1 Tesaloniyani 4:3 - The Keyagana NT and 25 OT books

³ Gotiʼa aote kavaʼmo hume hume neʼutapaeʼmo kumai kavafeʼmo maita halove hutapa atesayafeʼmo hauʼniye.

1 Tesaloniyani 4:3 ပူးပေါင်းရင်းမြစ်များ

Samu 143:10

Kagaemo Gotiʼnimogamo maiʼnanaʼmofeʼmo kahauʼniya kavaʼmo hisuvafeʼmo alika naya malo. Kaumekameʼmo alagepa aunemeʼmo maiʼnenoʼaeʼmo alagepa kateʼmo alino api aino nateno.

Samu 40:8

O Gotiʼnimogae, huʼna, keʼaepa gekamo naipafiʼmo haneʼniye. Kagaemo huvo, huka naha paiʼnana gekamo akame hisuvafeʼmo amuse huteʼna namogaga neʼauve.

Matiyu 12:50

Kokuʼnapi afoʼnimoʼmo hauʼniya kavaʼageʼmo nehaya vayaʼmo naganaʼnimogimo maige nasaʼnimogimo maige itaʼnimogimo maige huʼnae, huno hapa paiʼniye.

Matiyu 15:19

Apaipafatiʼmo afole neʼaiya kavaʼmo haneʼniyana hosu apakesa neʼafiya kavaʼmo hanege vayaʼmo nehapaya kavaʼmo hanege kumai kavaʼmo hanege aʼnemo apayate neʼaliya kavaʼmo hanege kumayaʼmo neʼaliya kavaʼmo hanege aigofe gemo nehaya gemo hanege huʼa faipa huʼa neʼapataya gemo hanege huʼniye.

Matiyu 5:32

Ani gemo huʼnayaʼmonanafa hemenimo nagaemo huʼnaeʼmo, mago vekamoʼmo aʼamoʼmo kumai kavaʼmo osuʼnisiya a kanomo ha faino ataleʼnisiyana kumai kavaʼmo hisiyafekeʼmo ha faino atalegaiye. Ani kava huno mago vekamoʼa ha faino ataleʼnisiya aʼmo aliʼnisiyana kumai kavakeʼmo hugiye.

Matiyu 7:21

Muki vayaʼmogimo nagaefeʼmo huʼapaeʼmo, ala kava nene, ala kava nene, huʼa nehaya vayaʼmogimo Gotiʼa yagaino neʼapateya koteʼmo afaʼa uʼa ohaigayaʼmonanafa kokuʼnapi afoʼnimoʼmo hauʼniya kavaʼageʼmo nehaya vayaʼageʼmo afaʼa uʼa haigae.

Maki 3:35

Gotiʼa hauʼniya kavaʼageʼmo nehaya vayaʼmo naganaʼnimogi maige nasaʼnimogi maige itaʼnimogimo maige huʼnae, huno hapa paiʼniye.

Yoni 4:34

Yesuʼa hunoʼaeʼmo, alino nateʼnigeʼna eʼnova vekamoʼmo hauʼniya kavaʼmo huʼna namiʼniya aliʼyaʼnimo aliʼna hano huʼna atesuva aliʼyaʼmo nagaemo neʼyaʼnigana huno haneʼniyaʼmofeʼmae.

Yoni 7:17

Ina lagimo Gotiʼa hauʼniya kavaʼmo hisayafeʼmo hapauʼnisifigeʼna aliʼna apaya neʼmalova geeʼmo huʼapaeʼmo Gotitegatiʼmo eʼnifi agaiʼa aipafatiʼmo nehifi huʼa afaʼa afigae.

Apa 15:20

Mago avoʼmo kaeta atalegaune. Avoʼmo kaetaeʼmo, Neʼyaʼmo aigofe gotiʼapimogi neʼapamiya neʼyaʼmo oʼneyo. Kumai kavaʼmo osiyo. Lugoʼafiʼmo nofi aesageno falisiya afumoʼa agufafatiʼmo kola osuʼnisiya afumo oʼneyo. Muki yaʼmo kolaʼamo oʼneyo, huta avoʼmo kaegaune.

Apa 15:29

Nehutaeʼmo, Neʼyaʼmo aigofe gotiʼapimogi neʼapamiya neʼyaʼmo oʼneyo. Lugoʼafiʼmo nofi aesageno falisiya afumoʼa agufafatiʼmo kola osuʼnisiya afumo oʼneyo. Muki yaʼmo kolaʼamo oʼneyo. Kumai kavaʼmo osiyo, huta nehune. Ani kavaʼmo osisayana kanale hugiye. Maitalafiye, huʼa avoʼmo kaeʼnae.

Apa 20:32

Konagaʼnimogitapae, huʼna, hemenimo nagaemo Gotiʼa yagaino lapatesiyafeʼmo ayapiʼmo lapateʼnove. Gotiʼa fiku hapa maeno neʼapamiya geʼaletiʼmo afaʼa alino lokiya vaino lapateteno hetamatapimo lapamiteno apaote vayaʼaʼeʼmo magokepi alino lokaeno lapategaiye.

Apa 26:18

Apakaemo nagaefeʼmo apakesamo afiʼa fatago hisageʼna hosu kavaʼapimo aliʼna atalesugeʼa Goti apaote vayaʼaʼeʼmo hetamaʼapimo aliteʼa magokepi lokaeʼa maisayafeʼmo kagaemo uka apaulagamo alika ayakeka apateteka hani huʼnisiya yategatiʼmo apayate alinika aika atagi nekeka ha le yategamo apategane. Sataniʼa yagaino neʼapateya kegiʼyafatiʼmo apayate alika apavalelikeka Gotiʼa neʼyagaiya kegiʼyafiʼmo apategane, huno naha paiʼniye, huno ha paiʼniye.

Lomu 1:29

Muki alu hosu kava alu hosu kavanagi kumai kavanagi alagepa osu kavanagi ma mopafi yafeʼmo hapaʼye nehiya kavanagi apaini huʼa neʼapataya kavanagi huno apaipafiʼmo havaiteʼniye. Apaipa kafa nehapaya kavanagi vayaʼmo kamitimo neʼapamagiya kavanagi kaveta nehaya kavanagi aigofe gemo nehaya kavanagi hosu apaipa nekaliya kavanagi huno apaipafiʼmo havai teʼniye.

Lomu 12:2

Ma mopafi vayakana hutapa oʼmaigenoʼao Gotiʼa saufa lapaipa lapakesaʼe vayaʼmo alino hamaleno lapateno. Lapakaemo ani kavatetiʼmo Gotiʼa hiyo, huno nehiya kavaʼmo amalageka hutapa agegae. Agetetapaeʼmo, alagepa kavaʼmo Gotiʼa hauʼniya kavaʼmogeno uno haino hapaiʼniya kavaʼmo haneʼniye, hutapa agegae.

Lomu 6:22

Aligayaʼmonanafa Gotiʼa hosu kavapatiʼmo ago hatu maeno lapateʼnigetapa Goti kalavusi aliʼyaʼamo neʼaliya vayaʼmo hamaleʼnayaʼmofeʼmo hemenimo lapaipafatiʼmo alagepa alagamo neʼaegetapaeʼmo lapaote vayaʼmo hamaleme hamaleme neʼvayanagetapa atupa afinaʼmo alagepa hutapa maige maige huta maigae.

1 Kolitiyani 1:30

Gotiʼa Kalaisi Yesupiʼmo faleno lapateʼnigetapa maiʼnae. Gotiʼa Kalaisiʼmo alino hamaleno ateʼniyanageta Gotitegatiʼmo ageteta afisuna agufa kavaʼmo hamaleʼniye. Ina kava huno Kalaisiʼa Goti aulagaleʼmo fatago vayaʼmo maisunafeʼmo fatago kavatimo maiʼniyanageno hemenimo magoʼe magoʼe huno alino alagepa huno nelateyanageno muki hosu kavapatiʼmo lagufamo alino katino lategaiye.

1 Kolitiyani 7:2

Haneʼniyaʼmonanafa kumai kavaʼmo lusi kava huno afole neʼaiyaʼmofeʼmo muki magoke magoke ve anagaʼmogimo apakaiʼapi aʼapigeʼmo alisageʼa muki magoke magoke aʼne anagaʼmogimo apakaiʼapi anauʼapimogitekeʼmo maisageʼa hisaya kavaʼmo haneʼniye.

2 Kolitiyani 12:21

Fiku yanageʼna halate lapakaetegamo visugenoʼaeʼmo Gotiʼnimoʼmo lapaulagaleʼmo navagage yaʼmo namigiye. Hogotetapa asole vayaʼmogitapamo kavatapileʼmo oʼyagaitapa oʼaniʼya kavaʼmo huge kumai kavaʼmo huge afela afugana hutapa hosu lapaʼye huge hutapa maiʼnisaya vayaʼmogitapamo halate lapaipamo alita afe oleʼnisayana yulagefaʼmo aiguve.

Galesiya 5:19

Muki vayaʼmogimo atafa apaipa apakesamoʼmo hauʼniya kavaʼmo ago ageʼnae. Ani kavaʼmo haneʼniyana veʼalavefatiʼmo kumai kavaʼmo huge mafaʼnefatiʼmo kumai kavaʼmo huge oʼaniʼya kavaʼmo huge apavagage osigeʼa kalamogi nehaya agufa kavaʼmo huge nehae.

Efasasi 5:17

Inagi negi nagi vayaʼmo oʼmaitapa Ala kava neʼmo hauʼniya kavafeʼmo kahauya hutapa ageyo.

Efasasi 6:6

Aliʼyaʼmo afoʼamogi apaulagaleʼmo maiʼnetapaeʼmo amuse huʼa lapatesayafeʼmo geʼapimo oʼafitapa Kalaisi aliʼyaʼamo neʼaliya vayaʼmo maiʼnayaʼmofeʼmo Gotiʼa hauʼniya agufa kavaʼmo hutapa lapaipafatiʼmo geʼapimo afiyo.

Kolosi 1:9

Ani kavaʼmo hutapa maiʼnayaʼmofeʼmo afiʼnona afinatetiʼmo oʼataleta nunumuʼmo huta lapateme lapateme eta maiʼnone. Lagaemo, Apakaemo kahauʼnisiya kavaʼmo hisayafeʼmo kaunekameʼmoʼa alino apaya malenageʼa alagepa huʼa apakesamo afiteʼa ageʼa aeto nehaya kavaʼmo apaipafiʼmo havai teno, huta nunumuʼmo nehune.

Kolosi 3:5

Aligayaʼmofeʼmo ma mopafi haneʼniya lapakufafiʼmo alu ya alu yatapiletiʼmo nehaya kavaʼmo amagita falita ataleyo. Kumai kavanagi oʼaniʼya kavanagi hosu lapaipa nekaliya kavanagi hosu kavafeʼmo lapaka neteya kavanagi ma mopafi yafeʼmo lapaʼye nehiya kavanagi hutapa amagitapa falita ataleyo. Ma mopafi yafeʼmo hapaʼye nehisiya vayaʼmogi aigofe gotitefeʼmo mono nehae.

Kolosi 4:12

Epafalasiʼa lapakaepati vekamoʼmo Kalaisi aliʼyaʼmo neʼaliya vekamoʼmo ge lapamamaeʼniye. Lapakaemo alopa Kalisitini vayaʼmo hamaletetapa oʼataleta lokiya vaita maiʼnetapa Gotiʼa hauʼniya kavaʼmo agetetapa akame hisayafeʼmo lusi kava huno nunumuʼmo huno nelapate.

1 Tesaloniyani 4:2

Ala kava neʼmo Yesutetiʼmo mani kavaʼmo hiyo, huta huʼnona gemo ago afiʼnae.

1 Tesaloniyani 4:4

Lapakaemo Gotitegamo alagepa kavaʼmo huge vayaʼaitegamo alagepa kavaʼmo huge nehutapaeʼmo lapamete lapamete hutapa atapimo aliyo.

1 Tesaloniyani 5:18

Muki agufa kavatefeʼmo Gotifekeʼmo hao ke heyo. Kalaisi Yesupiʼmo maiʼnetapaeʼmo ani kavaʼmo hisayafeʼmo Gotiʼa hauʼniye.

1 Tesaloniyani 5:23

Gotiʼa agaeʼeʼmo magokepi alino lokaeno lateteno laipamo alino falu huno nelateya vekamoʼmo alino alagepa huno lapateʼniyanagi alagi lapaoteʼmo maiyo. Agaemo muki lapaunelapametenagi lapagupi mafaʼnelenagi lapakufalenagi huno yagaino lapateʼnisigeno Ala kava netimo Yesu Kalaisiʼa eminesiya afinaʼmo mago hosu kavatapimo ohaneʼnisigeno vaiʼmo olapamino.

2 Tesaloniyani 2:13

Ala kava neʼmoʼa hau ayamopafiʼmo hauʼniya konagatimogitapae, huta, Gotiʼa aepa faiʼniya afinatetiʼmo lekana paino lapateʼniye. Aunemeʼamoʼmo alino lapaote lapatesigetapa lama geʼaeʼmo lapakesamo afita fatago hisageno Gotiʼa lapakufamo alino katino lapatesiyafeʼmo lekana paino lapateʼniyaʼmofeʼmo muki afinaʼmo Gotifeʼmo hao ke heta lapatesuna kavaʼmo haneʼniye.

Taitasi 2:14

Agaemo muki keʼaepa gemo amagita ataleʼnona kavategatiʼmo miya faino hatu maeno latetenoʼaeʼmo hosu kavatimo aeno kalo paeno lateʼnigeta agaiʼa vayaʼamo maiʼneta layamukiki huta alagepa kavaʼmo huta maisunafeʼmo agaiʼa agufaʼamo ofalinigana huno Gotina amiʼniye.

Himulu 10:36

Lapakaemo Gotiʼa hauʼniya kavaʼmo hutetapa lapamiguve, huno huʼniya yaʼmo alisayafeʼmo atafauta alagi hiyo.

Himulu 12:16

Isoʼa kumai kavaʼmo huge mono osuno aote kavafeʼmo, afa kavaʼmo haneʼniye, huno huge huʼniye. Isokana huno maiʼnisiya vekamo lapakaeʼeʼmo oʼmaisiyafeʼmo kava yagaitapa maiyo. Isoʼa yege mafaʼnemo maiʼniyaʼmonanafa aise neʼyaʼmo miya faisiyafeʼmo yege mafaʼnemogi neʼaliya yaʼmo ha maesiya yaʼamo maketi huno fiku ago ataleʼniye.

Himulu 13:21

Muki alagepa kavafeʼmo kahauʼnisiya kavaʼmo hisayafeʼmo alagi alika alagepa huka apato. Yesu Kalaisitetiʼmo apaipafiʼmo aliʼyaʼmo aligeʼapao kahauʼnisiya kavaʼmo hiyo. Kagikaleʼmo alita asaga huta katesunageka ala kagi vekamo maige maige huka maiyo. He, lama ge.

Himulu 13:4

Muki vayaʼmogimo aʼmo alige veleʼmo maige nehaya kavaʼmoʼa oʼaniʼya kavaʼmo ohaneʼnifa ala agi kavaʼmo haneʼniye. Haneʼniyaʼmonanafa Gotiʼa kumai kavaʼmo nehaya vayaʼe yafaʼmo nehavaya vayaʼeʼmo agoti huno apategaiye

1 Pita 1:2

Gotiʼa muki yaʼmo afoʼamoʼmo lapaketenoʼaeʼmo, mafaʼneʼnimo maigae, huteno lekana paino lapateʼniye. Aunemeʼamoʼmo lapakaemo Yesu Kalaisifeʼmo ava gemo afitetapa akame hisageno Yesu Kalaisi kolaʼaletiʼmo aino fuli fuli huno faleno lapatesiyafeʼmo alino lapaote vayaʼamo lapateʼniye. Lusi kava huno fikumo lapa maeno lapamisaʼageno lapaipamoʼmo falu hino.

1 Pita 4:2

Apakaemo hosu kavaʼapimo ago ataleʼnayaʼmofeʼmo ma mopafiʼmo maime maime neʼeʼapaeʼmo hapaʼye nehiya kavaʼmo ataleʼa Gotiʼa hauʼniya kavakeʼmo akame hisaya kavaʼmo haneʼniye.

1 Yoni 2:17

Ma mopafi kavaʼe ma mopafi kavafeʼmo hapaʼye nehiya kavaʼeʼmo ago hano hugefeʼmo nehiyanageno alagi hano hugiyaʼmonanafa Goti geʼamo akame nehaya vayaʼmo maige maige huʼa maigae.

Leveleseni 21:8

Maigayaʼmonanafa vayaʼaifeʼmo koli huteʼa Goti geʼamo neʼatalaya vayanagi apakesamo afiʼa fatago nosaya vayanagi alagi faipa vayanagi vayaʼmo neʼapamagiya vayanagi kumai kavaʼmo nehaya vayanagi Satani himamuʼaletiʼmo noʼagaya agufa apaune kavaʼmo nehaya vayanagi aigofe gotiʼapimogitefeʼmo mono nehaya vayanagi muki agufa aigofe gemo nehaya vayanagi huʼa ata kotuʼmo sofa yafapiʼmo neleya ata kotupiʼmo maigae. Ata kotupiʼmo maisaya kavaʼmo agiʼamo napa tu afinaʼmo falisaya kavaʼmae.

Leveleseni 22:15

Negayaʼmonanafa kalagana vayanagi Satani himamuʼaletiʼmo noʼagaya agufa aune kavaʼmo nehaya vayanagi kumai kavaʼmo nehaya vayanagi vayaʼmo neʼapamagiya vayanagi aigofe gotiʼapimogitefeʼmo mono nehaya vayanagi muki vayaʼmogimo aigofe kavafeʼmo hapauʼnigeʼapaeʼmo aigofe gemo nehaya vayanagi huʼa ani taonimo malagamo maigae.