1 Timoti 6:18 - The Keyagana NT and 25 OT books

¹⁸ Kagemi yaʼapiʼe vayaʼmo asole alagepa kavaʼmo kagemi yaʼapigana huʼa malesayafeʼmo alagepa kavaʼmo nehuʼapaeʼmo fikumo apamige kagemi yaʼapimo fako huʼa apamisayafeʼmo hapauge huʼa maiyo.

1 Timoti 6:18 ပူးပေါင်းရင်းမြစ်များ

Samu 112:9

Ani fatago vekamoʼmo kagemi yaʼamo alino fako huno kagemi yaʼapimo ohaneʼniya vayaʼaina apamiʼniye. Fatago kavaʼamoʼmo muki afinaʼmo hanege hanege huno hanegaiye. Lokiyaʼamo hanesigeʼapaeʼmo ala agimo amigae.

Samu 37:3

Ala kava nefekeʼmo alita amufa amitetapa alagepa kavaʼmo higenoʼao lapa maesigetapa ma mopafiʼmo alagepa hutapa maigayanagi.

Aiyeya 32:8

Nehiyaʼmonanafa fiku hapa maeno neʼapamiya vekamoʼmo fiku hapa maeno apamisiyafeʼmo agesamo neʼafiye. Agaemo ani alagepa kavaʼaletiʼmo alagepa huno he tino maigiye.

Aiyeya 58:7

Lapakaemo apaka tesiya vayaʼmo neʼyaʼmo apamige kagemi yaʼapimo ohaneʼnisiya vayaʼmo havaesaya noʼmo ohaneʼnisiyaʼmoʼmo apavaleliteta notapifiʼmo apatege kukena yaʼapimo ohaneʼnisiya vayaʼmo kukena yaʼmo apamige lapakaemo magoke kolaʼmogimo kana yaʼmo alisaya afinaʼmo lapakameʼyamo oʼapamita hapa maege hisaya kavafeʼmo nahauʼniye. Hosu kavanagetapa konagatapimogi olapakesayafeʼmo fala kita neʼmaiye.

Matiyu 5:42

Mago vekamoʼa hunoʼaeʼmo, mago yaʼmo namiyo, huno lapafi gesigetapaeʼmo afa amiyo. Mago vekamoʼa mago yafeʼmo hunoʼaeʼmo, yoka namiyo, huno lapafi gesigetapaeʼmo lapakameʼyamo oʼamita afa amiyo.

Luki 12:21

ani kavaʼmo huʼa apakaiʼapilefekeʼmo kagemi yaʼapimo ageʼa neʼmalayaʼmonanafa Gotitefeʼmo ageʼa noʼmalaya vayane, huno hapa paiʼniye.

Luki 3:11

lole siyotimo aliʼnisiya vekamoʼmo mago oʼaliʼnisiya vekamo afaʼa amigiye. Neʼyaʼmo aliʼnisaya vayaʼmogimo ani kavakeʼmo huʼa apamigiye, huno hapa paiʼniye.

Apa 10:38

Lapakaemo Yesuʼa Nasalasa taonifi vekamo ava gemo ago afiʼnae. Gotiʼa uvelimo lakino atetenoʼaeʼmo Aunemeʼamo amitenoʼaeʼmo ayamufa huno ateʼniye. Agaemo muki haopalega umenitata nehunoʼaeʼmo alagepa kavaʼmo huno vayaʼmo hapa maeteno Sataniʼa yagaino apateʼnigeʼa kana yaʼmo aliʼa maiʼnaya vayaʼmo alino alagepa huno apateʼniye. Gotiʼa agaeʼeʼmo lokaeno maiʼniyaʼmofeʼmo ani kavaʼmo huʼniye.

Apa 11:29

Geʼamo neʼafiya vayaʼmogimo ani gemo afiteʼapaeʼmo, Yutiya kotega maiʼnaya konagatimogi hapa maeta na magi monimo maleʼnopigeta ani kavaʼmo huta magoke magoke huta apamigune, huʼa huʼnae.

Apa 9:36

Mago a kanomo agiʼamo Tamaitaʼa Yopa taonifiʼmo maiʼneno Goti geʼamo neʼafiya a kanomo maiʼniye. Galiki gefatiʼmo Nokasiʼae huʼa agi aeʼnae. Muki afinaʼmo alagepa kavaʼageʼmo huno kagemi yaʼapimo ohaneʼniya vayaʼmo hapa maeno apamige apamige huno maiʼniya a kanoe.

Lomu 12:13

Kagemi yatapimo alita fako hutapa apaote vayaʼmo kagemi yaʼapimo ohaneʼnisiya vayaʼmo apamiyo. Nata vayaʼmo esagetapaeʼmo alagepa huta yagaitapa apateyo.

Lomu 12:8

Alita he titapa apatesageʼapaeʼmo akame hisayafeʼmo lapamiʼnisiyana ani kavaʼmo hutapa Goti geʼamo hapa paitetapa alita he titapa apateyo. Fikumo hapa maeta apamisayafeʼmo lapamiʼnisiyana ani kavaʼmo hutapa alagepa huta lapakesamo afiʼnetapaekeʼmo fikumo hapa maeta apamiyo. Yagaitapa apatesayafeʼmo lapamiʼnisiyana ani kavaʼmo hutapa lapayamukiki hutapa yagaitapa apateyo. Lahapau hutapa apatesayafeʼmo lapamiʼnisiyana lapamogaga aiʼnetapa lapau hutapa apateyo.

1 Kolitiyani 16:2

Alisaya monifatiʼmo hogote afinaʼmo sateʼae sateʼaeʼmo lapamete lapamete hutapa alita fako hutapa Gotiʼa na magiʼmo lapamiʼnisifi ani kava hutapa alita fako hutapa maleme maleme viyo. Esugetapaeʼmo ofalini monieʼmo kahauya hutapa alita anupa hutapa oʼmalesayafeʼmo hemenigeʼmo malege malege hutapa maiyo.

2 Kolitiyani 8:12

Lapakaemo hogoteno lapauʼnisiyaʼmoʼmo maleʼnisaya yapatiʼmo alita fako hutapa magoke aiyaya hutapa hisagenoʼaeʼmo Gotiʼa haugiye. Gotiʼa moniʼapimo ohanesigeʼa ofalinimo osisaya vayaʼaifeʼmo ofalinimo hiyo, huno afaʼa osugiye.

2 Kolitiyani 8:9

Ala kava netimo Yesu Kalaisiʼa fikumo lapa maeno lapamiʼniya kavafeʼmo ava gemo ago afiʼnae. Hogoteno yahauve vekamo maiʼniyaʼmonanafa lapakaemo yahauve vayaʼmo maisayafeʼmo kagemi yaʼamo oʼhaneʼniya vekamo hamaleʼniye.

Galesiya 6:10

Hapa maesuna kaʼmo haneʼnisiyaʼmoʼmo muki vayaʼaina afaʼa hapa maegaunaʼmonanafa apakesamo afiʼa fatago nehaya afamo anagatimo magoʼe huta hapa maegaune.

Efasasi 4:28

Kumaya neʼaliya kavaʼmo ataletapa lapayatetiʼmo aepa faitapa alagepa aliʼyaʼmo aliyo, kagemi yaʼapimo ohanesiya vayaʼaina apamisayafeʼmae.

1 Timoti 5:10

Apakaefeʼmo, alagepa kavaʼmo nehae, huʼa hisageʼa maiʼneʼa mafaʼneʼapileʼmo yagaiʼa apatege nata vayaʼaiteʼmo yagaiʼa apatege apaote vayaʼai apaiyamo sese huʼa apatege kana yaʼmo aliʼnisaya vayaʼmo hapa maege muki alagepa kavatefeʼmo apayamukiki huge nehisaya kogu aʼne anagaʼmogi apakiʼapimo avoʼmo kaeyo, Siosi vayaʼmogi yagaiʼa apategaiyanagi.

Taitasi 2:14

Agaemo muki keʼaepa gemo amagita ataleʼnona kavategatiʼmo miya faino hatu maeno latetenoʼaeʼmo hosu kavatimo aeno kalo paeno lateʼnigeta agaiʼa vayaʼamo maiʼneta layamukiki huta alagepa kavaʼmo huta maisunafeʼmo agaiʼa agufaʼamo ofalinigana huno Gotina amiʼniye.

Taitasi 3:8

Mani nehuna gemo lama gemo haneʼniyaʼmofeʼmo ani kavafeʼmo lokiya gemo huka hapa paisanafeʼmo nahauʼniye. Hapa paigeʼapao Gotifeʼmo apakesamo afiʼa fatago huʼnaya vayaʼmogimo apayamukiki huʼa alagepa kavaʼmo hiyo. Ani kavaʼmo alagepa kavaʼmo haneʼneno vayaʼaina hapa neʼmaeya kavaʼmo haneʼniye.

Himulu 13:16

Amitetapaeʼmo alagepa kavaʼmo huge hapa maetapa apamige hisayafeʼmo lapake okanino. Gotiʼa ani agufa ofalinimo neʼamiya kavafeʼmo lusi kava huno nehaiye.

Yemisi 2:5

Neʼnahaiya konagaʼnimogitapamo afiyo, huʼna, Gotiʼa kagemi yaʼapimo ohaneʼniya vayaʼmo apakesamo afiʼa fatago nehaya kavaʼmoʼa kagemi yaʼapikana huno hanesigeʼa neʼyagaiya koʼmo alisayafeʼmo lekana paino apateʼniye. Gotiʼa agaefeʼmo hapau apayamopafiʼmo hapauʼnisiya vayaʼaifeʼmo hunoʼaeʼmo, mafaʼne anagaʼmogi afoʼapimo yaʼmo neʼaliya kava hutapa ani neʼyagauva koʼmo aligae, huno hapa paiʼniyaʼmofeʼmae.

1 Pita 3:11

Hosu kavaʼmo maiʼa halove huʼa ataleʼa alagepa kavakeʼmo hiyo. Alagepa huʼa magokepi lokaeʼa maisaya kavafeʼmo kahauya huʼa ageʼa atafaiyo.

1 Yoni 3:17

Atalegaunaʼmonanafa mago vekamoʼmo hapa maesiya yaʼamo haneʼniya vekamoʼmo agesiyana mago konagaʼamoʼmo kafu huʼnisigeno agetenoʼaeʼmo hau huno ateteno oʼamiʼnisiyana Gotiʼa hau ayamopafiʼmo hauʼniya kavaʼamo aipafiʼmo haneʼnifiye.

3 Yoni 1:11

Nahauʼniya vekaʼnimogae, huʼna, hosu kavaʼmo akame osuka alagepa kavakeʼmo akame huvo. Alagepa kavaʼmo nehaya vayaʼmo Goti vayaʼamo maiʼnageʼa hosu kavaʼmo nehaya vayaʼmogimo Gotiʼa oʼageʼnae.