1 Timoti 3:16 - The Keyagana NT and 25 OT books

¹⁶ Mono kavatimo hogote kavaʼmo alopa kavaʼmo haneʼnigeno alino fala ki maleʼneno alino lave liʼnigeta ani mono kavaʼmo nehune. Mani geeʼmo hutaeʼmo, Gotiʼa agufamo aliteno vayaʼai apaulagaleʼmo afole aiʼniye. Goti Aunemeʼamoʼmo hunoʼaeʼmo, fatago vekamae, huno huʼniye. Enisole vayaʼmogi ageʼnae. Alu nofi vaya alu nofi vayaʼaifeʼmo agaefeʼmo alagepa faigoko geʼamo aeʼa hakalo huʼa hapa paiʼnae. Ma mopafi vayaʼmogimo agaefeʼmo apakesamo afiʼa fatago huʼnae. Gotiʼa avalelino uno haino kokuʼnapi ateʼnigeno maiʼniye, huta nehune.

1 Timoti 3:16 ပူးပေါင်းရင်းမြစ်များ

Aiyeya 7:14

Ala kava neʼmoʼa agaiʼamo afole aisiya kavafeʼmo alagena kavaʼmo alino lapave ligiye. Afiyo, huʼna, mago saufa aʼmafaʼnemo veʼeʼmo lokaeno ohavaeʼniya aʼmafaʼnemoʼmo aipaguʼeʼmo maiteno ve mafaʼnemo alino ategaiye. Ani mafaʼneeʼmo agiʼamo Imanuveliʼae, huʼa hugae. Ani agimo aepaʼamo Gotiʼa lagaeʼeʼmo magokepi lokaeno neʼmaiye.

Aiyeya 9:6

Laha maesiyafeʼmo akanomoʼmo mago mafaʼnemo alino ateʼniye. Afoʼamoʼmo ani mafaʼnemo avaleno lamiʼniye. Agaemo asole vayaʼaiteʼmo yagaino apatesiyafeʼmo kana yaʼmo alino agiʼnaleʼmo kofilino ugiye. Agiʼamo aeʼapaeʼmo, hapau neʼaiya kavaʼmo nehiya vekae, huʼa agi aege gemo huno alino api aino neʼapateya vekae, huʼa agi aege himamuʼage Gotiʼae, huʼa agi aege maige maige huno neʼmaiya Afoʼapimoʼae, huʼa agi aege kini vekamoʼmo alagepa huno yagaino neʼapategeʼa falu apaipa kaliʼa neʼmaiya kavaʼmo aepa vekae, huʼa agi aege hugae.

Maika 5:2

Gotiʼa ina ge huno huʼniye. Metelehamu Efalatao, huno, Kagaemo muki Yuta taonimo folagapiʼmo alagi aise taonimo haneʼnanaʼmonanafa Isaleli kini vekamo maisiyafeʼmo mago vekamo nagaetefeʼmo kagaepatiʼmo afole aino maigiye. Agaemo akeyaʼvilagamo Gotiʼa ma mopaʼe kokuʼnaʼeʼmo alo osuʼniya afinaʼmo maiʼniye.

Matiyu 1:23

Agaemo hapa painoʼaeʼmo, Veʼeʼmo magokepi lokaeno ohavaeʼnisiya aʼmafaʼnemoʼa aipaguʼeʼmo maiteno ve mafaʼnemo alino ategaiye. Agiʼamo Imaniyuveliʼae huʼa aegae, huno avoʼmo kae maleʼniye. Imaniyuveliʼae agimo aepaʼamo Gotiʼa lagaeʼeʼmo magokepi lokaeno neʼmaiye.

Matiyu 13:11

Gotiʼa yagaino neʼapateya kavafeʼmo ava gemo aepaʼamo alino fala ki maleʼniya aepaʼamo ago lapamiʼniyaʼmonanafa apakaemo oʼapamiʼniye.

Matiyu 28:2

Ala kava neʼmo enisole vekaʼamo kokuʼnapatiʼmo emineno avayale yafaʼmo alino heleve hulinuno maleteno ani yafateʼmo fai maiʼniyaʼmofeʼmo lusi imimamo aliʼniye.

Matiyu 3:16

Yoniʼa Yesuʼmo aniʼmo faleno atetegenoʼaeʼmo Yesuʼa anipatiʼmo haineneʼegenoʼaeʼmo kokuʼnaʼmo aino akaka vaeʼnigeno ageyana Goti Aunemeʼamo kaugoʼyave namagana huno agaeteʼmo emineʼnigeno ageʼniye.

Matiyu 4:11

Nevoʼa ataleno uʼnigeʼapaeʼmo enisole vayaʼmogimo emiʼeʼa ha maeʼnae.

Maki 1:13

Uno fotiʼa afinaʼmo maiʼnigenoʼaeʼmo Sataniʼaamalageka huʼniye. Ani kotega afela afuʼe yagagafaʼeʼmo maiʼnaya kotegamo uno maiʼnigeʼapaeʼmo enisole vayaʼmogimo emi eʼa yagaiʼa ateʼnae.

Maki 16:19

Ala kava neʼmoʼa ani ge huno hapa paitegenoʼaeʼmo Gotiʼa kokuʼnapiʼmo avalelinuno haino ateʼnigeno lamaga haopaleʼmo fai maiʼniye.

Maki 16:5

Apakaemo yafakapiʼmo uʼa haiʼa agayana neya vekamo yaveyaveʼage yatala kukenamo vailiʼniya vekamo lamaga haopaleʼmo fai maiʼnigeʼa ageteʼa hapau aiʼnae.

Luki 2:32

Agaemo ha le yakana huno maiʼneno mago alu nofi vayaʼaitegamo aeno ha lesigeʼapaeʼmo ageʼa aeto hugae. Ani kava huno Isaleli vayakamo ala apakiʼapimo apamigiye, huno huʼniye.

Luki 20:44

Neviniʼa ani geeʼmo hunoʼaeʼmo, Kalaisi vekaeʼmo Ala kava neʼnie, huno ha paiʼniyaʼmofeʼmo haiya agufa kavaʼmo huno Kalaisi vekamoʼa Nevini akamelegati aginagoʼamo maiʼniye, huno ge huno apafi geʼniye.

Luki 22:43

Mago enisole vekamo kokuʼnapatiʼmo emineno agaemo lokiya vaino ateʼniye.

Luki 24:4

Na agufa kavaʼmo huʼnifi, huteʼa apakesa alaʼamo neʼafigeʼanaeʼmo alave alave nehiya kukena yaʼmo vailiʼnaʼa vekalaʼmo hapaopaleʼmo afole aiteʼana he tiʼana maiʼnaʼageʼapaeʼmo

Luki 24:51

Gotiʼa kokuʼnapiʼmo avalelino uno haiʼniye.

Yoni 1:14

Ani vekamo agiʼamo Goti Geʼamoʼmo emineno agufamo aliteno nata neno emineno lagaeʼeʼmo magokepi lokaeno maiʼniye. Lagaeʼeʼmo lokaeno maiʼnigeta ageʼnonana ha le konali yaʼamo Afoʼamoʼmo aiya magoke mafaʼneʼamo aeto agufa kumani mafaʼneʼamo ha le konali yaʼamoʼa aeno ha leʼnigeta ageʼnone. Fiku laha maeno lamisiya kavaʼaʼe lama geʼaʼeʼmo aipafiʼmo havai teʼnigeno aeno ha leʼnigeta ageʼnone.

Yoni 15:26

Nagaemo lapa maesiya vekamo alagi lama gemo aepa Aunemeʼamo Afoʼnimotegatiʼmo aliʼna atesugeno emineno nagaefeʼmo faigoko geʼnimo hugiye.

Yoni 16:28

Nagaemo Afoʼnimotegatiʼmo ma mopafiʼmo emiʼneʼnove. Halate ma mopamo ataleʼna Afoʼnimotegamo uʼna haiguve, huno hapa paiʼnigeʼapaeʼmo

Yoni 17:5

O Afo, huno, kagaeʼeʼmo magokepi lokaeʼna maiʼneʼnaeʼmo kaulagaleʼmo ha le konali yaʼnimo ma mopamo alo osuʼnana afinatetiʼmo aliʼnova ha le konali yaʼnimo alika namiyo.

Yoni 20:12

lole enisole vekalaʼmo yaveyave kukena vailiʼnaʼa vekalaʼmo maiʼnaʼageno anakeʼniye. Yesuʼmo alini uʼa haiʼana maleʼnaʼa yateʼmo mago vekamo agenopaleʼmo maiʼnigeno mago vekamo aiyalegamo maiʼniye.

Yoni 6:62

Agesayana Vemo Mafaʼnemo atagi neno uno haino maisigetapaeʼmo, na agufa yane hutapa lapakesamo afigae.

Apa 1:19

Muki Yulusalemu taonifi maiʼnaya vayaʼmogi ani gemo afiteʼapaeʼmo ani mopamo agiʼamo Kola mopae, huʼa agi ateʼnae. Yu gefatiʼmo agiʼamo, Aikelatamagayagae, huʼa agi ateʼnae.

Apa 10:34

Pitaʼa aepa faino hapa painoʼaeʼmo, Hemenimo ago afiʼnovana Gotiʼa amega apakufaleʼmo apaketeno hapa noʼmaefa muki haopalega maiʼnaya vayaʼaitegamo magoke agufa kavaʼmo huno hapa neʼmae, huʼna ago afiʼnove.

Apa 14:27

Eʼana Atiyoki taonifiʼmo avaʼyi huteʼana ge huʼnaʼageʼa siosi vayaʼmo eʼa aliʼa anupa huʼa maiʼnageʼanaeʼmo Gotiʼa anakaetetiʼmo muki kavaʼamo huʼniya kavafeʼmo ava gemo huʼana hapa paiʼanaeʼmo Gotiʼa mago saufa kaʼmo alu nofi vayaʼmogi apakesamo afiʼa fatago hisayafeʼmo kitamo ago yakino apateʼniye, huʼana hapa paiʼnaʼae.

Apa 20:28

Goti Aunemeʼamoʼmo sipisipi vayaʼaiteʼmo yagaitapa apatesaya vayatama vayane, huno lekana paino lapateʼniyanagi lapakaitapileʼmo alagepa hutapa yagaiʼnetapa mukiʼamo magoke anaga vayaʼmo sipisipi vayaʼaiteʼmo alagepa hutapa yagaitapa apateyo. Gotiʼa agaiʼa siosi vayaʼamo kolaʼaletiʼmo miya faino neʼapateya sipisipi vayaʼamo maiʼnayanagi alagepa huta yagaitapa apateyo.

Lomu 10:12

Na kava haneʼniyaʼmofeʼmae. Yu nofi vayaʼe alu nofi vayaʼmogiʼeʼmo hailami salami huʼa oʼmaiʼnae. Magokeʼage Ala kava neʼmoʼa muki vayaʼaiteʼmo yagaino neʼapateya vekamo maiʼnigeʼapaeʼmo muki vayaʼmogimo agaefeʼmo keya aeʼa ge nehaya vayaʼaitefeʼmo alopa kagemi yaʼe vekagana huno maiʼneno fikumo hapa maeno neʼapamiye.

Lomu 10:18

Afole neʼaiyaʼmonanafa Goti geʼamo oʼafiʼnafiye, huʼna loka huʼna lapafi nekove. Haʼao, ago afiʼnae. Avoʼmo kae maleʼniya gemoʼa hunoʼaeʼmo, Apake neʼaiya apakemoʼmo ma mopafi muki haopalegamo aino atagu faeno uneno huʼniye. Geʼapimoʼa muki ma mopamo atupalegamo aino atagu faeno uneno huʼniye, huno huʼniye.

Lomu 16:25

Gotiʼa nagaemo aeʼna hakalo nehuva alagepa faigoko geʼaletiʼe Yesu Kalaisifeʼmo ava gemo aeʼa hakalo nehaya geʼaletiʼeʼmo afaʼa alino lokiya vaino lapategaiye. Ma mopamo alo huʼniya afinatetiʼmo ani gemo fala kino haneme haneme eʼniyaʼmonanafa

Lomu 16:26

hemenimo Gotitegati gemo alini eʼa aeʼa hakalo huʼa hapa nepaiya vayaʼmogimo avoʼmo kae maleʼnaya gemo alagepa faigoko geʼamo ha le yategamo ago afole aiʼniye. Maige maige huno neʼmaiya Gotiʼa, alita aeta hakalo hiyo, huno huʼnigeʼa muki nofi vayaʼmogi apakesamo afiʼa fatago hisaya gemo akame hisayafeʼmo aeʼa hakalo huʼa hapa paiʼnae.

Lomu 3:4

Alagi atalegeno hano hino. Muki vayaʼmogimo aigofe gemo nehisagenoʼaeʼmo Gotiʼa agaiʼa geʼamo alagi oʼataleno akame hugiye. Ani kavatefeʼmo Goti mukufi gemoʼa hunoʼaeʼmo, kagaemo gemo hisanageʼa afiteʼapaeʼmo, alagi lama gemo nehiye, huʼa hugae. Vayaʼmogimo agoti huʼa nekatesagekaeʼmo aeka apakasegane, huno avoʼmo kae maleʼniye.

Lomu 8:3

Atafa laipamo haneʼnigenoʼaeʼmo keʼaepa gemo akame hisuna himamutimo ohaneʼniyaʼmofeʼmo keʼaepa gemoʼa afaʼa laha oʼmaeʼniyaʼmofeʼmo Gotiʼa laha maeno hosu kavatilefeʼmo agaiʼa mafaʼneʼamo alino ateʼnigeno emineno hosu kavaʼmo nehaya vayaʼai apakufagana agufamo aliʼnigenoʼaeʼmo Gotiʼa Kalaisi agufafiʼmo hosu kavatilefeʼmo agoti huno ateteno amagiʼniye.

Lomu 9:5

Hogote apakinago vayaʼmo Isaleli nofi vayaʼmo maiʼnae. Kalaisiʼa apakaepatiʼmo ma mopafi vekagana huno afole aiʼniye. Kalaisiʼa muki yaʼaleʼmo neʼyagaiya vekamo maige muki afinaʼmo aulena Gotiʼa maige maige huno maigiye. He, lama ge.

1 Kolitiyani 15:47

Hogote vekamo mopaletiʼmo alo huno ateʼnigeno ma mopafatiʼmo afole aiʼniye. Napa tu vekamo Ala kava neʼmo kokuʼnapatiʼmo emineʼniye.

1 Kolitiyani 2:7

Hapa nopaunaʼmonanafa Gotiʼa alino fala ki maleʼniyanageʼa afaʼa oʼagesaya geʼaletiʼmo Gotiʼa afiteno ageʼniya geletiʼmo hapa nepaune. Gotiʼa ma mopamo alo osuʼnenoʼaeʼmo ha le konali yaʼamo alisunafeʼmo ani gemo hu maleʼniye.

2 Kolitiyani 1:19

Sailasiʼagi Timotiʼagi nagaiʼnimogi huta Goti Mafaʼneʼamo Yesu Kalaisifeʼmo ava gemo aeta hakalo huta lapa paiʼnona vekamoʼmo lole agufa gemo afoʼamoʼmo oʼmaiʼniye. Agaetefeʼmo he, nehutaeʼmo aita atagineta, haʼao, huta nosune. Agaemo he gemo afoʼamoʼmo maiʼneno lama gemo afoʼamoʼmo maiʼniye.

Galesiya 2:8

Gotiʼa himamuʼaletiʼmo Pitaʼmo lokiya vaino ateʼnigeno Yu nofi vayaʼaitegamo neʼviya kava huno Gotiʼa himamuʼaletiʼmo lokiya vaino nateʼnigeʼna malaga nofi vayaʼaitegamo neʼuve.

Galesiya 4:4

Gotiʼa hu maleʼniya afinaʼmo afole aiʼnigenoʼaeʼmo Mafaʼneʼamo alino ateʼnigeno emineʼniye. Mago ma mopafi a kanomoʼmo alino ateʼnigeno Yu keʼaepa gemo afeʼalumelagamo maiʼniye.

Efasasi 1:9

Hauʼniya kavatefeʼmo ani kavaʼmo huguve, huno agesamo afiteno lokiya gemo hu maleʼniya kavaʼmo hogoteno alino fala ki maleʼniyaʼmonanafa hemenimo ago alino lave liʼniye.

Efasasi 6:19

Gotiʼa naha maesigeʼna alino fala ki maleʼniya alagepa faigoko geʼamo koli osuʼna alagepa huʼna aeʼna hakalo huʼna hapa paisuvafeʼmo nunumuʼmo hutapa nateyo.

Kolosi 1:23

He, oʼataleta lapakesamo afita fatago hume hume neʼutapaeʼmo yafateʼmo noʼmo faiʼa ategekana hutapa maiʼneta oʼataletapa alagepa faigoko geʼamo afitetapa lapavayagunagu hutapa agava maiʼneta oʼataleʼnisayana Goti aulagaleʼmo alagepa huta he titapa maigae. Mani alagepa faigoko geʼamo muki ma mopafi vayaʼaifeʼmo aeʼa hakalo huʼa hapa paiʼnageʼa afiʼnae. Nagaemo Poloʼnamo ani gelefeʼmo Goti aliʼyaʼamo neʼaluva vekamo hamaleʼnove.

Kolosi 1:27

Gotiʼa muki nofi vayaʼaitegamo asole ha le konali kavaʼamo fala kiʼniyanageno alino apave lisiyafeʼmo hauʼnigenoʼaeʼmo agesamo afiʼniye. Mani fala kiʼniya gemo Kalaisiʼa lapaipafiʼmo maiʼniya vekaeʼmo ava gemo haneʼniye. Agaetefeʼmo ha le konali yaʼamo alisayafeʼmo lapavayagunagu hutapa agava neʼmaiye.

Kolosi 1:6

Alagepa faigoko geʼamo lapakaeteʼmo eno afole aiʼniya gemoʼa ma mopafi muki haopalegaʼeʼmo eno afole aiteno neʼyaʼamo alino neʼate. Mani gemo Gotiʼa fikumo hapa maeno neʼapamiya gemo afitetapaeʼmo lama gemo haneʼniye, hutapa afiʼnaya afinatetiʼmo lapakaepatiʼeʼmo neʼyaʼmo alino neʼate.

Kolosi 2:2

Lapaipamoʼmo atete osuno lokiya vaino haneʼnisigetapa lapau lapayamopafiʼmo lapauʼnisigetapa magoke lapaipa lapakesamo alita maisayafeʼmo aliʼyaʼmo neʼaluve. Ani kavaʼmo huta maiʼnetapaeʼmo Gotiʼa hogoteno alino fala kino ateʼneno alino lapaveliʼniya vekamo Kalaisiʼmo alagepa hutapa ageta aeto hutetapa lole lapakesamo oʼafitapa lusi kava huta magoke lapakesamo afisayafeʼmo nahauʼniye.

2 Tesaloniyani 1:10

Ani afinaʼmo apaote vayaʼamo alino alagepa huno apatesigeʼapaeʼmo agiʼaleʼmo aliʼa asaga huʼa ategae. Muki vayaʼmo apakesamo afiʼa fatago nehaya vayaʼmogimo agaemo ageteʼapaeʼmo hapau aiteʼa apamogaga aigae. Lapakaemo lapa paiʼnona geeʼmo lapakesamo afita fatago huʼnayaʼmofeʼmo apakaeʼeʼmo magokepi lokaeta maigae.

2 Tesaloniyani 2:7

Hemenimo mago vayaʼmogimo alagi hosu vekamoʼmo hisiya agufa kavaʼmo nehayaʼmonanafa kaʼmo neʼakaniya vekamoʼmo ka akanime akanime visigenoʼaeʼmo hosu vekamoʼmo muki vayapatiʼmo afole aigiye.

1 Timoti 3:9

Alagepa huno agupi mafaʼnemo maiʼninageno lagesamo afita fatago nehuna gemo hogoteno alino fala ki maleʼneno henagaʼamo ago alino lave liʼnigeta ageʼnona geleʼmo atafauno alagi huʼneno akame nehisiya vekamo maigiye.

Himulu 1:3

Agaemo Gotiʼa ha le konali yaʼamo aeno ha legekana huno neʼmaiye. Agaemo Goti lama ge auneʼamo maiʼniye. Lokiya geʼaletiʼmo muki yaʼmo afaʼa hanesiyafeʼmo yagaino ateʼnenoʼaeʼmo agaiʼamo hosu kavatimo aeno kalo paeno ataletenoʼaeʼmo uno haino kokuʼnapi Gotiʼa anaga hogote vekamo yagaino neʼapateya vekamo lamaga haopaleʼmo fai maiʼniye.

Himulu 12:2

Yesufekeʼmo aulu haelita nagu nagu huta vigetao. Agaekeʼmo lagesamo afita fatago nehuna kavaʼmo alino aepa failino uʼniyanageno alino hano huno atesiya vekamo maiʼniye. Agaemo, lusi kava huʼna namogaga aiguve, huno agesamo afitenoʼaeʼmo malipu yosaleʼmo falisiya kavatefeʼmo oʼataleno atafauno alagi huno maiʼneno faliʼniye. Malipu yosaleʼmo falisiya kavafeʼmo lusi kava huno navagage hugiye, huno huteno agesa alaʼamo oʼafiʼnifa, kanalene, huteno falitenoʼaeʼmo uno haino Gotiʼa yagaino neʼapateya siyaʼaleʼmo lamaga haopaleʼmo fai maiʼniye.

Himulu 7:7

Muki vayaʼamogitamo ago afiʼnonana Gotiʼa hunoʼaeʼmo, aliʼna auleʼna kategauve, huno huʼniya vekamoʼmo hapa paiʼnigeʼa afiʼnaya vayaʼmo ago aeno apakaseʼniye.

Himulu 8:1

Inagi mani avoʼmo nekaona gemo aepaʼamo haneʼniyana agaemo ani agufa hogote vekamo mono huno nelateya vekamo maiʼniye. Agaemo ala kini vekamo yagaino neʼapateya siyaʼaleʼmo lamaga haopaleʼmo kokuʼnapiʼmo fai maiʼniye.

1 Pita 1:12

Gotiʼa hunoʼaeʼmo, lapakaitapilefeʼmo ani aliʼyaʼmo noʼalifa henagaʼamo afole aisaya vayaʼaitefeʼmo ani aliʼyaʼmo neʼaliye, huno hapa paiʼniye. Hemenimo apa vayaʼmogita Aote Aunemeʼamo kokuʼnapatiʼmo alino ateʼnigeno emineʼniya Aunemeʼamo himamuʼaletiʼmo mani alagepa faigoko geʼamo lapa nepaune. Enisole vayaʼmogiʼeʼmo ani kavaʼmo aepaʼamo agesayafeʼmo nehapaiye.

1 Pita 1:20

Gotiʼa ma mopaʼe kokuʼnaʼeʼmo alo osuʼnenoʼaeʼmo akeyaʼvilagamo ani aliʼyaʼmo alisiyafeʼmo Kalaisiʼa ago lekana paino ateteno henagaʼamo lapakaetefeʼmo alino afole aino ateʼniye.

1 Pita 1:21

Lapakaemo agaetetiʼmo Gotifeʼmo lapakesamo afita fatago nehae. Agaemo faliʼniyatetiʼmo ago alino he tino ateteno ha le konali yaʼamo amiʼnigetapaeʼmo Gotifeʼmo lapakesamo afita fatago hutetapa agava maiʼnetapaeʼmo lapavayagunagu nehae.

1 Pita 3:18

Ani kavatefeʼmo fatago vekamo Kalaisiʼa fatago vayaʼmo oʼmaiʼnaya vayaʼai apaimuʼyaleʼmo muki afinatefeʼmo magoke afinaʼmo ago faliʼniye. Agaemo Gotitegamo lavalelino uno haisiyafeʼmo agufaʼamo faliʼniyaʼmonanafa Goti Aunemeʼamoʼmo ago alino he tino ateʼniye.

1 Pita 3:22

Kalaisiʼa he tino kokuʼnapiʼmo uno haino Goti lamaga haopaleʼmo maiʼneno muki vayaʼaiteʼmo yagaino neʼapate. Gotiʼa enisole vayanagi yagaiʼa neʼapataya vayanagi lokiya apauneʼapameʼe vayanagi huno alino Kalaisi aiyafiʼmo apateʼnigeno yagaino neʼapate.

1 Yoni 1:2

Mani vekamo afaʼa neʼmaiya yaʼmo aepa vekamo afole aiʼnigeta agetetaeʼmo agaefeʼmo faigoko geʼamo aeta hakalo huta lapa nepaune. Agaemo maige maige huʼa neʼmaiya yaʼmo afoʼamoʼmo Goti muki yaʼmo Afoʼamoʼeʼmo magokepi lokaeno maiʼneno lagaetegamo afole aiʼniya vekaeʼmo ava gemo huta lapa nepaune.

1 Yoni 3:5

Lapakaemo ago afiʼnayana Kalaisiʼa hosu kavatimo alino atalesiyafeʼmo emineno afole aiʼniye. Agaiʼa aipafiʼmo hosu kavaʼamo alagi ohaneʼniye.

1 Yoni 3:8

Sataniʼa aepa faiʼniya afinatetiʼmo hosu kavakeʼmo hume hume neʼeya kava huʼa muki vayaʼmogi hosu kavaʼmo nehaya vayaʼmo Satani vayaʼamo maiʼnae. Goti Mafaʼneʼamoʼmo Satani aliʼyaʼamo alagi alino hano huno atalesiyafeʼmo emineno afole aiʼniye.

Leveleseni 17:5

Hanileʼmo haneʼniya agimo aepaʼamo fala ki agiʼamo avoʼmo kae maleʼniya agimo Alopa Mamiloniʼae. Kumai aʼne anagaʼmogi itaʼapimoʼmo maiʼniye. Huʼa faipa huʼa neʼataya vayaʼai itaʼapimoʼmo maiʼniye, huno huʼniye.

Leveleseni 17:7

Nahau aiʼnogenoʼaeʼmo enisole vekamoʼmo, na kava higekaeʼmo kahau neʼaine, huno ge huno nafi geʼniye. Nagaemo a kanomoʼmo fala kiʼniya aepaʼaʼe afela afuleʼmo fai maiʼnigeno afela afumoʼmo seveniʼa agenopamo haneʼnigeno naya loleʼa lokiyaʼamo haneʼniya afela afumoʼmo fala kiʼniya aepaʼaʼeʼmo aliʼna kave liguve.

Leveleseni 7:9

Ani kavaʼmo afole aitegeʼna ageʼnovana asole vayaʼmo lekana opaisuna agufa vayaʼmo muki alu kotega alu kotegamo neʼmaiya vayanagi muki alu nofi vaya alu nofi vayanagi muki alu apakufaʼe alu apakufaʼe vayanagi muki alu apake alu apakemo neʼaiya vayanagi huʼa yagaino neʼapateya vekamo siya aulagaʼe aikeli sipisipimo aulagaʼeʼmo eʼa he tiʼa maiʼnageʼna apakeʼnove. Apakaemo yatala yaveyaveʼage kukenamo vaiʼa aliʼnaya vayaʼmogi vayaveʼmo haitagana yaʼmo apayapiʼmo aliʼnae.