1 Samiyo 9:16 - The Keyagana NT and 25 OT books

¹⁶ Egamo mani agufa kanaleʼmo nagaemo mago vekamo Menisameni nofi vayapatiʼmo aliʼna atesugeno kagaetegamo egaiye. Kagaemo Isaleli vayaʼnileʼmo yagaino apatesiyafeʼmo uvelimo lakika atesanageno agaemo vayaʼnimo Filisatini vayaʼai apayapatiʼmo apakufamo alino katino apategaiye. Vayaʼnimogimo nagaefeʼmo keya aeʼa ge huʼnayaʼmofeʼmo hapa maesuvafeʼmo apakeʼnove, huno ha paiʼniye.

1 Samiyo 9:16 ပူးပေါင်းရင်းမြစ်များ

Samu 106:44

Ani kavaʼmo huʼa maiʼnayaʼmonanafa agaefeʼmo keya aeʼa ge huʼnageno hau huno apateʼniye.

Samu 25:18

Kana yaʼmo alige nagafu kige huʼna maiʼnisugeka nagetekaeʼmo muki hosu kavaʼnimo alika atalo.

Mai'naya kavane 16:9

Vayaʼmogimo hisaya kavafeʼmo apakesamo neʼafiyaʼmonanafa Ala kava neʼmoʼa agaiʼageʼmo alino ho huno neʼapate.

1 Samiyo 10:1

Inagi Samiyoʼmo mago aise olivi uvelimo alino Solo agenopafiʼmo lakino ateteno haeno netenoʼaeʼmo ina gemo huno ha painoʼaeʼmo, Ala kava neʼmoʼa agaiʼa vayaʼaiteʼmo yagaika apatesanafeʼmo lekana paino kateʼniyaʼmofeʼmo uvelimo lakiʼna kateʼnove, huno ha paiʼniye.

1 Samiyo 14:20

Afaʼa ato, huno hutegeʼa Soloʼe ati vayaʼaʼeʼmo aliʼa anupa huteʼa kamemo hisayafeʼmo uʼnae. Apakaemo Filisatini vayaʼmo apakeʼnayana vayatimo maiʼnafi kame vayatimo maiʼnafi huʼa apakeʼa aeto osuʼnayaʼmofeʼmo apakaiʼapi apakaiʼapimo kame huʼnae. Oʼapakesaya agufa alopa kavaʼmo afole aiʼniyaʼmofeʼmo malage huʼa ika ika huteʼa kamemo huʼnae.

1 Samiyo 14:23

Apavegala aeliʼuʼa Meti Eveni taonifilagamo akame huʼa huʼnae. Ani afinaʼmo Ala kava neʼmoʼa ani kavatetiʼmo Isaleli vayaʼai apakufamo alino katino apateʼniye.

1 Samiyo 15:1

Samiyoʼmo Solofeʼmo ina ge huno ha painoʼaeʼmo, Ala kava neʼmoʼa Isaleli vayaʼaleʼmo kini vekamo maiʼneka yagaika apatesanafeʼmo alino nateʼnigeʼna uʼna uvelimo faleʼna kateʼnove. Kateʼnovaʼmofeʼmo hemenimo kagaemo Ala kava neʼmo geʼamo afiteka akame huvo.

1 Samiyo 16:1

Ala kava neʼmoʼa Samiyofeʼmo ina gemo hunoʼaeʼmo, kagaemo na magi afinaʼmo Solofeʼmo yulagefa aime aime ugane. Nagaemo nakameʼyamo amiʼnovanageno Isaleli vayaʼaiteʼmo kini vekamo magoʼe huno oʼmaigiye. Keʼmo alika olivi uvelimo he fika aliteka Yesiʼmo mago Metelehamu taonifi vekalegamo uvo. Yesi mafaʼne anagapatiʼmo nagaiʼnilefeʼmo kini vekamo aliʼna ha maleʼna ateʼnove, huno ha paiʼniye.

1 Samiyo 16:3

Huka hapa paiteka Yesifeʼmo hukaeʼmo, Ofalinimo hisuvategamo eno, huka ha paiyo. Inagi esigekaeʼmo kagaemo na agufa kavaʼmo hisapigeʼna nagaemo kaha paiguve. Kagaemo agi aesuva vekamo agenopafiʼmo uvelimo lakika ategane, huno ha paiʼniye.