1 Timoti 4:16 - The Keyagana NT and 25 OT books

¹⁶ Kagaikaleʼmo alagepa huka yagaiʼneka alika apaya neʼmalana kavateʼmo yagaiyo. Yagaime yagaime neʼukaeʼmo kagaika kagufamo alika katika kateteka gekamo neʼafiya vayaʼai apakufamo alika katika apategane.

1 Timoti 4:16 ပူးပေါင်းရင်းမြစ်များ

2 Sitoli 19:6

Agaemo ani yasi vayaʼaifeʼmo hapa painoʼaeʼmo, Lapakaemo agoti gemo afitetapa alita fako nehaya aliʼyatapimo vayaʼmogi aliʼyaʼapimo noʼalifa Ala kava neʼmoʼa afitetapa alita fako hisayafeʼmo magokepiʼmo lokaeno maiʼniya vekamo aliʼyaʼamo neʼaliyaʼmofeʼmo alagepa hutapa lapakesamo afitetapa aliʼyaʼmo aliyo.

Aiyeya 55:11

Ani agufa kavakeʼmo huno geʼnimo nagaetegamo fikumo atagi neno oʼmegaifa aliyakeʼmo aligiye, huʼna ge huʼnova kava huno nahauʼnisiya kavaʼmo afole aigiye.

Maki 13:9

Mago vayaʼmogimo lapatafauʼa kanisole vayaʼai agotileʼmo lapavaleliʼa uge alu mono nopi alu mono nopiʼmo lapamagige huteʼa gamani vayaʼaiteʼmo yagaiʼa neʼapataya vayaʼaitegaʼe yagaiʼa neʼapataya kini vayaʼai apaulagaleʼeʼmo uta nagiʼnilefeʼmo he ti netapa lama gemo hugae.

Luki 21:34

Lapakaitapileʼmo alagepa huta yagaita lapateyo. Fiku yanageta lusi yagita huge lokiya aniʼmo netetapa negi nagi gemo huge ma mopafi yafeʼmo lapakesa alaʼamo afige lapausoli huge nehisageno ani afinaʼmo malage huno kesi katetiʼmo afole aigiye.

Apa 26:22

Gotiʼa alagepa huno naha maeme naha maeme eʼnigeʼna apaki haneʼniya vayaʼe apaki ohaneʼniya vayaʼefeʼmo aeʼna hakalo huʼna hapa paiʼna maiʼnove. Gotitegati gemo alini eʼa aeʼa hakalo huʼa hapa nepaiya vayaʼmogiʼe Moseseʼeʼmo huʼapaeʼmo, ani kavaʼmo afole aigiye, huʼa hapa paiʼnaya agufa geʼageʼmo huʼna hapa paime hapa paime eʼna maiʼnove.

Apa 6:4

Lagaemo magoke aliʼyaʼageke alita maiʼnetaeʼmo muki afinaʼmo nunumuʼmo huge Goti gemo aeta hakalo huta hapa paige huta maigune, huʼa hapa paiʼnae.

Lomu 16:17

Konagaʼnimogitapae, huʼna, aliʼna he tiʼna lapatesuvafeʼmo huvanagi mago vayaʼmogi lapakaemo afiʼnaya gelefeʼmo kame huʼa ateteʼa aliʼa fako huʼa lapatege hosu kavaʼmo hisayafeʼmo lapayateʼmo alige nehaya vayaʼaifeʼmo alagepa hutapa yagaita maiʼnetapaeʼmo maitapa halove huta maiyo.

Lomu 2:7

Gotiʼa ha le konali yaʼapigi ala apakiʼapigi maige maige huʼa maisaya yaʼapigi huʼa alisayafeʼmo hapaʼye nehigeʼa alagepa kavaʼmo oʼataleʼa atafauʼa alagi huʼa maime maime neʼvisaya vayaʼmo alagepa huʼa maige maige huʼa maisaya yaʼapimo apamigiye.

1 Kolitiyani 1:21

Gotiʼa afiʼniya geʼaletiʼmo ani kavafeʼmo hunoʼaeʼmo, afiteʼa ageʼnaya kavatetiʼmo nageʼa aeto osugae, huno huteno kaʼmo akani maleʼniye. Agaemo negi nagi gemo haneʼniye, huʼa apakesamo neʼafiya faigoko geʼamo aeta hakalo huta hapa nepauna geʼaletiʼmo Kalaisifeʼmo apakesamo afiʼa fatago nehaya vayaʼai apakufamo alino katino neʼapate.

1 Kolitiyani 9:22

Maiʼneʼna apavaleliʼna esuvafeʼmo alagepa huʼa oʼafiʼnaya Goti mafaʼneʼaitegamo uʼna aliʼyaʼmo neʼaliʼnaeʼmo apakaekana huʼna maiʼnove. Alu kava alu kavatetiʼmo magoʼe vayaʼmo apavaleliʼna esuvafeʼmo alu kava alu kavaʼmo nehaya vayaʼaitegamo uʼna aliʼyaʼmo neʼaliʼnaeʼmo alu kava alu kavaʼmo nehuve.

1 Kolitiyani 9:27

Haʼao, nagufamo amagiʼna aliʼna kanale huʼna ateteʼna yagaiʼna neʼatove. Fiku yanageʼna vayaʼaifeʼmo alagepa faigoko gemo aeʼna hakalo huʼna hapa paiʼnovanageno alino fako huno natalesigeʼna hetamaʼnimo oʼaliguve.

Efasasi 4:14

Magoʼe huta mafaʼnegana huta oʼmaita kosigune. Mafaʼnegana huta maiʼnisunaʼmoʼmo aigofe vayaʼmogi aliʼa apaya neʼmalaya gemoʼmo yasimo alinino uneno nehigeno aino afelo afalo nehiya sipigana huta maigune. Apakaemo apakaiʼapimo apakesamo afiteʼa humiʼnami gemo huteʼa apayate neʼaliye.

Kolosi 4:17

Lapakaemo Akipasifeʼmo Ala kava neʼmoʼa kamiʼniya aliʼyakamo alika hano huvo, hutapa ha paiyo.

1 Tesaloniyani 2:16

Lagaemo Yu nofi vayapatiʼmo oʼmaiʼnaya vayaʼaifeʼmo ge hisunageno Gotiʼa apakufamo alino katino apatesiya kaʼmo aliʼa akani maleʼnae. Muki afinaʼmo ani kavaʼmo nehagenoʼaeʼmo hosu kavaʼapimoʼmo lusi kava huno havai teʼniye. Gotiʼa apakava maiʼniyaʼmonanafa hemenimo lusi kava huno aipamo leno apateteno kayoʼmo apamiʼniye.

1 Timoti 1:3

Nagaemo Masetoniya kotegamo visuvafeʼmo huʼnaeʼmo, Efasasi taonifiʼmo maiʼneka mago hosu gemo nehaya vayaʼaifeʼmo, alu gemo alita apaya oʼmaleyo, huka hapa paiyo.

1 Timoti 4:15

Ani kavatefeʼmo kagesamo afifi huka maiʼnekaeʼmo lokiya vaika aliʼyaʼmo aligeʼa alagepa kavakamoʼmo kosime kosime neʼviya kavakamo mukiʼamogimo ageyo.

1 Timoti 4:6

Kagaemo konagatimogifeʼmo ani kavafeʼmo alika apaya malesanana Yesu Kalaisi alagepa aliʼyaʼamo neʼalina vekamo maigane. Lagesamo afita fatago nehuna gemo alagepa huka akame huʼnana gemo neʼyaʼmo negekana huka nesanagenoʼaeʼmo lokiya vaino kategaiye.

2 Timoti 2:10

Nagaemo lekana paino apateʼniya vayaʼmo Kalaisi Yesupiʼmo maiʼnisageno Gotiʼa apakufamo alino katino apatesigeʼapaeʼmo ha le konali yaʼamo aliteʼa maige maige huʼa maisayafeʼmo Goti aliʼyaʼamo oʼataleʼna neʼaliʼnaeʼmo muki alu kana ya alu kana yaʼmo neʼaluve.

2 Timoti 3:14

Humi apategaiyaʼmonanafa kagaemo alino kaya maleʼniya vekamo ago ageʼnanaʼmofeʼmo afiteka aliʼnana geleʼmo atafauka alagi huʼneka kagesamo afika fatago huʼnana kavateʼmo atafauka alagi hume hume uka maiyo.

2 Timoti 4:2

Goti geʼamo aeka hakalo huka hapa paiyo. Muki afinaʼmo gekamo afigefe hisaya afinaʼe oʼafigefe hisaya afinaʼeʼmo alo huka maiʼnekaeʼmo, aise afinaʼmo haneʼniyanagi malage hutapa gemo afiyo, huka hapa paiyo. Apakesamo alika hapa paigeʼapao. Lapakaemo hosu kavaʼmo osiyo, huka hapa paiyo. Goti geʼamo akame hisayafeʼmo alika he tika apato. Ani kavaʼmo nehukaeʼmo yagu yaga kavaʼmo huka maime maime neʼukaeʼmo oʼataleka alika apaya malo.

Taitasi 1:9

Apakaemo lama gemo aliʼa apaya maleʼnaya gemo afiteʼa atafauʼa alagi huʼa maiʼnisayana lokiya vaino neʼapateya geletiʼmo alagepa huʼa aliʼa apaya malege geʼapileʼmo huʼa aeʼa ati nekaya vayaʼai geʼapimo huʼa aeʼa agasege huʼa maigae.

Taitasi 2:15

Ani kavatefeʼmo alika apaya neʼmalekaeʼmo himamukaletiʼmo alagepa kavaʼmo hisayafeʼmo apakesamo alige hosu kavaʼmo osisayafeʼmo hosu kavaʼmo nehae, huka huge huka hapa paiyo. Mago vayaʼmo apateʼnegeʼa afa vekamo maiʼnane, huʼa osiyo.

Taitasi 2:7

Kagaemo muki kavaʼalefeʼmo vayaʼmogi kakame hisaya agufa alagepa kavaʼageʼmo huvo. Alika apaya neʼmalekaeʼmo okasalisiya geletiʼmo lokiya geletiʼmo Gotitefeʼmo aliʼyaʼmo alika apaya malo.

Failimoni 1:19

Nagaemo Poloʼnamo mani gemo nagaiʼni nayapatiʼmo avoʼmo nekaeʼnaeʼmo anonaʼalefeʼmo afaʼa kamiguve, huʼna kaha nepauve. Kaha nepauvaʼmonanafa nagaetegamo anonakamo haneʼniyana kaunekameʼmae, huʼna hisuva agufa gemo haneʼniyaʼmonanafa ani agufa gemo afaʼa kaha opaiguve.

Himulu 12:15

Fiku yanageʼa mago konagatapimogimo Gotiʼa fikumo hapa maeno neʼapamiya kavateʼmo uʼa haiʼa metalegayanagi kava yagaitapa maiyo. Fiku yanageno hafuʼyafatiʼmo ausisi aeteno hosu atu neheya yaʼmo afole aiteno hanageke yaʼmo alino lapamiteno asole vayaʼmo alino hosu huno apategaiyanagi yagaitapa maiyo.

Himulu 13:9

Fiku yanageʼa mago vayaʼmogi aeto aeto agufa geletiʼmo lapayateʼmo heʼa lapavayu huliʼa ugayanagi ehetapiye. Alagepa kavanageno Gotiʼa fikumo lapa maeno nelapamiya gemoʼa lapaipa lapakesamo alino lokiya vaino lapategaiye. Neʼyafeʼmo, neyo, huʼa huge oʼneyo, huʼa huge nehaya gemoʼa lapaipa lapakesamo alino lokiya vaino olapategaiye. Ani gemo akame nehaya vayaʼmo hapa oʼmaeʼniye.

Yemisi 5:20

Hosu kavaʼmo nehiya vekamoʼmo hosu kavaʼmo osuno alagi atalesiyafeʼmo alino aino atagi neno avalelino eʼniya vekamoʼmo hunoʼaeʼmo, falisiya kavategatiʼmo agupi mafaʼnemo alino katino atesigeno Gotiʼa asole hosu kavaʼamo aeno ati kaeno ategaiye, huno agesamo afigiye.