1 Timoti 1:7 - The Keyagana NT and 25 OT books

⁷ Apakaiʼapimo Goti keʼaepa geʼamo aliʼa apaya neʼmalaya vayaʼmo maisayafeʼmo hapauʼniye. Apakaemo lokiya gemo nehayaʼmonanafa apakaiʼapimo nehaya gemo aepaʼamo alagepa huʼa oʼafiʼneʼa na agufa gemo nehupi, huʼa noʼafiye.

1 Timoti 1:7 ပူးပေါင်းရင်းမြစ်များ

Matiyu 15:14

Afaʼa apateyo. Apaulagamo ali huʼnigeʼa alu vayaʼmo kaʼmo aliʼa ho huʼa apavaleliʼa neʼvaya vayane. Mago aulagamo ali huʼnisiya vekamoʼmo alu vekamo aulagamo ali huʼnisiya vekamo ayateʼmo alino avalelino visiyana magokepiʼmo uʼana kelifiʼmo asagauʼana aigaʼae, huno hapa paiʼniye.

Matiyu 21:27

Huʼa huteʼa Yesufeʼmo huʼapaeʼmo, oʼafiʼnone, huʼa ha paiʼnagenoʼaeʼmo ani kava huʼna haiya agufa alagena yaʼnimo yagaiʼnova yaʼmo aliʼneʼna ani agufa kavaʼmo nehufi huʼna lapa opaiguve, huno hapa paiʼniye.

Luki 2:46

Loleʼe magoʼe afinaʼmo kahauya huʼnaʼana alagi oʼageʼana kahauya huʼana agaʼana Yesuʼa alopa mono nopiʼmo aliʼa apaya neʼmalaya vayaʼeʼmo fai maiʼneno huʼnaya gemo afige loka huno ge huno apafi ge huno maiʼnigeʼana ageʼnaʼae.

Apa 15:1

Henagaʼamo mago vayaʼmo Yutiya kotegatiʼmo eʼa Atiyoki taonifiʼmo mago konaga vayaʼaifeʼmo aliʼa apaya maleʼapaeʼmo, Mosese keʼaepa gemoʼa hunoʼaeʼmo, lapakufamo lagauʼa lapateyo, huno huʼniya gemo akame osisayana Gotiʼa lapakufamo alino katino lapategaiye, huʼa hapa paiʼnae.

Lomu 1:22

Apakaemo, afiteta ageʼnona vayaʼmo maiʼnone, huʼa nehuʼapaeʼmo negi vayaʼmo hamaleʼnae.

Galesiya 3:2

Magoke kavafeʼmo ge huʼna lapafi gesuvafeʼmo huve. Lapakaemo keʼaepa gemo akame huʼnaya kavatetiʼmo Goti Aunemeʼamo aliʼnafi Kalaisifeʼmo ava gemo afitetapa lapakesamo afita fatago huʼnaya kavatetiʼmo aliʼnae.

Galesiya 3:5

Lapakaemo Goti keʼaepa geʼamo akame nehayaʼmofeʼmo Gotiʼa agaiʼa Aunemeʼamo alino lapamige lapaipafiʼe lapaopaleʼeʼmo aune kavaʼmo huge nehifi Kalaisifeʼmo ava gemo afitetapa lapakesamo afita fatago nehaya kavatetiʼmo aune kavaʼmo nehiye.

Galesiya 4:21

Keʼaepa gemo afeʼalumelagamo maigune, hutapa nehaya vayaʼmogitapamo Moseseʼa avoʼmo kae maleʼniya keʼaepa gemo aepaʼamo oʼafiʼnafiye.

1 Timoti 6:4

ala vekamo maiʼnove, huno agesamo neʼafiya vekamoʼmo maiʼneno magoke yafeʼmo agesamo noʼafiye. Agaemo geletiʼmo kaveta hisiyafeʼmo hauʼnigeno hosu apaipa kafa hapaege kaveta huge huʼa faipa huʼa apatege hosu apaipa kaliʼa apatege nehaya kavaʼmo afole neʼaiye.

2 Timoti 3:7

Muki afinaʼmo gemo afige afige huʼa maiʼnayaʼmonanafa lama gemo afaʼa afiʼa aeto osugae.

Yemisi 3:1

Konagaʼnimogitapae, huʼna, fiku yanagetapa mukiʼamogitapamo, lagaemo yagaita apatesuna tisa vayaʼmo maigesune, hutapa hugae. Na kava hinagetapaene. Gotiʼa tisa vayaʼmogitamo lusi kava huno agoti huno lategaiyaʼmofeʼmae.

2 Pita 2:12

Gotiʼa afela afumo vayaʼmogi apamagisageʼa falisayafeʼmo alo huno apateʼniya afugana huʼa maiʼnae. Apakaemo oʼageʼnaya kavafeʼmo huʼapaeʼmo, hosu kavaʼmo haneʼniye, huʼa nehae. Huʼa huteʼa huʼa faipa huʼa neʼatayanageno Gotiʼa alino apagoʼya lagauno apatalegaiye.