1 Timoti 6:6 - The Keyagana NT and 25 OT books

⁶ Apakesamo neʼafiyaʼmonanafa mono kavaʼmo huteʼa magoʼe huʼa kagemi yaʼmo alisayafeʼmo hapaʼye osuʼnigeno apaipamoʼmo falu nehisiya vayaʼmogi akamelegaʼamo magoʼe huʼa alopa yaʼmo aligae.

1 Timoti 6:6 ပူးပေါင်းရင်းမြစ်များ

2 Kini 6:2

Kahao ke honanagi, lagaemo afaʼa lategeta uta Yoneni anitegamo yosamo heʼya aiteta mukiʼamogitamo magoke magoke yosamo kofilituta Yoneni ani haigifiʼmo saufa notimo kigune, huʼa ha paiʼnagenoʼaeʼmo, Kanalenagi lapakaemo ani kavaʼmo hiyo, huno hapa paiʼniye.

Samu 37:16

Mago fatago vekamoʼa aise kagemi yaʼamo haneʼniya yaʼamoʼmo muki hosu vayaʼai alopa kagemi yaʼapimo ago aeno agaseno haneʼniye.

Samu 84:11

Ala kava netimo yegetiʼe halegutiʼeʼmo maiʼniye. Agaemo ala apakiʼapimo apamiteno alagepa yaʼmo fiku hapa maeno apamigiye. Agaemo api kavaʼmo nehaya vayaʼaifeʼmo alagepa yaʼmo magokeʼageʼmo lapamiguve huno osugifa muki alagepa yaʼamo afaʼa apamigiye.

Hatu maeno apate'niya gemae 2:21

Yetaloʼa Mosesefeʼmo, lagaeʼeʼmo lokaeka maiyo, huno ha paiʼnigeno Moseseʼa he, ani kavaʼmo huguve, huno huʼnigenoʼaeʼmo Yetaloʼa mago a mafaʼnemo agiʼamo Sipolaʼmo avaleno amiʼnigeno aliʼniye.

Mai'naya kavane 15:16

Ala kava nefeʼmo koli nehiya vekamoʼmo aiseʼamo aliʼniya yaʼmoʼa alopa kagemi yanagi hanageke yanagi huno ago aeno agaseʼniye.

Mai'naya kavane 16:8

Fatago kavaʼmo nehunoʼaeʼmo aiseʼamo aliʼniya vekamoʼmo fatago kavaʼmo nosiya vekamoʼmo alopa yaʼmo aliʼniya vekamo ago aeno aga seʼniye.

Mai'naya kavane 28:25

Himuʼnamu kavaʼmo nehiya vekamoʼmo kaveta nehaya kavaʼmo alino afole aino neʼateyaʼmonanafa Ala kava nefeʼmo, naha maegaiye, huno alino amufa neʼamiya vekamo alagepa huno maigiye.

Luki 12:15

muki vayaʼaifeʼmo hunoʼaeʼmo, lapakaemo kagemi yafeʼmo lapaʼye hisiya kavaʼmo afole oʼaisiyafeʼmo ehe alagepa huta yagaita lapateyo. Asole kagemi yaʼmo neʼaliya kavaʼmoʼa alagepa huʼa maisaya kavaʼmo aepaʼamo ohaneʼniye, huno hapa paiteno

Luki 3:14

Mago ami vayaʼmogimo huʼapaeʼmo, lagaeʼeʼmo haiya agufa kavaʼmo hisune, huʼa ge huʼa afi geʼnagenoʼaeʼmo, vayaʼmo oʼapamagige kumayaʼmo oʼalige hiyo. Aigofe geletiʼmo agoti hutapa oʼapateyo. Miyatapigeʼmo alitetapa lapaipamoʼmo falu hino, huno hapa paiʼniye.

Lomu 8:28

Muki alu kava alu kavaʼmo afole neʼaiya kavaʼmoʼa Gotifeʼmo hapau apayamopafiʼmo nehapaiya vayaʼaifeʼmo Gotiʼa huguve, huno hu maleʼniya geʼaletiʼmo keya aeno ge huʼniya vayaʼmo alagepa huʼa maisayafeʼmo muki alu kavatetiʼe alu kavatetiʼeʼmo alino magokepi lokaeno aliʼyaʼmo neʼaliye.

2 Kolitiyani 4:17

Aise hanageke yaʼmo aise afinaʼmo neʼaluna kavaʼmoʼa alino alo huno nelateyanageta anonaʼaleʼmo lusi kava huno aeno agaseʼniya ha le konali yatimo hanege hanege huno hanesiya ha le konali yatimo aligune.

Filipai 1:21

Afaʼa maisuvana Kalaisitefeʼmo afaʼa maiguve. Falisuvana akamelegatiʼmo magoʼe yaʼnimo aliguve.

1 Timoti 4:8

Apakufaletiʼmo teleninimo nehaya kavaʼmoʼmo aiseʼamo hapa maegaiyaʼmonanafa mono kavaʼmoʼa muki alagepa kavatefeʼmo laha maegaiye. Gotiʼa hunoʼaeʼmo, alagepa mono nehaya kavaʼmoʼa afaʼa maisaya kavatefeʼmo hemeniʼe afole aisiya afinaʼeʼmo lapa maegaiye, huno polomasi gemo huʼniye.

1 Timoti 6:8

Neʼyatiʼe kukenatiʼeʼmo haneʼnisiyana laipamoʼmo falu hugiye.

Himulu 13:5

Lapaʼye osino. Aliʼnaya yafekeʼmo hutapaeʼmo, alagi haiʼmo aliʼnone, hutapa lapakesamo afitetapa lapaipamoʼmo falu hino. Na kava higetapaene. Agaiʼamo hunoʼaeʼmo, muki afinaʼmo olapataleʼna lapakaeʼeʼmo magokepi lokaeʼna maige maige huʼna maiʼneʼna lapa maegauve, huno huʼniyaʼmofeʼmae.