1 Samiyo 7:10 - The Keyagana NT and 25 OT books

¹⁰ Samiyoʼmo ofalinimo nehigeʼapaeʼmo Filisatini vayaʼmo Isaleli vayaʼeʼmo kamemo hisayafeʼmo ago eʼa hogo huʼnageno Ala kava neʼmoʼa Filisatini vayaʼaitegamo alopa gefatiʼmo hakalu huteno Filisatini vayaʼmogi apaipa apakesa afi yaʼmo alino hosuʼnigeʼa Isaleli vayaʼmogi kame huʼa aeʼa apakaseʼnae.

1 Samiyo 7:10 ပူးပေါင်းရင်းမြစ်များ

Samu 18:15

O Ala kava nene, huʼna, Ge hapauʼnanagenoʼaeʼmo kagoʼya katalapatiʼmo kavamusaʼmoʼa fu huno haleno apataleʼniye. Muki solovalaʼmoʼa aino ati kaeʼniya mopamo afole aiʼnigeno mopamo aepaʼaʼeʼmo afole aiʼniye.

Samu 29:3

Ala kava neʼmoʼa ge nehigenoʼaeʼmo agemoʼmo solovala aniʼmo agotofuleʼmo aino atagu nefae. Ha le konali Goti agemoʼmo hakalu hakalu huge muki solovala haopalegamo hakalu hakalu huge nehiye.

Samu 29:4

Ala kava neʼmo agemo lokiyaʼageʼmo neʼaiye. Ala kava neʼmo agemoʼmo alagi hogote kini vekamo agegana huno haneʼniye.

Samu 78:66

Malage huno kame vayaʼamo alino hapa faino apataleʼnigeno apavagage huʼnigeʼa ataleʼa uʼnae.

Yasuva 10:10

Ani kavatefeʼmo Ala kava neʼmoʼa Emo vayaʼmo koli yaʼmo alino apamiteno apaipa apakesamo alino hosu huno ataleʼniyaʼmofeʼmo Isaleli vayaʼmogimo asole Emo vayaʼmo Gimiyoni taonifiʼmo kamitimo hapaeteʼa Gimiyoni kotegatiʼmo apavegala aeliʼa uʼnageʼa apaune heʼa Metiholoni taoni haopalega avele kateʼmo uʼa lamiʼa neʼvageʼapaeʼmo Isaleli vayaʼmogi Emo vayaʼmo kamitimo hapaeme hapaeme uʼnageʼa Ayika taonifiʼe Makiʼna taonifiʼeʼmo uʼa avaʼyi huʼnae.

1 Samiyo 12:17

Lapakaemo ago ageʼnayana hemenimo vitimo ago leʼnigeta nehatagauna afinaʼmogeno koʼmo noʼaiya afinaʼmae. Haneʼniyaʼmonanafa hemenimo Ala kava nefeʼmo keya aeʼna ge hisugeno hiyapatiʼmo hakalu huteno koʼmo alino atalesigeno ailino eminegaiye. Lapakaemo ani kavaʼmo ageteta afigayana Ala kava nefeʼmo mago kini vekatimo lamiyo, hutapa ge huta afi geʼnaya afinaʼmo Ala kava neʼmo aulagaleʼmo alopa hosu kavaʼmo huʼnone, hutapa agegae.

1 Samiyo 14:15

Apakaemo Filisatini ati vayaʼmo seli noʼapilegamo maiʼnaya vayanagi kamemo hisayafeʼmo uʼnaya vayanagi muki vayanagi huʼa koli huteʼa atete huʼnae. Imimamo aliʼnigeno mopamoʼmo lusi kava huno atete huʼnigeʼapaeʼmo vayaʼmogimo lusi kava huʼa koli huteʼa atete huʼnae.

1 Samiyo 2:10

Ala kava neʼmoʼa kokuʼnapatiʼmo hakalu huteno kame vayaʼamo alagi alino hano huno apatalegaiye. Ala kava neʼmoʼa muki ma mopafi vayaʼmo agoti huno apategaiye. Agaemo lekana paino ateʼniya kini vekamo lokiyaʼamo amigiye. He, uvelimo faleno ateʼniya kini vekamo agiʼaleʼmo alino asagauno ategaiye, huno nunumuʼmo huʼniye.

1 Samiyo 7:11

Isaleli vayaʼmo Misipa taonifatiʼmo eʼa Filisatini vayaʼmo apavegala aeʼa asole Filisatini vayaʼmo kategamo kamitimo hapaeliʼuʼa Meti-Ka koʼmo haopaleʼmo uʼa avaʼyi huʼnae.