NT and 25 OT books

⁹ Kagemi yaʼapiʼe vayaʼmo maisayafeʼmo hapauʼnisiya vayaʼmo apamalageka hisiya kateʼmo neʼvagenoʼaeʼmo hosu hapaʼye kavaʼapimoʼa aneʼaifiʼmo hegekana huno neʼapatafaigeʼa alagi asagauʼa neʼaiyanageʼa ata kopiʼmo uʼa lamiʼa maigae.

1 Timoti 6:9 ပူးပေါင်းရင်းမြစ်များ

1 Kini 21:6

Agaemo ha painoʼaeʼmo, Nagaemo Yesali taonifi vekamo Nemotifeʼmo huʼnaeʼmo, Nofi hoyakamo miya faigesuve. Monieʼmo okahausigeʼnaeʼmo nagaemo alu nofi hoyamo kategauve, huʼna huʼnogenoʼaeʼmo, Nagaemo nofi hoyaʼnimo okategauve, huno naha paiʼniyaʼmofeʼmae, huno ha paiʼniye.

Samu 11:6

Agaemo apakaetegamo ko aigekana huno aneʼai nofikana yaʼmo yaga augiye. Atagi ata neleya yafanagi amuko yasimogi huno hetamaʼapimo haneʼniye.

Mai'naya kavane 15:27

Magoʼe yaʼmo alisiyafeʼmo haʼye nehiya vekamoʼmo afamo anagaʼamo hanageke yaʼmo alinineno neʼapamiyaʼmonanafa hosu kavaʼmo hisiyafeʼmo monimo hageʼa amisaya kavafeʼmo ohauʼniya vekamoʼmo ofalino alagepa huno afaʼa maigiye.

Mai'naya kavane 20:21

Mago vekamoʼmo afoʼamo yaʼmo malage huno aliʼnisiyaʼmoʼmo atupa afinaʼmo Gotiʼa alino auleno oʼategaiye.

Mai'naya kavane 21:6

Aigofe gemo huteʼa asole monimo alisayafeʼmo kahauya nehaya vayaʼmo ani kava huʼa falisaya kavafeʼmo kahauya nehae. Asole yaʼmo aligune, huʼa apakesamo neʼafiya yaʼmoʼa alagamunamo ageʼnageno malage huno apake nekaniya kava huno hano hugiye.

Mai'naya kavane 22:16

Mago vekamoʼmo kagemi yaʼmo magoʼe huno alisiyafeʼmo kafu nehaya vayaʼmo kana yaʼmo alino neʼapamisiyaʼmoʼmo agaiʼageʼmo kafu hisiya vekamo maigiye. Ani kava huno kagemi yaʼapimo haneʼniya vayaʼmo neʼapamiya vekamoʼmo kafu hisiya vekamo maigiye.

Mai'naya kavane 23:4

Kagemi yakamo hanesiya vekamo maisanafeʼmo lusi kava huka aliʼyaʼmo oʼaliyo. Ani agufa kagesamo neʼafina kagesamo alika atalo.

Aiyeya 5:8

Lapakaemo lapaopaleʼmo maiʼnaya vayaʼmo hapafaita apataletetapa noʼapimo alige mopamo faitapa katita alige hutapa maiʼnae. Lapakaemo muki mopamo alisageʼapaeʼmo alu vayaʼmo maisaya yaʼmo ohaneʼniyaʼmofeʼmo mopamo folagapiʼmo lapakaitapigeʼmo neʼmaiya vayanagi ehetapiye.

Napa 31:8

Apakaemo Mitiyani ve anagaʼmogiʼeʼmo faefuʼa Mitiyani kini vayaʼmo Ivaiʼagi Likeniʼagi Suʼagi Huʼagi Limaʼagi huʼa kamitimo apaiʼnae. Apakaemo Melamiʼmo Miyo mafaʼneʼeʼmo naipeletiʼmo kamitimo aiʼnageno faliʼniye.

Matiyu 13:22

Mago vayaʼmogi Goti geʼamo afiteʼapaeʼmo ma mopafiʼmo maisaya kavafekeʼmo hapausoli huteʼa kagemi yaʼmoʼa humi neʼapateya yaʼmo alisayafekeʼmo hapaʼye nehigenoʼaeʼmo Goti geʼamo ago aeno ati nekaeya kava huno aufe nofiʼmo haneʼniya yapiʼmo asagauno aiʼniya avina yakana huʼa maiʼnae.

Matiyu 19:22

neya vekamoʼmo ani gemo afitenoʼaeʼmo alopa kagemi yaʼamo haneʼniya vekamo maiʼniyaʼmofeʼmo aipamoʼmo kana huʼnigeno ataleno uʼniye.

Matiyu 26:15

avaleʼna lapamisuvafeʼmo na agufa yaʼmo namigae, huno ge huno apafi geʼnigeʼapaeʼmo tetiʼa siluva monimo lekana paiʼa amiʼnae.

Matiyu 6:19

Alagepa kagemi yatapimo ma mopafiʼmo ageta alu ai oʼmaleyo, fiku yanageno kafamoʼmo hatagauge oʼaniʼya faige kumaya vayaʼmogi noʼmo aeʼa yakiʼa kumayaʼmo alige hugae.

Luki 12:21

ani kavaʼmo huʼa apakaiʼapilefekeʼmo kagemi yaʼapimo ageʼa neʼmalayaʼmonanafa Gotitefeʼmo ageʼa noʼmalaya vayane, huno hapa paiʼniye.

Luki 21:35

Ma mopafi muki haopalegamo maiʼnaya vayaʼmo aneʼaiʼmoʼmo yagagafamo neʼatafaiya agufa kavakana huno apatafaugiye.

Apa 8:20

Pitaʼa hunoʼaeʼmo, Gotiʼa fikumo hapa maeno neʼapamiya yafeʼmo kagaemo, moniletiʼmo miya faiguve, huka kagesa neʼafinaʼmofeʼmo kagaeʼe monikaʼeʼmo ata kopiʼmo utana lamigaʼae.

Efasasi 4:22

Agaemo hunoʼaeʼmo, hogotetapa huʼnaya kavatapilefeʼmo atafa vekatapimo alita ataleyo, huno alino lapaya maleʼniye. Atafa vekatapimoʼa lapaʼye nehiya kavatapiletiʼmo kasalime kasalime uno humi nelapate.

1 Timoti 1:9

Afiʼnonaʼmonanafa Gotiʼa fatago vayaʼaitefeʼmo keʼaepa geʼamo osuʼnifa hosu kavaʼmo nehaya vayaʼaitefekeʼmo hu maleʼniye. Keʼaepa gemo amagiʼa ataleteʼa noʼafiya vayaʼaitefenagi mono osuʼa hosu kavaʼmo nehaya vayaʼaitefenagi apaote kavaʼmo osuʼa ma mopafi kavaʼmo akame nehaya vayaʼaitefenagi itaʼapi afoʼapimogi kamitimo neʼapamagiya vayaʼaitefenagi vayaʼmo nehapaya vayaʼaitefenagi huno hu maleʼniye.

1 Timoti 3:7

Malaga vayaʼmogiʼeʼmo huʼapaeʼmo, alagepa vekamo maiʼniye, huʼa hisageno neʼmaisiya vekamo maigiye. Fiku yanageno hosu agiʼamo amisageno Satani aneʼaifiʼmo hegekana huno atafaugiye.

1 Timoti 6:10

Monieʼmo hapaʼye nehiya kavaʼmoʼa muki alu hosu alu hosu kavaʼmo aepaʼamo haneʼniye. Mago vayaʼmo magoʼe monimo alisayafeʼmo hapaʼye huʼnigeʼapaeʼmo lagesamo afita fatago nehuna gemo ataleʼnageno asole hanageke kavaʼmoʼa apaipafiʼmo hapaeʼnigeʼa asole kana yaʼmo aliʼnae.

1 Timoti 6:17

Ma mopafi kagemi yaʼapimo haneʼniya vayaʼaifeʼmo hukaeʼmo, lapakufamo avalelita ohaitapa hano hisiya moniʼeʼmo alita amufa oʼamitapa muki yaʼamo lamogaga aisunafeʼmo nelamiya vekamo afaʼa maiʼniya Gotifeʼmo alitapa amufa amiyo, huka hapa paiyo.

2 Timoti 2:26

Sataniʼmo agaiʼa hauʼniya kavaʼmo akame hisayafeʼmo aneʼaifiʼmo heʼnageno apatafauʼniya vayaʼmogimo negi kavaʼmo ataleʼa apaipa apakesamo halate aliteʼa aneʼaifatiʼmo aiʼa hatu maesayafeʼmae.

Taitasi 2:12

Gotiʼa ani kavaʼaletiʼmo hunoʼaeʼmo, mono nosaya kavatapimogi ma mopafi kavafeʼmo lapaʼye nehiya kavatapimogi hutapa alita ataletetapa hemenimo maiʼnetapaeʼmo lapauʼniya kavateʼmo yagaige vayaʼaitegamo fatago kavaʼmo huge Gotifekeʼmo mono huge hutapa maiyo, huno alino laya neʼmale.

Yasuva 7:11

Isaleli vayaʼmogimo hosu kavaʼmo huge kotalake geʼnimo hiyo, huʼna hu maleʼnova geʼnimo amagiʼa atalege huʼnae. Apakaemo mago lifana hu maleʼnova yaʼmo alige kumaya alige aigofe kavaʼmo huge huteʼa ani hosu yaʼmo aliʼa apakaiʼapi yapiʼmo fala ki maleʼnae.

2 Pita 2:3

Apakaemo hapaʼye huʼninageʼa aigofe geʼapiletiʼmo lapakaetetiʼmo muki kagemi yatapiʼe monitapiʼeʼmo alisayafeʼmo hugae. Muki afinaʼmo agoti huno apatesiya vekamo fikumo noʼmaifa alo hunoʼageʼmo neʼmaiye. Alino apagoʼya lagauno apatalesiya vekamo muki afinaʼmo au nokale.

Yuti 1:11

Vaehae, huʼna, apakaetegamo kagegage kavaʼmo afole aigiye. Keniʼa hosu kateʼmo uʼniya kava huʼa ani kateʼmo uʼnae. Melamiʼa monimo alisiyafeʼmo hosu kavaʼmo huʼniya kavaʼmo huʼa apayamukiki huʼnae. Kolaʼa Mosese geʼamo oʼafiʼniyaʼmofeʼmo Gotiʼa alino agoʼya lagauno ataleʼniya kava huʼa hosu kavaʼmo nehayanageno alino apagoʼya lagauno apatalegaiye.