1 Samiyo 7:5 - The Keyagana NT and 25 OT books

⁵ Samiyoʼmo hunoʼaeʼmo, Muki Isaleli vayaʼmo eta Misipa taonifiʼmo alita anupa hutapa maiʼnigeʼnao Ala kava nefeʼmo nunumuʼmo huʼna lapategauve, huno hapa paiʼniye.

1 Samiyo 7:5 ပူးပေါင်းရင်းမြစ်များ

Aepa Gemae 20:7

Ani kava huʼniyaʼmofeʼmo hemenimo alika ategeno anauʼamotegamo vino. Agaemo aune gemo nehiya vekaʼnimo maiʼniyanageno nagaefeʼmo nunumuʼmo huno katesigeka ofaligane. Ani a kanomo anauʼamotegamo alika atesanageno oʼvisiyaʼmoʼmo kagaikaʼe vayakaʼeʼmo ago alagi faligune, huka kagesamo afiyo.

Aepa Gemae 31:49

Lepaniʼa hunoʼaeʼmo, Ala kava neʼmoʼa laʼaote laʼaote hutaʼa maisuʼa afinaʼmo kavatiʼaleʼmo alagepa huno yagaiʼneno laʼagegaiye, huno huʼnigeʼa mago alu agiʼamo Misipa yafa aluve, huʼa ateʼnae.

1 Samiyo 10:17

Inagi Samiyoʼmo muki Isaleli vayaʼmo eʼa Misipa taonifiʼmo Ala kava neʼmo aulagaleʼmo aliʼa anupa hisayafeʼmo keya aeno ge huʼniye.

1 Samiyo 12:17

Lapakaemo ago ageʼnayana hemenimo vitimo ago leʼnigeta nehatagauna afinaʼmogeno koʼmo noʼaiya afinaʼmae. Haneʼniyaʼmonanafa hemenimo Ala kava nefeʼmo keya aeʼna ge hisugeno hiyapatiʼmo hakalu huteno koʼmo alino atalesigeno ailino eminegaiye. Lapakaemo ani kavaʼmo ageteta afigayana Ala kava nefeʼmo mago kini vekatimo lamiyo, hutapa ge huta afi geʼnaya afinaʼmo Ala kava neʼmo aulagaleʼmo alopa hosu kavaʼmo huʼnone, hutapa agegae.

1 Samiyo 12:23

Nagaiʼnieʼmo huʼnaeʼmo, Fiku yanageʼna magoʼe huʼna nunumuʼmo huʼna olapatesuvaʼmoʼmo Ala kava netegamo hosu kavaʼmo huguve. Nagaemo alagepa kavaʼe fatago kavaʼeʼmo hisayafeʼmo aliʼna lapaya malegauve.

1 Samiyo 7:12

Inagi Samiyoʼmo mago alopa yafaʼmo alino Misipa taoniʼe Seni koʼmoʼe folagapiʼmo ani yafaʼmo faino atetenoʼaeʼmo mani yafaʼmo agiʼamo Emanisa yafane, huʼna ateʼnove. Ala kava neʼmoʼa laha maeme laha maeme eno manileʼmo laha maeʼniye. Ani yafaʼmo agimo aepaʼamo laha maeʼniya yafane, huno ateʼniye.

1 Samiyo 7:16

Agaemo kafugaʼae kafugaʼaeʼmo noʼamo ataleno uno Meto taonifinagi Giligo taonifinagi Misipa taonifinagi huno uneno huno Isaleli vayaʼmogi agoti geʼapimo afiteno alino api aino apateʼniye.

1 Samiyo 7:4

Inagi Isaleli vayaʼmogimo Samiyoʼa huʼniya gemo afiteʼapaeʼmo aigofe goti aunemeʼamo Meliʼmo aliʼa atalege Asataloti auneʼamo aliʼa atalege huteʼa Ala kava nefekeʼmo mono huʼnae.

1 Samiyo 8:6

Ha paiʼnayaʼmonanafa Samiyoʼmo afigeʼnaya geʼapilefeʼmo amuse osuʼniyaʼmofeʼmo Ala kava nefeʼmo nunumuʼmo huʼniye.