1 Timoti 2:9 - The Keyagana NT and 25 OT books

^9-10 Ani kavafeʼmo nahauʼniyanageʼa aʼnemogimo vayaʼmogi apakesayafeʼmo kukena yaʼapimo oʼvaiʼa alagepa huʼa apakesamo afiteʼa kukenamo vaigae. Apayokapiʼmo konali alige apakufaleʼmo konali alige lusi moniletiʼmo miya nefaiya kukena yaʼmo aliʼa vaige osugayaʼmonanafa Goti mafaʼnemo maiʼnone, huʼa nehayaʼmofeʼmo alagepa kavaʼmo nehaya aʼne anagaʼmogi vaisaya kukena yaʼmo vaigae.

1 Timoti 2:9 ပူးပေါင်းရင်းမြစ်များ

Aepa Gemae 24:53

Mono hutenoʼaeʼmo apakufaleʼmo neʼvaiya alagepa konali yaʼmo siluva konali yanagi goli konali yanagi alagepa kukena yanagi huno Lipekaʼmo amiʼniye. Amitenoʼaeʼmo asaʼamoʼe itaʼamoʼeʼmo alopa moniletiʼmo miya nefaiya yaʼmo fikumo anamiʼniye.

Esata 5:1

Esataʼa neʼyaʼmo oʼneno loleʼe magoʼe afinaʼmo mosino maiʼneno kuvini kukenamo alino vaitenoʼaeʼmo uno kini vekamo lafi kegiʼya yuʼilagamo uno haino kini vekamo aeno hanagi maleʼneno fai maiʼneno yagaino neʼapateya noʼmo haopaleʼmo he tino maiʼnigenoʼaeʼmo kini vekamoʼmo noʼafiʼmo neʼyagaiya siyateʼmo fai maiʼneno kumategamo aulu heno ageno maiʼniye.

Samu 149:4

Ala kava neʼmoʼa vayaʼaeʼmo amuse huno neʼapate. Agaemo apakaiʼapimo aliʼa afepi neʼataya vayaʼai apakufamo alino katino apatesigeʼa alagepa apaulagamo neʼapakaya vayaʼmo maigae.

Mai'naya kavane 31:22

Alagepa palaketiʼmo alo huteno agaiʼamo hogote kukena yaʼmo neʼvaiye.

Mai'naya kavane 31:25

Lokiyaʼaʼe ala agiʼaʼeʼmo kukenagana huno vaiʼniye. Afole aisiya kavafeʼmo afaʼa amogaga aigiye.

Mai'naya kavane 7:10

Uʼnigeno mago a kanomo kumai aʼnemogimo neʼvaiya agufa kukenamo vaiteno ani vekamo agesamo faisiyafeʼmo eʼnigeʼana fotu huʼnaʼae.

Aiyeya 61:4

Apakaemo heʼa halagape vaiʼnaya taonimo halate kigae. Akeyaʼvilaga no atufafiʼmo saufa noʼmo kigae. Yatala afinaʼmo muki hosuʼniya taonimo haneʼniyana aliʼa alagepa huʼa kigae.

Matiyu 11:8

Hopamo agesayafeʼmo oʼuʼnisayana na agufa vekamo agesayafeʼmo uʼnae. Lapakaemo alagepa kukenamo vaiʼniya vekamo agesayafeʼmo uʼnafiye. Haʼao alagepa kukenamo neʼvaiya vayaʼmo yagaiʼa neʼapataya vayaʼai nopikeʼmo maiʼnae.