1 Timoti 5:17 - The Keyagana NT and 25 OT books

¹⁷ Yagaiʼa neʼapataya vayatama vayaʼmogi alagepa aliʼyaʼmo alisayana siosi vayaʼmogi hapao ke heteʼa alagepa miyaʼapimo apamisaya kavaʼmo huʼnae, huʼa hugae. Goti geʼamo aeʼa hakalo huʼa aliʼa apaya neʼmalaya vayatama vayaʼmo hogoteʼa miyaʼapimo afaʼa apamigae.

1 Timoti 5:17 ပူးပေါင်းရင်းမြစ်များ

2 Kini 2:9

Anakaemo ago lakaeʼana uteʼanaeʼmo Ilaiyaʼmo Ilaisafeʼmo ha painoʼaeʼmo, Hemenimo alagi ago hogo hiyanageno Ala kava neʼmoʼa nagaemo navalesigeʼnaeʼmo kagaemo katalegauve. Katalegauvaʼmofeʼmo hogoteʼna kaha maesuvafeʼmo na agufa kavaʼmo hisuve, huno huʼnigeno Ilaisaʼmo hunoʼaeʼmo, Kahaoke hovanagi, Gotiʼa lokiya kaunekameʼmoʼa alino fako huno apatesiya yapatiʼmo lole agufa yaʼmo aligesuve, huno ha paiʼniye.

Aiyeya 40:2

Lapakaemo Yulusalemu vayaʼmogi apaipamoʼmo falu hisiya gemo hapa paiyo. Ina gemo hutapa hapa paitapaeʼmo, Atafa kavatefeʼmo kana yaʼmo aliʼnaya afinatapimo ago hano huʼniye. Ala kava neʼmoʼa muki hosu kavaʼmo anonatapilefeʼmo alopa kayoʼmo lapamiteno hosu kavatapimo alino ataleʼniye, hutapa hapa paiyo.

Matiyu 24:25

Afiyo, huʼna, hogoteʼna ani gemo ago lapa paiʼnove.

Luki 10:7

Alu nopi alu nopiʼmo uteta osutapa uta haisaya nopikeʼmo maiyo. Aliʼyaʼmo neʼaliya vayaʼmogi miyaʼapimo alagi alisaya kavaʼmo huʼa maiʼnayaʼmofeʼmo lapamisaya neʼyaʼe aniʼeʼmo neyo.

Luki 12:42

aliʼyaʼmo afoʼamoʼmo alino amufa amiʼnisiya vekamo alagepa huno ageʼnisiya vekamoʼmo aliʼyaʼamo neʼaliya vayaʼaiteʼmo yagaiʼneno neʼyaʼapimo alino fako huno apamisiyafeʼmo lekana paino ategaiye.

Yoni 4:38

Ani gelefeʼmo nagaemo aliʼyaʼmo oʼaliʼnaya hoyafatiʼmo neʼyaʼmo alisayafeʼmo aliʼna lapateʼnove. Alu vayaʼmogi hoyafiʼmo aliʼyaʼmo aliʼnagetapaeʼmo lapakaemo ani hoyafatiʼmo neʼyaʼmo neʼaliye, huno hapa paiʼniye.

Apa 11:30

Ani kavaʼmo huteʼa Manamasiʼe Soloʼeʼmo monimo anamiʼnaʼageʼana alini uʼana Yulusalemu taonifi Goti mafaʼneʼaiteʼmo yagaiʼa neʼapataya vayatama vayaʼmo apamiʼnaʼae.

Apa 20:35

Ani kava nehuʼnaeʼmo apayamufa ohaneʼniya vayaʼmo hapa maegaune, huʼna aliʼna lapave liʼnove. Ala kava neʼmo Yesuʼa hunoʼaeʼmo, Fiku hapa maeʼa neʼapamiya vayaʼmogimo apamiʼnageʼa neʼaliya vayaʼmo aeʼa apakaseʼa aulena vayaʼmo maiʼnae, huno huʼniya geʼaeʼmo alagepa hutapa lapakesa afitapa ho hiyo, huno hapa paiʼniye.

Apa 28:10

muki yaʼmo afaʼa laha maeʼa lamiʼnae. Lagaemo ugefeʼmo huʼnonageʼapaeʼmo muki yaʼmo oʼaliʼnona yatimo alinita visunafeʼmo alini eʼa sipifiʼmo lateʼnae.

Lomu 12:8

Alita he titapa apatesageʼapaeʼmo akame hisayafeʼmo lapamiʼnisiyana ani kavaʼmo hutapa Goti geʼamo hapa paitetapa alita he titapa apateyo. Fikumo hapa maeta apamisayafeʼmo lapamiʼnisiyana ani kavaʼmo hutapa alagepa huta lapakesamo afiʼnetapaekeʼmo fikumo hapa maeta apamiyo. Yagaitapa apatesayafeʼmo lapamiʼnisiyana ani kavaʼmo hutapa lapayamukiki hutapa yagaitapa apateyo. Lahapau hutapa apatesayafeʼmo lapamiʼnisiyana lapamogaga aiʼnetapa lapau hutapa apateyo.

Lomu 15:27

Yu nofi vayaʼmo oʼmaiʼnaya vayaʼmogimo hapauʼniyaʼmonanafa Yu vayaʼaina hapa maesaya anonaʼapimo haneʼniye. Yu vayaʼmogimo apauneʼapameʼmo hapa maesiya yaʼmo apamiʼnayaʼmofeʼmo Yu nofi vayaʼmo oʼmaiʼnaya vayaʼmogimo Yu vayaʼaina amega apakufale yaʼmo apamisaya agufa anonaʼapimo haneʼniye.

Lomu 16:12

Talaifinaʼe Talaifasaʼeʼmo Ala kava neʼmo aliʼyaʼamo neʼaliʼa atalaʼanifeʼmo hana paitanaeʼmo, Poloʼa ge lanamamaeʼniye, hutapa hana paitapa nateyo. Pesisifeʼmo siosi vayaʼmogimo hapau apayamopafiʼmo hapauʼniya a kanomo Ala kava netefeʼmo lusi aliʼyaʼmo aliʼniya afeʼmo ha paitapaeʼmo, Poloʼa ge kamamaeʼniye, hutapa ha paitapa nateyo.

1 Kolitiyani 15:10

Neʼafuvaʼmonanafa Gotiʼa fikumo naha maeno namiʼnigeʼnaeʼmo Goti apa vekaʼamo hamaleʼnove. Ani fikumo naha maeno namiʼniya himamuʼamoʼmo afaʼa ohaneʼniyaʼmonanafa naipafiʼmo lokiya aliʼyaʼmo aliʼnigeʼna aliʼyaʼmo aliteʼnaeʼmo muki apa vayaʼmo ago aeʼna apakaseʼnove. Nagaiʼnimo oʼaliʼnovaʼmonanafa Gotiʼa fikumo naha maeno namiʼniya himamuʼamoʼmo nagaeʼeʼmo magokepi lokaeno aliʼyaʼmo aliʼnigeʼna aliʼyaʼamo aliʼnove.

1 Kolitiyani 16:16

Konagaʼnimogitapae, huʼna, lapao ke hovanagi, ani agufa vayaʼai apaiyafiʼe apakaeʼeʼmo magokepi lokaeʼa aliʼyaʼmo neʼaliya vayaʼai apaiyafiʼeʼmo maiʼnetapa apakame hiyo.

1 Kolitiyani 3:9

Laʼagaemo Gotiʼeʼmo lokaetaʼa aliʼyaʼamo neʼaluʼagetapaeʼmo lapakaemo Goti hoyaʼagana hutapa maige noʼagana hutapa maige huʼnae.

2 Kolitiyani 6:1

Lagaemo Gotiʼeʼmo magokepi lokaeta aliʼyaʼamo neʼaluna vayaʼmogitamo hutaeʼmo, Gotiʼa fikumo hapa maeno neʼapamiya kavaʼamo fikumo oʼalitapa agetapa alagepa huʼnetapageʼmo aliyo, huta ge huta nelapatone.

Galesiya 6:6

Goti geʼamo neʼafiya vayaʼmogimo aliʼa apaya neʼmalaya tisa vayaʼapimo afalu afalu kavaʼmo huʼa alagepa yaʼapimo aliʼa fako huʼa apamigae.

Filipai 2:29

Agetetapaeʼmo, konagatimogae, hutetapa, lapamogaga neʼaitapa alita falu fala hutapa ateyo. Lapakaemo afagitega maiʼnayaʼmofeʼmo afaʼa eta naha oʼmaegayaʼmofeʼmo uʼna ha maegauve, huno huteno nagaetegamo eʼniye. Falisiya kavafeʼmo koli osuno Kalaisi aliʼyaʼaletiʼmo falisiya kavaʼmo huʼniyaʼmofeʼmo agiʼaleʼmo alita asaga huteta ani agufa vayaʼai apakiʼapileʼmo alita asaga hiyo.

Filipai 4:3

Goti aliʼyaʼamo nagaeʼeʼmo magokepi lokaeka neʼalina veʼnimogae, huʼna, Kagaefeʼmo kahao ke nehovanagi, ani lole atalaʼmo nagaeʼeʼmo alagepa faigoko gelefeʼmo magokepi lokaeʼana aliʼyaʼmo aliʼnaʼa atalaʼmo alagepa huka hana mao. Anakaegi Kilemeniʼagi muki vayaʼmo nagaeʼeʼmo magokepi lokaeta aliʼyaʼmo neʼaluna vayanagi huno apakiʼapimo Gotiʼa maige maige huʼa maisaya vayaʼai apakiʼapimo avoʼmo kae maleʼniya mukufiʼmo avoʼmo kae maleʼniye.

1 Timoti 3:5

Mago vekamoʼmo afamo anagaʼaleʼmo alagepa huno yagaino apatesiyafeʼmo oʼageʼnisiyana haiya kava huno Goti siosi vayaʼaleʼmo yagaino apategaiye.

1 Timoti 4:10

Ani gelefeʼmo aliʼyaʼmo neʼalune. Gotiʼa muki vayaʼmo hapa neʼmaeyaʼmonanafa apakesamo afiʼa fatago nehaya vayaʼai apakufamo alino katino apateteno hapau neʼvaiya vekaeʼmo alita amufa amiʼnonaʼmofeʼmo huʼa faipa huʼa nelatagetaeʼmo aliʼyaʼamo neʼalune.

1 Timoti 4:14

Yagaiʼa neʼapataya vayatama vayaʼmogi kagaeteʼmo apayaʼmo maleʼa kateteʼa Gotitegatiʼmo aliʼnaya geletiʼmo aliʼyaʼamo alisanafeʼmo lokiyaʼamo kamiʼnae. Fiku yanageno kamiʼnaya yaʼmo afaʼa hanegaiyanagi kamiʼnaya yatetiʼmo aliʼyaʼmo aliyo.

1 Timoti 4:16

Kagaikaleʼmo alagepa huka yagaiʼneka alika apaya neʼmalana kavateʼmo yagaiyo. Yagaime yagaime neʼukaeʼmo kagaika kagufamo alika katika kateteka gekamo neʼafiya vayaʼai apakufamo alika katika apategane.

1 Timoti 4:6

Kagaemo konagatimogifeʼmo ani kavafeʼmo alika apaya malesanana Yesu Kalaisi alagepa aliʼyaʼamo neʼalina vekamo maigane. Lagesamo afita fatago nehuna gemo alagepa huka akame huʼnana gemo neʼyaʼmo negekana huka nesanagenoʼaeʼmo lokiya vaino kategaiye.

1 Timoti 5:19

Magoke vekamoʼmo yagaino neʼapateya vayatama vekaeʼmo, hosu kavaʼmo nehiye, huno hisiya gemo oʼafiyo. Lole vekalaʼmoganimofi loleʼe magoʼe vayaʼmogimofi huʼa eʼa hisaya gegeʼmo afiyo.

1 Timoti 5:3

Kogu aʼne anagaʼmo yagaiʼa apatesaya vayaʼmo oʼmaiʼnisayana siosi vayaʼmogimo alagepa huʼa yagaiʼa apategae.

2 Timoti 2:6

Hoyamo haise vose huno ayamufa valeno alino neʼvaiya vekamoʼmo hogoteno hoyaʼafatiʼmo lesiya neʼyaʼmo aligiye.

2 Timoti 4:2

Goti geʼamo aeka hakalo huka hapa paiyo. Muki afinaʼmo gekamo afigefe hisaya afinaʼe oʼafigefe hisaya afinaʼeʼmo alo huka maiʼnekaeʼmo, aise afinaʼmo haneʼniyanagi malage hutapa gemo afiyo, huka hapa paiyo. Apakesamo alika hapa paigeʼapao. Lapakaemo hosu kavaʼmo osiyo, huka hapa paiyo. Goti geʼamo akame hisayafeʼmo alika he tika apato. Ani kavaʼmo nehukaeʼmo yagu yaga kavaʼmo huka maime maime neʼukaeʼmo oʼataleka alika apaya malo.

Himulu 13:17

Lapakaemo yagaiʼa nelapataya vayaʼai apaiyafiʼmo maiʼnetapa geʼapimo afiyo. Apakaemo lapakupi mafaʼneleʼmo yagaiʼa neʼataya aliʼyaʼapilefeʼmo Gotifeʼmo ha paigae. Geʼapimo afigenoʼao apaipamoʼmo kana osuʼnisigeʼa apamogaga aiʼa aliʼyaʼmo aliyo. Apaipamoʼmo kana hisiya kavaʼmoʼa lapa oʼmaegaiye.

Himulu 13:24

Lapakaemo yagaiʼa nelapataya vayaʼe muki Goti apaote vayaʼaeʼmo ge apamamaeyo. Itali kotega vayaʼmogimo ge lapamamaeʼnae.

Himulu 13:7

Yagaiʼa lapateʼneʼa Goti geʼamo lapa paiʼnaya vayaʼaifeʼmo lapakesamo afiyo. Alagepa kavaʼmo huteʼa uʼa atupaleʼmo avaʼyi huʼnae, hutapa lapakesamo afifi nehutapaeʼmo apakesamo afiʼa fatago huʼnaya kavaʼmo apakame hutapa hiyo.