1 Timoti 4:1 - The Keyagana NT and 25 OT books

¹ Goti Aunemeʼamoʼmo hunoʼaeʼmo, henagaʼamo mago vayaʼmogi hosu apaune vayaʼai gemo afige hosu enisole vayaʼmogi aliʼa apaya malesaya gemo afige huteʼa siosi vayaʼmogi apakesamo afiʼa fatago nehaya gemo ataleʼa ugae, huno huʼniye.

1 Timoti 4:1 ပူးပေါင်းရင်းမြစ်များ

Aepa Gemae 3:13

Ala kava neʼmo Gotiʼa a kanoeʼmo ge huno afi geʼniye. Na kava higeka ani kava hane, huno ge huno afi geʼnigenoʼaeʼmo, Nagaloʼyavemokeʼmo humi nateʼnigeʼna neʼnove, huno ha paiʼniye.

Aiyeya 2:2

Henagaʼamo atupa afinaʼmo Ala kava neʼmo alopa mono noʼamo haneʼniya avemoʼmo anagaʼamo haneʼneno haino kasaeteno muki aveʼamo alino aiyafiʼmo apategaiye. Aniʼmo uno nelamiya kava huʼa muki alu nofi vaya alu nofi vayaʼmo ani mono notegamo uʼa haigae.

Neniyo 10:14

Atupa afinaʼmo vayakalegamo afole aisiya kavafeʼmo ava gemo kaha paisuvafeʼmo emiʼneʼnove. Alagamuna gemo afole aisiya kavafeʼmo ava gemo haneʼniyaʼmofeʼmae, huno naha paiʼniye.

Maika 4:1

Henagaʼamo atupa afinaʼmo Ala kava neʼmo alopa mono noʼamo haneʼniya avemoʼmo anagaʼamo haneʼneno haino kasaeteno muki aveʼamo alino aiyafiʼmo apategaiye. Alopa aniʼmoʼa muki afinaʼmo uno nelamiya kava huʼa muki afinaʼmo asole alu nofi vaya alu nofi vayaʼmo ani mono notegamo uʼa haigae.

Napa 24:14

Hemenimo nagaemo vayaʼnilegamo halate alagi uguve. Uguvaʼmonanafa kagaemo egeʼnao, nagaemo hogoteʼna ani vayaʼmogimo henagaʼamo kagae nofi vayaʼaitegamo hisaya kavafeʼmo kaha pai malegauve.

Matiyu 18:7

Vaehae, huʼna, apayate aligayaʼmonanafa apayate alisaya vayaʼmo lusi hanageke yaʼmo aliteʼa kage kage huʼa yulagefa aigae.

Luki 17:1

Yesuʼa geʼamo neʼafiya vayaʼaifeʼmo hunoʼaeʼmo, Vayaʼmo apayate aligayaʼmonanafa apayateʼmo alisaya vayaʼmo vaehae, huʼna, lusi hanageke yaʼmo aligae.

Yoni 16:13

Hemenimo oʼafigayaʼmonanafa Aunemeʼamo lama gemo aepa vekamo eminenoʼaekeʼmo muki lama geʼamo alino lapave ligiye. Agaiʼamo agesafatiʼmo agesa afino ani gemo osugifa afiʼniya gemo lapa paiteno afole aisiya kavafeʼmo ava gemo huno lapa paigiye.

Apa 13:2

Ani vayaʼmogimo Ala kava nefeʼmo mono huge neʼyaʼmo mosige huʼa maiʼnagenoʼaeʼmo Goti Aunemeʼamo aote Aunemeʼamoʼmo hapa painoʼaeʼmo, Nagaemo Manamasiʼe Soloʼeʼmo aliʼyaʼnimo alisaʼafeʼmo keya aeʼna ge huʼnovanagi alitana anaote anategeʼanao, huno hapa paiʼniye.

Apa 17:18

Mago Epikuliya gemo akame nehaya vayaʼe Sitoʼiki gemo akame nehaya vayaʼmogiʼeʼmo eʼa Poloʼeʼmo ge huge afige huʼa maiʼnae. Mago vayaʼmogi huʼapaeʼmo, Ani negi nagi tisa vekamoʼmo haiya agufa gemo hugiye, huʼa huʼnageʼapaeʼmo, Alu nofi vayaʼai gotiʼapimogifeʼmo apava gemo aeno hakalo huno hapa nepaiya vekae, huʼa huʼnae. Poloʼa Yesufeʼmo ava gemo hunoʼaeʼmo, faliʼniyatetiʼmo ago he tiʼniye, huno aeno hakalo huno hapa paiʼniyaʼmofeʼmo ani gemo huʼnae.

Apa 20:23

Oʼageʼnovaʼmonanafa alu taonifiʼe alu taonifiʼeʼmo maiʼnaya vayaʼmogi Goti Aunemeʼaletiʼmo huʼapaeʼmo, kalavusi huʼa katesageka lusi kava huka hanageke yaʼmo aligane, huʼa naha paite naha paite huʼnayaʼmonanafa

Apa 21:11

Agaemo Polo mapaluʼmo alino agaiʼa aiyalateʼe ayatalateʼeʼmo ki maleʼnenoʼaeʼmo, Goti Aunemeʼamoʼmo ina ge hunoʼaeʼmo, ani kava huʼa Yulusalemu taonifiʼmo maiʼnaya Yu vayaʼmogimo mani mapaluʼmo afoʼamoʼmo nofi kiʼa ateteʼapaeʼmo alu nofi vayaʼmo avaleʼa apamigae, huno huʼniye, huno laha paiʼniye.

Apa 28:25

Alu apakesa alu apakesamo afiteʼa ataleʼa uʼnae. Ataleʼa oʼuʼnagenoʼaeʼmo Poloʼa hogoteno hapa painoʼaeʼmo, Goti Aunemeʼamo aote Aunemeʼamoʼmo Aiyeyafeʼmo lama gemo ha paiʼnigeno Aiyeyaʼa lapakinago vayaʼaifeʼmo ani gemo hapa paiʼniye. Goti Aunemeʼamoʼmo ani gemo hunoʼaeʼmo,

1 Kolitiyani 10:20

Haʼao, afaʼa nosuvaʼmonanafa malaga vayaʼmogi ofalinimo Gotiʼmo noʼamifa hosu apaune vayaʼmo neʼapamiye. Lapakaemo mani ofalinimo ameʼamo netetapaeʼmo hosu apaune vayaʼeʼmo magokepi lokaetapa maisayafeʼmo oʼnahauʼniye.

1 Kolitiyani 11:19

Fatago kavaʼmo nehaya vayaʼmogi afole yategamo afole aisayafeʼmo aliʼa fako huʼa apaote apaote huʼa maisaya agufa kavaʼmo haneʼniye.

1 Kolitiyani 12:11

Ani kavaʼmo aepa vekamo magoke Aunemeʼamo maiʼnenoʼaeʼmo mani Aunemeʼamokeʼmo hauʼnigenoʼaeʼmo ani kavaʼmo huno neʼapamiye.

1 Kolitiyani 2:10

Muki vayaʼmogimo Oʼageʼnayaʼmonanafa Gotiʼa Aunemeʼaletiʼmo alino lave liʼniye. Goti Aunemeʼamokeʼmo Goti agesafiʼmo fala kino haneʼniya geʼamo neʼageyaʼmofeʼmae.

2 Kolitiyani 11:3

Nehuvaʼmonanafa nagaloʼyavemoʼa Ivifeʼmo aigofe geletiʼmo agesamo faiʼniya kava huʼa mago vayaʼmogimo lapaipa lapakesamo aliʼa hosu huʼa lapatesagetapa Kalaisifeʼmo lapaipafiʼmo lapakesamo oʼafitapa atalesaya kavafeʼmo koli nehuve.

Kolosi 2:18

Mago vayaʼmogimo amega apakufaletiʼmo apakaiʼapi apakiʼapileʼmo aliʼa afepi neʼapataya kavafeʼmo amuse huteʼa enisole vayaʼaifeʼmo mono nehae. Apakaemo kavatapimo aliʼa fako huʼa lapateteʼapaeʼmo, hosu kavaʼmo nehae, huʼa hisaya gemo oʼafiyo. Oʼageʼnaya kavaʼmo agesayafeʼmo apakaiʼapimo fikumo himuʼnamu kavaʼmo nehae. Atafa apaipafatiʼmo, ala vayaʼmo maiʼnone, huʼa fikumo apakesamo neʼafiye.

2 Timoti 3:13

Inagi hosu vayaʼmogi humi apatesaya vayaʼmo magoʼe magoʼe huʼa hosu kavaʼmo huʼa humi neʼapatesagenoʼaeʼmo Sataniʼa apakaeʼeʼmo humi apategaiye.

2 Timoti 4:4

Lama gelefeʼmo apakameʼya amiteʼa alagepa kaʼmo ataleʼa kaitene gegana agufa gemo afigae.

Yemisi 3:15

Ani agufa ageteʼa afiʼnaya kavaʼapimo kokuʼnapatiʼmo emi noʼmeʼnifa ma mopafi vayaʼai kavaʼapimo apakufamoʼmo hauʼniya kavaʼmo Satanitegatiʼmo afole neʼaiye.

1 Pita 1:20

Gotiʼa ma mopaʼe kokuʼnaʼeʼmo alo osuʼnenoʼaeʼmo akeyaʼvilagamo ani aliʼyaʼmo alisiyafeʼmo Kalaisiʼa ago lekana paino ateteno henagaʼamo lapakaetefeʼmo alino afole aino ateʼniye.

2 Pita 2:1

Huʼnayaʼmonanafa akeyaʼvilagamo mago aigofe apaune gemo aeʼa hakalo huʼa hapa nepaiya vayaʼmo Isaleli nofi vayaʼeʼmo magokepiʼmo lokaeʼa maiʼnae. Maiʼnaya kava huʼa aigofe tisa vayaʼmo lapakaeʼeʼmo magokepi lokaeʼa maiʼneʼapaeʼmo aigofe gemoʼa alino hosu huno lapatesiya agufa gemo kesi katetiʼmo alini eʼa aeʼa hakalo hugae. Apakaemo Ala kava neʼmo miya faino apateʼniya vekamo atalesagenoʼaeʼmo malage huno alino apagoʼya lagauno apatalegaiye.

2 Pita 3:3

Hogotetapa mani gemo alagepa hutapa afiyo. Mago vayaʼmogi huʼapaeʼmo, ina agufa gemo haneʼniye, huʼa huteʼa huʼa faipa huʼa atesaya vayaʼmo henagaʼamo hano hugefe hisiya afinaʼmo afole aiteʼa apakufamoʼmo hauʼniya kavaʼmo akame hugae.

1 Yoni 2:18

Saufa mafaʼneʼnimogitapae, huʼna, ma mopamo hano hisiya afinaʼmo ago hogo nehiye. Lagaemo, Kalaisi kameʼamo afole aigiye, huta ago lapa paiʼnonagetapa afiʼnae. Inagi hemenimo asole kame vayaʼamo afole aiʼnayaʼmofeʼmo hano hisiya afinaʼmo ago hogo nehiye, huta afiʼnone.

1 Yoni 4:6

Lagaemo Goti vayaʼamo maiʼnone. Gotiʼa ageʼa aeto huʼnaya vayaʼmogimo getimo neʼafiye. Goti vayaʼamo oʼmaiʼnaya vayaʼmogimo getimo noʼafiye. Ani kavatefeʼmo lama ge Aunemeʼamo agege aigofe aunemeʼamo agege hugune.

Yuti 1:18

Apakaemo, mago vayaʼmogimo henagaʼamo Goti geʼaeʼmo kigi huteʼa mono osuʼa apakufamoʼmo hauʼniya kavakeʼmo hugae, huʼa ago lapa paiʼnae.

Yuti 1:4

Mago vayaʼmogimo Gotifeʼmo alagepa huʼa mono nosaya vayaʼmo kesi katetiʼmo eʼa lagae folagapiʼmo afole aiʼnae. Apakaemo hapaʼye nehigeʼa kumai kavaʼmo hisayafeʼmo Goti geʼamoʼmo fikumo laha maeno nelamiya kavafeʼmo ava gemo aliʼa afe leʼa alu gemo nehae. Magoke vekamo yagaino neʼapateya Ala kava netimo Yesu Kalaisifeʼmo apakameʼyamo amiʼnae. Akeyaʼvilagamo Gotiʼa ani kavatefeʼmo lekana pai maleʼniyana agoti huʼna apateteʼna kayoʼmo apamiguve, huno hu maleʼniye.

Leveleseni 13:14

Gotiʼa afaʼa ateʼnigeno maiʼneno hogote afela afumo himamuʼaletiʼmo noʼagaya agufa aune kavaʼmo magoʼe kavaʼmo huʼniyaʼmofeʼmo ma mopafi vayaʼmo humi apateʼniye. Agaemo naipeletiʼmo agenopafiʼmo aiʼnigeno falisiya agufa amuʼmo aleʼniyaʼmonanafa ago aleno hateʼniya afela afumo agiʼaleʼmo aliʼa asaga huʼa atesayafeʼmo, auneʼamo alo hutapa maleyo, huno huʼniye.

Leveleseni 16:14

Apakaemo hosu apaune vayaʼmo maiʼneʼapaeʼmo noʼagaya agufa aune kavaʼmo huʼnae. Apakaemo muki yagaiʼa neʼapataya kini vayaʼaitegaʼeʼmo u eʼa huʼa alopa afinaʼmo muki lokiyaʼaʼe Gotiʼa lekana pai maleʼniya afinaʼmo kamemo hisayafeʼmo aliʼa anupa huʼa apateʼnae.

Leveleseni 18:2

Alopa gefatiʼmo ge hunoʼaeʼmo, Alopa taonimo Mamiloni taonimo atamoʼmo leno hano huʼniye. He, leno hano huʼniye. Hosu enisole vayanagi muki hosu apaune vayanagi muki oʼne namagi alagi hosu faipa namagi huʼa ani taonimo no atufaʼaleʼmo maiʼnae.

Leveleseni 18:23

Mago lamumoʼmo halate kagaetegamo aeno ha olegaiye. Aʼmo aliʼnisaya ve anagaʼe veleʼmo maiʼnisaya aʼmafaʼnemogiʼeʼmo veyalavemogimo halate kagaefeʼmo amuse nehaya gemo hisageʼa oʼafigae. Kagae misinisi vayakamogimo ala apakiʼapimo ma mopafi vayaʼai apaulagaleʼmo hogote apakiʼapimo aliʼnae. Kagaemo Satani himamuʼaletiʼmo noʼagaya aune kavaʼmo hutekaeʼmo muki alu kotega alu kotegamo maiʼnaya vayaʼai apakesamo faiʼnane.

Leveleseni 19:20

Agaemo afela afuʼe aigofe aune vekaʼeʼmo anatafauno kalavusi huno anateʼniye. Aigofe aune vekamoʼmo afela afumo agiʼalefeʼmo aeto agufa noʼagaya aune kavaʼmo huteno afela afumo alagena yaʼamo aliteʼa afela afumo auneʼalefeʼmo mono nehaya vayaʼaifeʼmo hogoteno humi apateʼniye. Lole vekalaʼmo ofaliʼana afaʼa maiʼnaʼagenoʼaeʼmo ata kotuʼmo sofa yafapiʼmo neleya ata kotupiʼmo alino yaga auno anataleʼnigeʼana maiʼnaʼae.

Leveleseni 2:11

Agesamo haneʼnisiya vekamoʼmo Goti Aunemeʼamoʼmo siosiʼafi siosiʼafiʼmo maiʼnaya vayaʼaifeʼmo hapa nepaiya gemo afino. Napa tu afinaʼmo nefaliya kavaʼmoʼa kamemo huʼa aeʼa neʼapakasaya vayaʼmo afaʼa ohapaegaiye.

Leveleseni 2:17

Agesamo haneʼnisiya vekamoʼmo Aunemeʼamoʼmo siosiʼafi siosiʼafiʼmo maiʼnaya vayaʼaifeʼmo hapa nepaiya gemo afino. Nagaemo kamemo huʼa aeʼa apakasaya vayaʼmo kokuʼnapi fala kino haneʼniya neʼyaʼmo agiʼamo mana neʼyaʼmo apamiguve. Apamiteʼna yaveyave yafateʼmo saufa agiʼamo avoʼmo kaeʼna apamiguve. Ani saufa agiʼamo muki vayaʼmogimo oʼafisageʼa ani yafaʼmo aliʼnisaya vayaʼamogigeʼmo afigae.

Leveleseni 2:29

Agesamo haneʼnisiya vekamoʼmo Goti Aunemeʼamoʼmo siosiʼafi siosiʼafiʼmo maiʼnaya vayaʼaifeʼmo hapa nepaiya gemo afino.

Leveleseni 2:7

Apakesamo haneʼnisiya vayaʼmogi Goti Aunemeʼamoʼmo siosiʼafi siosiʼafiʼmo maiʼnaya vayaʼaifeʼmo hapa nepaiya gemo afiyo. Nagaemo kamemo huʼa aeʼa neʼapakasaya vayaʼaifeʼmo, Afaʼa maisaya yaʼmo neʼapamiya yosa alagamo Goti hoyamo agiʼamo Palanaisi hoya folagapiʼmo haneʼniya yosa alagamo etapa afaʼa lagita neyo, huʼna hapa paiguve, huno naha paiʼniye.

Leveleseni 20:10

Nevoʼmo apayate aliʼniya vekamo yafapiʼmo neleya sofa ata kotupiʼmo alino yaga auno ataleʼniye. Afela afuʼe aigofe aune vekaʼeʼmo maiʼnaʼa kopiʼmo alino yaga auno ataleʼniye. Apakaemo felugaʼe haniʼilagaʼeʼmo alagi apakafu kino hano osuno apakafu kige kige huno maigiye.

Leveleseni 20:8

Uno muki alu kotega alu kotegamo maiʼnaya vayaʼmo Gogi nofi vayaʼe Megogi nofi vayaʼeʼmo humi apateteno kamemo hisayafeʼmo asole vayaʼmo ani kahaepamo lekana opaisuna agufa vayaʼmo alino anupa huno apategaiye.

Leveleseni 3:13

Agesamo haneʼnisiya vekamoʼmo Goti Aunemeʼamoʼmo siosiʼafi siosiʼafiʼmo maiʼnaya vayaʼaifeʼmo hapa nepaiya gemo afino.

Leveleseni 3:22

Agesamo haneʼnisiya vekamoʼmo Goti Aunemeʼamoʼmo siosiʼafi siosiʼafiʼmo maiʼnaya vayaʼaifeʼmo hapa nepaiya gemo afino, huno hapa paiʼniye.

Leveleseni 3:6

Agesamo haneʼnisiya vekamoʼmo Goti Aunemeʼamoʼmo siosiʼafi siosiʼafiʼmo maiʼnaya vayaʼaifeʼmo hapa nepaiya gemo afino.

Leveleseni 9:20

Ani kayotetiʼmo kamitimo oʼapamagiʼnaya vayaʼmogimo hosu enisole vayaʼaiteʼe alo huʼnaya aigofe gotiʼapimogiteʼeʼmo oʼapataleʼa magoʼe huʼa mono huʼnae. Apakaemo aigofe gotiʼapimogi goli yafatetiʼmo alo huge siluva yafatetiʼmo alo huge haesa yafatetiʼmo alo huge afa yafatetiʼmo alo huge yosaletiʼmo alo huge huʼnaya aigofe gotiʼapimogimo mago yaʼmo oʼagege ge oʼafige kaʼmo umenitata osuge nehaya aigofe gotiʼapimogimo oʼapataleʼnae.