1 Timoti 1:19 - The Keyagana NT and 25 OT books

¹⁹ Kamemo nehukaeʼmo kagesamo afika fatago huteka kagupi mafaʼnemo geʼamo afiyo. Mago vayaʼai apakupi mafaʼnemoʼmo, hosu kavaʼmo nehae, huno nehigeʼapaeʼmo noʼafigenoʼaeʼmo apakesamo afiʼa fatago huʼnaya kavaʼapimo alagi alino atagaeno neʼatale.

1 Timoti 1:19 ပူးပေါင်းရင်းမြစ်များ

Matiyu 6:27

Lapakaepatiʼmo ina laʼmo hausoli huteno agesa alaʼamo afiʼnisiyana afaʼa maisiyafeʼmo aise afinaʼmo magoʼe huno alino yatala huno ategaiye.

1 Kolitiyani 11:19

Fatago kavaʼmo nehaya vayaʼmogi afole yategamo afole aisayafeʼmo aliʼa fako huʼa apaote apaote huʼa maisaya agufa kavaʼmo haneʼniye.

Galesiya 5:4

Lapakaemo hutapaeʼmo, keʼaepa gemo akame nehuna kavatetiʼmo Goti aulagaleʼmo fatago vayaʼmo maigune, hutapa hisayana Kalaisiʼa ataletapa Gotiʼa fikumo lapa maeno nelapamiya kavategamo oʼmaitapa malaga vayaʼmo maiʼnae.

1 Timoti 1:5

Kagaemo hapa paisanageʼa afiteʼapaeʼmo hapau apayamopafiʼmo hapausiyafeʼmo hapa paiyo, huʼna ago kaha paiʼnove. Inagi hapau apayamopafiʼmo nehapaiya kavaʼmo yaveyave apaipafatiʼmo afole aige alagepa huno alino fako huno neʼapateya apakupi mafaʼnefatiʼmo afole aige lama ge huʼa apakesamo afiʼa fatago nehaya kavatetiʼmo afole aige nehiye.

1 Timoti 3:9

Alagepa huno agupi mafaʼnemo maiʼninageno lagesamo afita fatago nehuna gemo hogoteno alino fala ki maleʼneno henagaʼamo ago alino lave liʼnigeta ageʼnona geleʼmo atafauno alagi huʼneno akame nehisiya vekamo maigiye.

1 Timoti 6:12

Kagaemo alagepa kamemo apakesamo afiʼa fatago nehaya vayaʼmogi nehaya agufa kamemo huvo. Maige maige huka maisanafeʼmo keya aeno ge huʼniyanagi ani kavateʼmo atafauka alagi huka maiyo. Keya aeno ge huʼnigekaeʼmo kagaemo muki afiʼnaya vayaʼai apaulagaleʼmo hukaeʼmo, Yesufeʼmo nagesamo afiʼna fatago huʼnove, huka alagepa gemo ago hapa paiʼnane.

1 Timoti 6:21

Apakaemo huʼapaeʼmo, mani gemo akame nehune, huʼa nehaya geletiʼmo lagesamo afita fatago nehuna gemo atale uʼeʼa huʼa maiʼnae. Ani kavatefeʼmo maika halove huka maiyo. Gotiʼa fikumo lapa maeno lapamino. He, lama ge.

1 Timoti 6:9

Kagemi yaʼapiʼe vayaʼmo maisayafeʼmo hapauʼnisiya vayaʼmo apamalageka hisiya kateʼmo neʼvagenoʼaeʼmo hosu hapaʼye kavaʼapimoʼa aneʼaifiʼmo hegekana huno neʼapatafaigeʼa alagi asagauʼa neʼaiyanageʼa ata kopiʼmo uʼa lamiʼa maigae.

2 Timoti 2:18

Anakaemo alagepa kaʼmo atale uʼanaeʼmo, agaegiʼeʼmo ago he tiʼnonanageta falisunatetiʼmo halate he otigune, huʼana hapa paiʼnaʼageʼapaeʼmo mago vayaʼamogi apakesamo afiʼa fatago huʼnaya kavaʼapimo aliʼana ataleʼnaʼageno asagauno aiʼniye.

2 Timoti 4:4

Lama gelefeʼmo apakameʼya amiteʼa alagepa kaʼmo ataleʼa kaitene gegana agufa gemo afigae.

Taitasi 1:9

Apakaemo lama gemo aliʼa apaya maleʼnaya gemo afiteʼa atafauʼa alagi huʼa maiʼnisayana lokiya vaino neʼapateya geletiʼmo alagepa huʼa aliʼa apaya malege geʼapileʼmo huʼa aeʼa ati nekaya vayaʼai geʼapimo huʼa aeʼa agasege huʼa maigae.

Himulu 3:14

Hogoteta lokiya vaita lagesamo afitaeʼmo, lama gemo huʼniyanageno alagi afole aigiye, huta huteta oʼataleta atafauta alagi huta maime maime neʼutaeʼmo atupa afinaʼeʼmo ani kavakeʼmo huta maiʼnisunaʼmoʼmo Kalaisiʼa alita laipafiʼmo ateʼnonageno neʼmaiye.

1 Yoni 2:19

Apakaemo ago lataleʼa uʼnayaʼmonanafa vayatimo oʼmaiʼnae. Apakaemo lagaepatiʼmo maiʼnaesinana olataleʼa lagaeʼeʼmo magokepi lokaeʼa maiʼnaesine. Ani vayapatiʼmo mago vayaʼmogi vayatimo oʼmaiʼnae, huta apakesunafeʼmo ago lataleʼa uʼnae.

Leveleseni 3:10

Nagaemo huʼnaeʼmo, oʼataletapa atafauta alagi hutapa maime maime viyo, huʼna lapa paiʼnova geleʼmo yagaitapa ateʼnayaʼmofeʼmo yagaiʼna lapatesugeʼa muki ma mopafi vayaʼmogimo lapamalageka hisaya afinaʼmo faita kasalo paetapa afaʼa maigae.

Leveleseni 3:3

Haino metaleʼniyaʼmofeʼmo afitetapa aliʼnaya geeʼmo lapake okanitapa kanale huta akame hutetapa lapaipamo alita afe leyo. Lapaupatiʼmo he otiʼnisageʼnaeʼmo kumayaʼmo neʼaliya vekamo neʼeya kava huʼna fiku kesi katetiʼmo esugetapaeʼmo hainu afinaʼmo esufigetapa oʼnagegae.

Leveleseni 3:8

Nehaya kavatapimo ago lapakeʼnove. Ageyo, huʼna, Lapaulagaleʼmo ago kitamo yakiʼna lapateʼnovanageʼa mago vayaʼmogi eʼa kitamo kiʼa olapategae. Lapakeʼnovana lokiyatapimo aiseʼamo haneʼniyaʼmonanafa geʼnimo akame hutetapaeʼmo nagiʼnilefeʼmo oʼaliʼnone, hutapa hega oʼaeʼnageʼna lapakeʼnove.