1 Tesaloniyani 2:9 - The Keyagana NT and 25 OT books

⁹ Konagatimogitapae, huta, alagepa faigoko gemo aeta hakalo huta lapa paita maiʼnetaeʼmo laha maetapa kana yaʼmo oʼalisayafeʼmo felugaʼe haniʼilagaʼeʼmo lokiya vaita aliʼyaʼmo aliʼnonagetapa ago lageʼnae.

1 Tesaloniyani 2:9 ပူးပေါင်းရင်းမြစ်များ

2 Kini 6:2

Kahao ke honanagi, lagaemo afaʼa lategeta uta Yoneni anitegamo yosamo heʼya aiteta mukiʼamogitamo magoke magoke yosamo kofilituta Yoneni ani haigifiʼmo saufa notimo kigune, huʼa ha paiʼnagenoʼaeʼmo, Kanalenagi lapakaemo ani kavaʼmo hiyo, huno hapa paiʼniye.

Samu 32:4

Ani kava huʼna maiʼnogekaeʼmo felugaʼe haniʼilagaʼeʼmo kana yaʼmo alika namiʼnanagenoʼaeʼmo amuko nehiya afinaʼmo aniʼmo leno nelaneya kava huno lokiyaʼnimo ago hano huʼniye.

Mai'naya kavane 31:18

Alagepa yaʼmo alo huteno haniʼilagamo aliʼyaʼmo neʼaliye.

Luki 18:7

Gotiʼa lekana paino apateʼniya vayaʼmogi muki felugaʼaʼe haniʼilagaʼaʼeʼmo aukaya huʼa ge huʼa afige afige nehisagenoʼaeʼmo ani kavaʼmo huno afiteno alino fako huno apateteno afaʼa hapa oʼmaegaifiye. Yatala afinaʼmo apakava maisiyaʼmoʼmo afaʼa hapa maegaiye.

Luki 2:37

Muki afinaʼmo alopa mono nopiʼmo maiʼnenoʼaeʼmo muki netepiʼe hanipiʼeʼmo Gotifeʼmo mono huge nunumuʼmo huge neʼyaʼmo mo sige huno maiʼniye.

Apa 18:3

Ani yalavelaʼmo mago selimo miya faili uʼa noʼmo kisaya yaʼmo nefakaniʼa yalavelaʼmo maiʼnaʼageno Poloʼa ani agufa aliʼyaʼmo neʼaliya vekamo maiʼniyaʼmofeʼmo anakaeʼeʼmo magokepi ani aliʼyaʼmo lokaeno alino maiʼniye.

Apa 20:24

falisuva kavaʼmo ina agufa kavaʼmogeʼna nagesa oʼafiʼnove. Gotiʼa fiku hapa maeno neʼapamiya gemo Ala kava neʼmo Yesufeʼmo alagepa faigoko geʼamo aeʼna hakalo huʼna hapa paisuva aliʼyaʼamo namiʼniye. Nagaemo ofaliʼna afaʼa maisuvafeʼmo ataleʼna maiʼna halove huʼna maiguve, huʼna nagesa noʼafufa namiʼniya aliʼyaʼnimo aliʼna hano huʼna atesuvafeʼmo nagu nagu huʼna uʼna atupaleʼmo avaʼyi huteʼna namogaga aiguve, huʼna nagesamo neʼafuve.

Apa 20:31

Ani kavaʼmo hugayaʼmofeʼmo alagepa hutapa yagaiʼnetapa huʼnova geeʼmo lapakesamo afiyo. Loleʼe magoʼe kafugafiʼmo felugaʼe haniʼilagaʼeʼmo naulagafatiʼmo naunumo uno nelamigeʼnaeʼmo mukiʼamogitapaeʼmo, ehetapiye, huʼna lapa paime lapa paime eʼnove.

Lomu 1:1

Nagaemo Poloʼnamo Yesu Kalaisi aliʼyaʼamo neʼaluve. Agaemo apa vekaʼamo maiʼneʼna Goti alagepa faigoko geʼamo aeʼna hakalo huʼna hapa paisuvafeʼmo ago lekana paino natetenoʼaeʼmo nagaefeʼmo keya aeno ge huʼniye.

Lomu 15:16

Mono huʼa neʼapataya vayaʼmogimo Gotiʼmo ofalinimo neʼamiya kava huʼna alagepa faigoko geʼaletiʼmo aliʼyaʼmo neʼaliʼnaeʼmo alu nofi vayaʼmo apavaleliʼna eʼna ani ofalinimo Gotiʼmo amigesuve. Aote Aunemeʼamoʼmo apavaleno apaote apatesigeʼa alagepa ofalinieʼmo Gotiʼa amuse hisiya agufa ofalini yakana huʼa maisageʼna amiguve.

Lomu 15:19

Nagaemo Goti Aunemeʼamo himamuʼaletiʼmo noʼagaya agufa lokiya naune kavaʼmo huteʼnaeʼmo aliʼyaʼamo aliʼnove. Nagaemo Kalaisifeʼmo alagepa faigoko geʼamo aeʼna hakalo huʼna hapa pailiʼna uʼneʼna huliʼna Yulusalemu haopalegatiʼmo eʼna muki Ililikamu kotega haopalegamo uʼna hapa paiʼna hano huʼnove.

1 Kolitiyani 4:12

Neʼyatimo nesuna yaʼmo alisunafeʼmo lokiya aliʼyaʼmo neʼalune. Huʼa faipa huʼa nelatagetaeʼmo, Gotiʼa lahapa maeno, huta nehune. Apaini huʼa nelatagetaeʼmo afaʼa maiʼnone.

1 Kolitiyani 9:15

Huʼniyaʼmonanafa muki yaʼmo alisuvafeʼmo himamuʼniletiʼmo afaʼa oʼaliʼnove. Hemenimo lapakaetegatiʼmo mago yaʼmo fikumo alisuvafeʼmo mani avoʼmo nokaove. Aliʼyaʼniletiʼmo nagufale yaʼmo fikumo alisuvafeʼmo oʼnahauʼniyanageʼna hogoteʼna faliteʼnaekeʼmae. Aliʼyaʼniletiʼmo nagufale yaʼmo noʼaluvaʼmofeʼmo amuse nehuve. Fiku yanageno mago vekamoʼmo amuse nehuva geʼnimo aeno ati kaegaiye.

1 Kolitiyani 9:18

Inagi miyaʼnimo na agufa yaʼmo haneʼniye. Miyaʼnimo noʼaluvaʼmonanafa aliʼyaʼniletiʼmo alisuva himamuʼnilefeʼmo nagufale yaʼmo oʼaliʼna alagepa faigoko geʼamo fikumo aeʼna hakalo huʼna hapa nepauva kavakeʼmo miyaʼnimo haneʼniye.

1 Kolitiyani 9:4

Goti aliʼyaʼamo neʼaluvaʼmofeʼmo aliʼyaʼniletiʼmo lapakaemo neʼyaʼe aniʼeʼmo fikumo namisaya himamuʼnimo ohaneʼnifiye.

2 Kolitiyani 11:27

Lusi aliʼyaʼmo alige alaga nahaege asole afinaʼmo nau okalege naga tege anifeʼmo nahauge asole afinaʼmo neʼyaʼmo oʼnege yasimo nahauge kukenaʼnimo ohanege huʼna maiʼnove.

2 Kolitiyani 11:9

Lapakaeʼeʼmo maiʼneʼnaeʼmo mago yafeʼmo kafu huʼnaeʼmo naha maetapa namisayafeʼmo kana yaʼmo aliʼna olapamiʼnove. Masetoniya kotega konagaʼnimogi ohaneʼniya yaʼmo alini eʼa namiʼnae. Muki yaʼaleʼmo naha maetapa yagaita natesayafeʼmo kana yaʼmo aliʼna olapamiʼnovanageʼna kana yaʼmo aliʼna olapamiguve.

2 Kolitiyani 6:5

Vayaʼmogi lamagige kalavusi huʼa latege apano aeteʼa apavamusa gemoʼmo huge huʼnae. Lokiya aliʼyaʼmo aliʼnonageno alagaʼmo lahaege lau okalege neʼyaʼmo oʼnege huʼnone.

Filipai 4:16

Lapataleʼna uʼna Tesalonaika taonifiʼmo maiʼnogetapaeʼmo magoʼe yaʼmo muki afinaʼae afinaʼaeʼmo naha maetapa namiʼnae.

1 Tesaloniyani 1:3

Lapakesamo afita fatago huʼnetapaeʼmo alagepa kavaʼmo nehae. Lapau lapayamopafiʼmo lapauʼnigetapaeʼmo lokiya aliʼyaʼmo neʼaliye. Ala kava netimo Yesu Kalaisifeʼmo agava maiʼnetapa lapavayagunagu nehutapaeʼmo oʼataletapa atafauta alagi hutapa neʼmaiye. Lagaemo Afotimo Goti aulagaleʼmo ani kavatapieʼmo lagesamo afitetaeʼmo muki afinaʼmo olapataleta nunumuʼmo huta nelapatone.

1 Tesaloniyani 2:2

Lapakaemo ago afiʼnayana Filipai taonifiʼmo nagaeʼe Silivenisiʼeʼmo uʼnoʼageʼapaeʼmo lusi kava huʼa laʼamagiʼnayaʼmonanafa lapakaetegamo uʼnoʼae. Laʼagaeʼe Timotiʼeʼmo uta maiʼnonageno Gotiʼa laha maeno lokiya vaino lateʼnigeʼapaeʼmo mago vayaʼmogi lusi kava huʼa kame huʼa lateʼnayaʼmonanafa koli osuta Gotitegati alagepa faigoko geʼamo aliniteta aeta hakalo huta lapa paiʼnone.

1 Tesaloniyani 2:6

Lagaemo lapakaemofi muki alu vayaʼmogimofi huʼa lagitileʼmo aliʼa asaga huʼa latesayafeʼmo mago kavaʼmo osuʼnone. Kalaisi apa vayaʼamo maiʼneta lokiyaʼamo aliʼnonaʼmofeʼmo lapakaefeʼmo hutaeʼmo, ani yaʼmo lamiyo, huta huge mani aliʼyaʼmo alitapa lateyo, huta huge hisuna gemo afaʼa haneʼniyaʼmonanafa osuʼnone.

1 Tesaloniyani 3:10

Lagaemo uta lapa maeta lapakesamo afita fatago huʼnaya kavatapimo alita kosita atesunafeʼmo muki afinaʼmo felugaʼe haniʼilagaʼeʼmo laipafiʼmo nunumuʼmo huta nelapatone.

1 Timoti 1:11

Mani gemo alagepa faigoko gemo haneʼniyana aliʼa auleʼa neʼataya Goti geʼamo ha le konali faigoko geʼamo haneʼniye. Gotiʼa mani geleʼmo yagaiʼna atesuvafeʼmo namiʼnigeʼna alinineʼna aeʼna hakalo huʼna hapa nepauve.

1 Timoti 4:10

Ani gelefeʼmo aliʼyaʼmo neʼalune. Gotiʼa muki vayaʼmo hapa neʼmaeyaʼmonanafa apakesamo afiʼa fatago nehaya vayaʼai apakufamo alino katino apateteno hapau neʼvaiya vekaeʼmo alita amufa amiʼnonaʼmofeʼmo huʼa faipa huʼa nelatagetaeʼmo aliʼyaʼamo neʼalune.

1 Timoti 5:5

Apakaiʼapigeʼmo maiʼnisaya kogu aʼne anagaʼmogimo Gotifeʼmo aliʼa amufa amiteʼapaeʼmo nunumuʼmo huʼa apatege felugaʼe haniʼilagaʼeʼmo nunumuʼmo huge huʼa neʼmaiye.

2 Timoti 1:3

Naginago vayaʼmogi Gotitefeʼmo mono aliʼyaʼmo aliʼnaya kava huʼna nagupi mafaʼnemoʼmo hosu kavaʼmo hane, huno nosigeʼnaeʼmo mono aliʼyaʼmo neʼaluve. Ani kava huʼna kagaefeʼmo nagesamo afiteʼnaeʼmo Gotifeʼmo muki afinaʼae afinaʼaeʼmo okataleʼna felugaʼe haniʼilagaʼeʼmo hao ke heʼna nunumuʼmo nehuve.