1 Timoti 6:10 - The Keyagana NT and 25 OT books

¹⁰ Monieʼmo hapaʼye nehiya kavaʼmoʼa muki alu hosu alu hosu kavaʼmo aepaʼamo haneʼniye. Mago vayaʼmo magoʼe monimo alisayafeʼmo hapaʼye huʼnigeʼapaeʼmo lagesamo afita fatago nehuna gemo ataleʼnageno asole hanageke kavaʼmoʼa apaipafiʼmo hapaeʼnigeʼa asole kana yaʼmo aliʼnae.

1 Timoti 6:10 ပူးပေါင်းရင်းမြစ်များ

Aepa Gemae 29:14

Lepaniʼa ha painoʼaeʼmo, Alagi lama ge huve, kagaeʼe nagaeʼeʼmo magoke kolaʼmo maiʼnoʼae. Nagae nagufaʼe nayamufaʼeʼmo maiʼnane, huno ha paitegeno Yekopuʼa agaeʼeʼmo magoke kai agufa afinaʼmo maiʼniye.

Aepa Gemae 29:26

Lepaniʼa hunoʼaeʼmo, Lagaemo mani koteʼmo atoʼapimogi afaʼa maiʼnageʼa apakanaʼapimogi hogoteʼa vele noʼmaiye.

Aepa Gemae 34:27

Yekopu mafaʼne anagaʼmogigeʼmo muki ani taonifi faliʼnaya vayaʼai kagemi yaʼapimo aliʼnae. Apasaʼapimotegamo hosu kavaʼmo huʼniya kavatefeʼmo huʼnae.

Aepa Gemae 38:16

Yutaʼa agaetegamo uno, Kahaoke hove, huno, kagaeʼeʼmo lokaeʼna havaegesuve, huno ge huno afi geʼniye. Yutaʼa nanofeloʼnimoʼmae, huno oʼageʼniyaʼmofeʼmae. Temaʼa agaefeʼmo, Nagaeʼeʼmo lokaeka havaesana yatefeʼmo hogoteka na agufa yaʼmo namigane, huno ge huno afi geʼniye.

2 Kini 5:27

Ohaneʼniyaʼmofeʼmo Nemaniteʼmo haneʼniya agufa lepolosi kaitaʼmo kagaeteʼe kaginago vayaʼaiteʼeʼmo muki afinaʼmo haneme haneme ugiye, huno ha paiʼnigeno Geheyiʼmo lepolosi kaitaʼmo hauʼnigeno agufamo alagi alino yaveyaveʼage agufamo hamaleʼnigeno Ilaisategatiʼmo ataleno uʼniye.

Samu 32:10

Hosu vayaʼmo lusi kava huʼa kana yaʼmo aligayaʼmonanafa Ala kava nefeʼmo aliʼa amufa amiʼnaya vayaʼaifeʼmo hau huno neʼapateya kavaʼamoʼmo yagaino vego huno apategaiye.

Samu 62:10

Lapakaemo agoti hutapa apatege kumaya alige hisaya kavafeʼmo alita amufa oʼamiyo lapa oʼmaegayanagi. Monitapimo magoʼe huno hanesigetapaeʼmo, laha maegaiye, huta lapakesamo oʼafiyo.

Mai'naya kavane 1:19

Hapaʼye nehigeʼa fikumo neʼaliya vayaʼmogimo ani agufa kavaʼmo nehae. Hapaʼye nehiya vayaʼmogi apakaiʼapimo aliʼa hosu huʼa neʼapatae.

Mai'naya kavane 1:31

Ani kavaʼmo huʼnayaʼmofeʼmo hosu kavaʼapilefeʼmo miyaʼapimo aligae. Vae, huʼna, Huʼnaya kavaʼmoʼa hosu yosa alagamo aesigeʼa lagiʼa negae.

Mai'naya kavane 15:27

Magoʼe yaʼmo alisiyafeʼmo haʼye nehiya vekamoʼmo afamo anagaʼamo hanageke yaʼmo alinineno neʼapamiyaʼmonanafa hosu kavaʼmo hisiyafeʼmo monimo hageʼa amisaya kavafeʼmo ohauʼniya vekamoʼmo ofalino alagepa huno afaʼa maigiye.

Aiyeya 1:23

Neʼyagaiya vayakamogimo gemo noʼafiya vayane. Apakaemo kumayaʼmo neʼaliya vayaʼeʼmo magokepi lokaeʼa neʼmaiye. Muki neʼyagaiya vayaʼmogimo kutulu yaʼmo hisaya monieʼmo hapauʼniye. Monimo fiku alisayafeʼmo vegala neʼae. Apakaemo megusa mafaʼne anagaʼmo hapa noʼmae. Kogu aʼne anagaʼmogi geʼapimo alagepa huʼa oʼafiʼa aliʼa kanale huʼa noʼapatae.

Aiyeya 56:11

He, apakaemo neʼyaʼmo magoʼe magoʼe huʼa nesayafeʼmo hapaʼye nehiya kalagana huʼa maiʼneʼa muki afinaʼmo magoʼe huno neʼyafeʼmo nehapaiye. Sipisipileʼmo yagaiʼa neʼapataya vayaʼmogi afiʼa aeto nosae. Mukiʼamogimo apakaiʼapi hapauʼniya kavaʼmo huʼa apakaiʼapiekeʼmo apakesamo neʼafiye.

Maika 3:11

Yulusalemu vayaʼaiteʼmo yagaiʼa apateʼnaya vayaʼmogi kutulu monimo alisayafeʼmo agoti gemo afiteʼa aliʼa fako nehae. Mono huʼa neʼapataya vayaʼmogimo miyaʼmo alisayafekeʼmo Goti gemo aliʼa apaya neʼmalae. Apaune gemo aeʼa hakalo huʼa hapa nepaiya apaune vayaʼmogimo monimo alisayafekeʼmo afole aisiya kavafeʼmo ava gemo nehae. Ani kavaʼmo nehayaʼmonanafa apakaemo Ala kava nekeʼmo atafauʼa kako kiliʼneʼa ina gemo huʼapaeʼmo, Ala kava neʼmoʼa lagaeʼeʼmo magokepi lokaeno maiʼniyanageno hosu kavaʼmo lagaeteʼmo afole oʼaigiye, huʼa nehae.

Malakai 1:10

Nagae hiʼyalamuteʼmo afa ofalinimo okaesiyafeʼmo lapakaepatiʼmo ina laʼmo mono nopiʼmo kita kigiye. Ala kava neʼmo muki vayaʼaiteʼmo yagaiʼna neʼapatova vekamoʼnamo huʼnaeʼmo, Lapao ke nosove, huʼna nehuve. Lapakae lapayapatiʼmo ofalini namisageʼnaeʼmo oʼaliguve.

Matiyu 13:22

Mago vayaʼmogi Goti geʼamo afiteʼapaeʼmo ma mopafiʼmo maisaya kavafekeʼmo hapausoli huteʼa kagemi yaʼmoʼa humi neʼapateya yaʼmo alisayafekeʼmo hapaʼye nehigenoʼaeʼmo Goti geʼamo ago aeno ati nekaeya kava huno aufe nofiʼmo haneʼniya yapiʼmo asagauno aiʼniya avina yakana huʼa maiʼnae.

Matiyu 23:13

Keʼaepa gemo avoʼmo kaeta alita apaya neʼmalaya vayaʼmogitapaʼe Falasi mono vayaʼmogitapaʼeʼmo aeta ati nekaya vayane, huʼna, vaehae, Lapakaetegamo kage kage kavaʼmo afole aigiye. Gotiʼa yagaino neʼapateya kote kipateʼmo he tiʼa maiʼnaya vayaʼai apaulagaleʼmo kitamo kitapa neʼapatae. Lapakaitapimo uta nohaifa uʼa haisayafeʼmo nehaya vayaʼai kaʼmo akanitapa neʼapatae.

Matiyu 6:19

Alagepa kagemi yatapimo ma mopafiʼmo ageta alu ai oʼmaleyo, fiku yanageno kafamoʼmo hatagauge oʼaniʼya faige kumaya vayaʼmogi noʼmo aeʼa yakiʼa kumayaʼmo alige hugae.

Kolosi 3:5

Aligayaʼmofeʼmo ma mopafi haneʼniya lapakufafiʼmo alu ya alu yatapiletiʼmo nehaya kavaʼmo amagita falita ataleyo. Kumai kavanagi oʼaniʼya kavanagi hosu lapaipa nekaliya kavanagi hosu kavafeʼmo lapaka neteya kavanagi ma mopafi yafeʼmo lapaʼye nehiya kavanagi hutapa amagitapa falita ataleyo. Ma mopafi yafeʼmo hapaʼye nehisiya vayaʼmogi aigofe gotitefeʼmo mono nehae.

1 Timoti 3:3

Lusi aniʼmo neteno negi nagi osuge kaveta osuge monieʼmo haʼye osuge huteno yagu yaga huno maige ge neʼvaiya kavafeʼmo ohauge ma mopafi yafeʼmo lusi kava huno ohauge hisiya vekamoʼmo maigiye.

1 Timoti 6:21

Apakaemo huʼapaeʼmo, mani gemo akame nehune, huʼa nehaya geletiʼmo lagesamo afita fatago nehuna gemo atale uʼeʼa huʼa maiʼnae. Ani kavatefeʼmo maika halove huka maiyo. Gotiʼa fikumo lapa maeno lapamino. He, lama ge.

1 Timoti 6:9

Kagemi yaʼapiʼe vayaʼmo maisayafeʼmo hapauʼnisiya vayaʼmo apamalageka hisiya kateʼmo neʼvagenoʼaeʼmo hosu hapaʼye kavaʼapimoʼa aneʼaifiʼmo hegekana huno neʼapatafaigeʼa alagi asagauʼa neʼaiyanageʼa ata kopiʼmo uʼa lamiʼa maigae.

2 Timoti 3:2

Vayaʼmogimo apakaiʼapiyekeʼmo hapauge monieʼmo hapaʼye huge apakaiʼapiyekeʼmo ge huʼa apakiʼapileʼmo aliʼa asaga huge ala vayaʼmo maiʼnone, huʼa apakesamo afige huʼa faipa huʼa apatege itaʼapi afoʼapimogi geʼapimo oʼafige hapao ke osege apaote kavaʼmo osuge hugae.

2 Timoti 4:10

Nimasiʼa hemeni haneʼniya ma mopafi yafekeʼmo hauʼnigeno alagi ago nataleno Tesalonaika taonifiʼmo uʼniye. Kilesenisiʼa Galesiya kotegamo uʼniye. Taitasiʼa Namalesiya kotegamo uʼniye.

Taitasi 1:11

Ani agufa vayaʼmogi monimo alisayafeʼmo afaʼa osisaya agufa gemo aliʼa apaya neʼmaleʼapaeʼmo muki afamo anaga vayaʼae vayaʼaeʼmo aliʼa hosu huʼa neʼapatae. Ge osisayafeʼmo apavayaleʼmo huka apatafauka apato.

Yemisi 5:19

Konagaʼnimogitapae, huʼna, lapakaepatiʼmo mago vekamoʼmo alagepa kaʼmo ataleno uneno nehisigenoʼaeʼmo mago vekamoʼa avalelino esiyana,

Yasuva 7:21

Lagaemo kame hutetaeʼmo Yeliko vayaʼmogi yaʼmo aliʼnona afinaʼmo ani kagemi yaʼmo folagapiʼmo mago kanale kukena yaʼmo Mamiloni vayaʼmogi kukena yanagi fo kilo siluva monigi magoke kilo goli yafanagi huʼna ageʼnove. Ageteʼna ani yafeʼmo nahaʼye huʼnigeʼna aliʼnove. Nagaemo aliniʼnuʼna seli noʼnifiʼmo haiʼna muki yaʼamo mopafiʼmo keli vai maleʼnove. Siluvaʼmo ema afepiʼmo haneʼniye.

Yuti 1:11

Vaehae, huʼna, apakaetegamo kagegage kavaʼmo afole aigiye. Keniʼa hosu kateʼmo uʼniya kava huʼa ani kateʼmo uʼnae. Melamiʼa monimo alisiyafeʼmo hosu kavaʼmo huʼniya kavaʼmo huʼa apayamukiki huʼnae. Kolaʼa Mosese geʼamo oʼafiʼniyaʼmofeʼmo Gotiʼa alino agoʼya lagauno ataleʼniya kava huʼa hosu kavaʼmo nehayanageno alino apagoʼya lagauno apatalegaiye.

Leveleseni 18:13

kimamufagi neʼyateʼmo neʼmalaya yanagi atafi kaeʼnageno alagepa atuʼmo neʼaiya yanagi masave malasinigi apakufaleʼmo faleʼnageno alagepa atuʼmo neʼaiya uveligi nofi alagafati aninagi neʼnaya uveligi peleti maya falaovagi laisigana neʼyaʼmo agiʼamo vitigi pulumakagi sipisipigi hosigi hosimo talalagi afa aliʼyaʼmo neʼaliya vayanagi huʼa miya ofaigae.