1 Samiyo 7:6 - The Keyagana NT and 25 OT books

⁶ Inagi apakaemo eʼa Misipa taonifiʼmo aliʼa anupa huʼa maiʼneʼa kelifatiʼmo aniʼmo hefiʼa Ala kava neʼmo ani aniʼmo ofalinimo amigekana agufa kavaʼmo huʼa mopafiʼmo lakiʼnae. Apakaemo neteʼe uneʼeʼmo neʼyaʼmo oʼneʼa mosiʼa maiʼneʼa ina gemo huʼapaeʼmo, Ala kava netegamo hosu kavaʼmo huʼnone, huʼa huʼnae. Samiyoʼmo Misipa taonifiʼmo Isaleli vayaʼaiteʼmo yagaino apateʼniye.

1 Samiyo 7:6 ပူးပေါင်းရင်းမြစ်များ

Aepa Gemae 31:49

Lepaniʼa hunoʼaeʼmo, Ala kava neʼmoʼa laʼaote laʼaote hutaʼa maisuʼa afinaʼmo kavatiʼaleʼmo alagepa huno yagaiʼneno laʼagegaiye, huno huʼnigeʼa mago alu agiʼamo Misipa yafa aluve, huʼa ateʼnae.

2 Sitoli 20:3

Kini vekamo Yihosafatiʼa ani gemo afitenoʼaeʼmo koli huʼniye. Agaemo lokiya agesamo afinoʼaeʼmo Ala kava neʼmoʼa hauʼniya kavaʼmo kahauya huno agesiyafeʼmo muki Yu vayaʼmo maiʼnaya kotegamo ge huno atalegeno uʼniya gemoʼmo neʼyaʼmo mo siʼnetapa Ala kava nefeʼmo nunumuʼmo hiyo, huno huʼniye.

Samu 106:6

Laginago vayaʼmogimo hosu kavakeʼmo huʼa maiʼnaya kava huta hosu kavakeʼmo huta maiʼnone.

Samu 119:136

Vayaʼmogimo keʼaepa gekamo akame nosayaʼmofeʼmo lusi kava huno naunumo uno nelamiye.

Samu 42:3

Apakaemo huʼa faipa huʼa nateteʼapaeʼmo Gotikamoʼmo haiyate maiʼniye, huʼa hute hute huʼnageʼnaeʼmo felugaʼe haniʼilagaʼeʼmo neʼyaʼmo oʼneʼna aviʼyaʼmo huge huge huʼna neʼmauve.

Samu 6:6

Yulagefa neʼaugenoʼaeʼmo lusi kava huno alagaʼmo neʼnahae. Muki haniʼilagamo hipaʼnileʼmo havaeʼnogenoʼaeʼmo naunuʼmoʼmo hipaʼnileʼmo uno lamiʼnigenoʼaeʼmo lanitani nehiye.

Samu 62:8

Vayaʼmogitapae, huʼna, muki afinaʼmo agaefekeʼmo alita amufa amiyo. Lapaipafatiʼmo aniʼmo lakigekana hutapa nunumuʼmo hutapa ha paiyo. Lagaetegamo hosu kavaʼmo afole neʼaigetaeʼmo Gotipiʼmo alagepa huta fala kita neʼmaune.

Luki 15:18

Ataleʼna he tiʼna afoʼnimotega uʼnaeʼmo, Afo, huʼna, Gotitegamo hosu kavaʼmo huteʼna kagaetegaʼeʼmo hosu kavaʼmo huʼnovanagi

1 Samiyo 1:15

Hanaʼmo geʼaleʼmo aeno atagaina hunoʼaeʼmo, Ala vekae, huno, nagaemo negi nagi nosuve. Nagaemo nofi alagafati aniʼmo oʼnege miya aniʼmo oʼnege huʼnove. Haʼao, naipamoʼmo kana nehiyaʼmofeʼmo Ala kave nefeʼmo kana aliʼnova yaʼnimo aeʼna hakalo huʼna nunumuʼmo nehuve.

1 Samiyo 10:17

Inagi Samiyoʼmo muki Isaleli vayaʼmo eʼa Misipa taonifiʼmo Ala kava neʼmo aulagaleʼmo aliʼa anupa hisayafeʼmo keya aeno ge huʼniye.

1 Samiyo 12:10

Kame hapaeʼnageʼa Isaleli vayaʼmogi Ala kava nefeʼmo keya aeʼa ge huʼapaeʼmo, Lagaemo kagaemo kataletuta aigofe gotigimo Meligitefenagi aʼne gotigimo Asatalotigitefenagi huta monoʼmo huʼnonaʼmofeʼmo hosu kavaʼmo huʼnone. Hosu kavaʼmo huʼnonaʼmonanafa kame vayatimogi apayapatiʼmo lagufamo alika katika lategetao kagaetefeʼmo mono huteta aliʼyakamo aligune.

1 Samiyo 7:15

Samiyoʼmo Isaleli vayaʼaiteʼmo yagaino apateme apateme uno agaemo faliʼniye.