1 Timoti 5:13 - The Keyagana NT and 25 OT books

¹³ Magoʼe huʼa hosu kavaʼmo huʼa aliʼyaʼmo oʼaliʼa alu nopi alu nopiʼmo uʼeʼa nehuʼapaeʼmo hosu faigoko gemo hulitata huge himuʼnamu kavaʼmo huge nagaekeʼmo ageteʼna afiʼnove, huʼa huge osisaya agufa gemo afaʼa huge nehae.

1 Timoti 5:13 ပူးပေါင်းရင်းမြစ်များ

Mai'naya kavane 11:13

Hosu faigoko gemo nehiya vekamoʼmo hapa opaisiya agufa gemo hapa nepaiyaʼmonanafa lama ge vekamoʼmo fala ki gemo hapa nopaiye.

Mai'naya kavane 20:19

Gemo failitata huno hapa nepaiya vekamoʼmo fala kiʼa nehaya gemo huno afole aino hapa nepaiyaʼmofeʼmo muki geʼamo ha paisanafeʼmo huʼniyanagi agaeʼeʼmo afalu afalugana hutana magokepi lokaetana oʼmaiʼao.

Mai'naya kavane 31:27

Agaemo afamo anagaʼamogi kavaʼapileʼmo alagepa huno yagaino neʼapate. Alagaʼmo ohaeʼnigeno aliʼyaʼmo neʼaliye.

Mai'naya kavane 7:11

Ani a kanomoʼmo avagage osuge koli osuge huteno ge noʼafiya a kanomo eʼniye. Noʼafiʼmo maisiyafeʼmo alagi ohauʼniye.

Luki 10:7

Alu nopi alu nopiʼmo uteta osutapa uta haisaya nopikeʼmo maiyo. Aliʼyaʼmo neʼaliya vayaʼmogi miyaʼapimo alagi alisaya kavaʼmo huʼa maiʼnayaʼmofeʼmo lapamisaya neʼyaʼe aniʼeʼmo neyo.

Apa 20:20

Nagaemo muki geʼamoʼmo lapa maesiya agufa gemo lapa paisuvafeʼmo maiʼna halove huteʼna mago gemo fala okiʼnovaʼmonanafa alita anupa hutapa maiʼnayategaʼe notapifi notapifiʼeʼmo ago aliʼna lapaya maleʼnove.

Apa 20:30

Mago vayaʼmo lapakaepatiʼmo he tiʼa apakame hisayafeʼmo aigofe gemo huteʼa apakesamo faiteʼa apayate aligae.

1 Timoti 5:12

Kalaisifeʼmo huʼapaeʼmo, ani kavaʼmo hugune, huʼa ha paiʼnaya gemo amagiʼa atalesagenoʼaeʼmo vaiʼmo apamigiye.

Taitasi 1:11

Ani agufa vayaʼmogi monimo alisayafeʼmo afaʼa osisaya agufa gemo aliʼa apaya neʼmaleʼapaeʼmo muki afamo anaga vayaʼae vayaʼaeʼmo aliʼa hosu huʼa neʼapatae. Ge osisayafeʼmo apavayaleʼmo huka apatafauka apato.

Yemisi 3:10

Konagaʼnimogitapae, huʼna, magoke lavayafatiʼmo aulena geʼe lifana geʼeʼmo nehuna gemo kanale gemo nosune.

1 Pita 4:15

Fiku yanagetapa vayaʼmo nehapaya vayaʼeʼmofi kumayaʼmo neʼaliya vayaʼeʼmofi gamani vayaʼai geʼapimo amagiʼa neʼatalaya vayaʼeʼmofi aliʼyaʼapimo ohaneʼnigeʼa himuʼnamu gemo nehaya vayaʼeʼmofi hutapa maiʼnayaʼmofeʼmo kana yaʼmo aligae.

3 Yoni 1:10

Ani kava nehiyaʼmofeʼmo siosileʼmo visuva afinaʼmo huʼniya kavafeʼmo huʼnaeʼmo, afa geletiʼmo alino hosu huno lateʼniye, huʼna aeʼna hakalo huguve. Ani kavaʼmo hutenoʼaeʼmo magoʼe kavaʼmo hunoʼaeʼmo konaga vayatimo alino falu fala kavaʼmo huno oʼapateno aliʼa falu fala huʼa apatesaya vayaʼmo apatafauno apateteno siosi vayapatiʼmo alino hapafaino neʼapatale.