1 Timoti 2:7 - The Keyagana NT and 25 OT books

⁷ Ani kavatefeʼmo lekana paino nateʼnigeʼna geʼamo aeʼna hakalo huʼna hapa nepauva vekamoʼmo maiʼneʼna apa vekaʼamoʼnamo alu nofi vayaʼmogimo apakesamo afiʼa fatago hisayafeʼmo lama geʼamo aliʼna apaya neʼmalova vekamo maiʼnove. Aigofe gemo nosufa alagi lama gemo nehuve.

1 Timoti 2:7 ပူးပေါင်းရင်းမြစ်များ

Samu 111:7

Ayatetiʼmo aliʼa amufa amisayafeʼmo lamage aliʼyaʼmo neʼaliye. Muki keʼaepa gemoʼmo lokiyaʼamo hanesigeno hanege hanege huno hanegaiye. Agaemo lama geʼaletiʼe fatago kavaʼaletiʼeʼmo polomasi gemo huʼniya kavaʼmo alagi hugiye.

Yoni 7:35

Yu vayaʼmogi apakaiʼapimo huʼapaeʼmo, haiya kotegamo visiyafe hunoʼaeʼmo kahauya hutapa oʼnagegae, huno nehiye. Agaemo vayatimo atagu faeʼa uʼa Galiki nofi vayaʼeʼmo lokaeʼa maiʼnaya kotegamo uno alino apaya malesiyafeʼmo nehifiye.

Apa 14:27

Eʼana Atiyoki taonifiʼmo avaʼyi huteʼana ge huʼnaʼageʼa siosi vayaʼmo eʼa aliʼa anupa huʼa maiʼnageʼanaeʼmo Gotiʼa anakaetetiʼmo muki kavaʼamo huʼniya kavafeʼmo ava gemo huʼana hapa paiʼanaeʼmo Gotiʼa mago saufa kaʼmo alu nofi vayaʼmogi apakesamo afiʼa fatago hisayafeʼmo kitamo ago yakino apateʼniye, huʼana hapa paiʼnaʼae.

Apa 22:21

Ala kava neʼmoʼa hunoʼaeʼmo, Afaʼa uvo. Alu nofi vayaʼaitegamo aliʼna katesugekaeʼmo afaʼa uvo, huno naha paiʼniye, huno hapa paiʼniye.

Apa 9:15

Ala kava neʼmoʼa hunoʼaeʼmo, Nagaemo aliʼyaʼnieʼmo uno nagiʼnimo alu nofi vayaʼaifenagi yagaiʼa neʼapataya vayaʼaifenagi Isaleli vayaʼaifenagi huno aeno hakalo huno hapa paisiyafeʼmo lekana paiʼna ateʼnovanagi afaʼa uvo.

Lomu 1:9

Nagaemo amega nagufaletiʼmo Goti aliʼyaʼamo oʼaliʼna naipafatiʼmo Goti mafaʼneʼamo alagepa faigoko geʼalefekeʼmo aliʼyaʼmo neʼaluve. Nagaemo nunumuʼmo huʼna hano osuʼnofa muki afinaʼmo nunumuʼmo huʼna nelapatove. Gotiʼa nageʼniyanageno he, nehiye, huno, naha maesiya gemo afaʼa lapa paigiye.

Lomu 10:14

Ani gemo huʼniyaʼmonanafa agaefeʼmo apakesamo afiʼa fatago nosisaya vayaʼmogimo haiya kava huʼa agaefeʼmo keya aeʼa ge hugae. Agaefeʼmo ava gemo oʼafiʼnisayana haiya kava huʼa agaefeʼmo apakesamo afiʼa fatago hugae. Mago vayaʼmogi agaefeʼmo ava gemo aeʼa hakalo huʼa hapa opaisayana haiya kava huʼa afigae.

Lomu 11:13

Apa vekaʼamo maiʼneʼna alu nofi vayaʼmogitapalegamo neʼuvaʼmofeʼmo hemenimo alu nofi vayaʼmogitapaeʼmo mani gemo hugesuve. Ma mopafi kavatefeʼmo huʼnaeʼmo, nofi vayaʼnimogi lapaketeʼapaeʼmo hapaʼye hisigeʼna apakufamo aliʼna katiʼna apatesuvafeʼmo alu nofi vayaʼmogitapalegamo lusi aliʼyaʼmo neʼaluve.

Lomu 15:16

Mono huʼa neʼapataya vayaʼmogimo Gotiʼmo ofalinimo neʼamiya kava huʼna alagepa faigoko geʼaletiʼmo aliʼyaʼmo neʼaliʼnaeʼmo alu nofi vayaʼmo apavaleliʼna eʼna ani ofalinimo Gotiʼmo amigesuve. Aote Aunemeʼamoʼmo apavaleno apaote apatesigeʼa alagepa ofalinieʼmo Gotiʼa amuse hisiya agufa ofalini yakana huʼa maisageʼna amiguve.

Lomu 9:1

Hemenimo nagaemo mago gemo hisuvafeʼmo huve. Nagaemo Kalaisipiʼmo maiʼneʼnaeʼmo lama gemo nehuve. Aote Aunemeʼamoʼmo nagupi mafaʼneleʼmo yagaino neʼategenoʼaeʼmo lama gemo nehane, huno naha nepaiye.

1 Kolitiyani 9:1

Nagaemo apa vekamo maiʼnove. Kalavusifiʼmo oʼmaiʼneʼna muki kavaʼamo afaʼa hisuva kavaʼmo haneʼniye. Nagaemo Ala kava netimo Yesuʼmo naulagafatiʼmo ago ageʼnove. Ala kava netetiʼmo aliʼyaʼmo aliʼnogetapaeʼmo lapakaemo alagamo aegekana hutapa aeʼnae.

2 Kolitiyani 11:31

Ala kava netimo Yesu Kalaisi Gotiʼamo Afoʼamofekeʼmo muki afinaʼmo aliʼa auleʼa neʼataya Gotiʼa hunoʼaeʼmo, aigofe gemo nosiye, huno nageʼniye.

Galesiya 1:16

Agaemo Mafaʼneʼaeʼmo ava gemo malaga nofi vayaʼaifeʼmo aeʼna hakalo huʼna hapa paisuvafeʼmo Gotiʼa hauʼniya afinaʼmo Mafaʼneʼamo naipafiʼmo alino nave liʼnigeʼna ageteʼnaeʼmo uʼna mago vayaʼeʼmo ge huge afige huʼna oʼmaiʼnove.

Galesiya 1:20

Goti aulagaleʼmo maiʼneʼnaeʼmo aigofe gemo nosufa alagi lama gemo huʼna avoʼmo nekaove.

Galesiya 2:16

Lagaemo afiʼnonana Gotiʼa keʼaepa geʼamo akame nehaya kavatetiʼmo, naulagaleʼmo fatago vayaʼmo maiʼnae, huno hapa nopaiyaʼmonanafa Yesu Kalaisifekeʼmo apakesamo afiʼa fatago nehaya kavatetikeʼmo, naulagaleʼmo fatago vayaʼmo maiʼnae, huno hapa nepaiye, huta ago afiʼnone. Gotiʼa keʼaepa geʼamo akame nehuna kavatetiʼmo, naulagaleʼmo fatago vayaʼmo maiʼnae, huno laha opaigiyaʼmonanafa Kalaisifekeʼmo lagesamo afita fatago nehuna kavatetikeʼmo, naulagaleʼmo fatago vayaʼmo maiʼnae, huno laha paisiyafeʼmo lagaeʼeʼmo Kalaisifekeʼmo lagesamo afita fatago huʼnone. Gotiʼa muki vayaʼaifeʼmo hunoʼaeʼmo, keʼaepa geʼnimo akame hisaya kavatetiʼmo naulagaleʼmo fatago vayaʼmo maiʼnae, huno nosiyaʼmofeʼmae.

Galesiya 2:9

Ala apaki neʼapamiya vayaʼmo Yemisiʼagi Pitaʼagi Yoniʼagi huʼa nageʼnayana Gotiʼa Poloʼmo fikumo ha maeno amiteno mani aote aliʼyateʼmo avaleno ateʼniye, huʼa nageteʼapaeʼmo nagaeʼe Manamasiʼeʼmo afalu afalu kavaʼmo huʼa apayaʼmo laʼamiʼnae. Laʼamiteʼapaeʼmo, he kanalenagi utana malaga nofi vayaʼaitegamo aliʼyaʼmo aliʼagetao lagaemo Yu nofi vayaʼaitegamo uta aliʼyaʼmo aligune, huʼa laʼaha paiʼnae.

Galesiya 3:9

Ha paiʼniyaʼmofeʼmo Gotiʼa agesamo afino fatago huʼniya vekamo Emalehamuʼe apakesamo afiʼa fatago nehaya vayaʼeʼmo magoke agufa kava huʼa aulena vayaʼmo maiʼnae.

2 Timoti 1:11

Gotiʼa ani faigoko geʼamo aeʼna hakalo huʼna hapa nepauva vekamo maige apa vekaʼamo maige alu nofi vayaʼaina aliʼna apaya neʼmalova vekaʼamo maige huʼna maisuvafeʼmo ago lekana paino nateʼniye.

2 Pita 2:5

Ani kava huno akeyaʼvilaga vayaʼmogi Gotifeʼmo mono osuʼnaya vayaʼaina Gotiʼa apakeno oʼapataleʼnifa aniʼmo ho, huno huʼnigeno aniʼmo heteno muki vayaʼamo ago aeno apati kaeʼniyaʼmonanafa Novaʼa fatago kavafeʼmo aeno hakalo huno hapa paiʼniya vekaʼe seveniʼa vayaʼeʼmo anipatiʼmo apakufamo alino katino apateʼniye.