1 Samiyo 6:1 - The Keyagana NT and 25 OT books

¹ Ala kava neʼmo kotalake kesimo Filisatini vayaʼai kotegamo seveniʼa kaimo hanetegeʼapaeʼmo

1 Samiyo 6:1 ပူးပေါင်းရင်းမြစ်များ

Samu 78:61

Agaiʼa vayaʼamo hapa oʼmaeno kame vayaʼapimo alino apateʼnigeʼa eʼa kamemo huʼa aeʼa apakaseteʼa kotalakemo hu maleʼniya gemo haneʼniya kesimo kumaya aliniʼa uʼnae. Ani kesimo apakaeʼeʼmo ohaneʼniya kava huno himamuʼaʼe ha le konali yaʼaʼeʼmo apakaeʼeʼmo ohaneʼniye.

1 Samiyo 5:1

Filisatini vayaʼmogimo Goti kotalake kesimo ago aliteʼapaeʼmo apakaemo Emanisa taonifatiʼmo aliteʼa Asanoti taoniʼapifilagamo aliniʼa uʼnae.

1 Samiyo 5:12

Ofaliʼa afaʼa maiʼnaya vayaʼmo apakufaleʼmo apausageʼmo apamaeʼniya vayaʼmogimo yulagefa aiʼnageno taonifatiʼmo yulagefa aiʼnaya gemoʼmo kokuʼnapiʼmo uno haiʼniye.

1 Samiyo 5:3

Inagi egaʼamo netepiʼmo Asanoti vayaʼmo he tiʼa agayana Negoni aunemo mopafiʼmo augosalegatiʼmo Ala kava neʼmo kotalake kesi aulagamo asagauno aiʼnigeʼa ageʼnae. Apakaemo Negoniʼmo aliʼa noʼaleʼmo halate he tiʼa ateʼnae.

1 Samiyo 6:2

apakaemo mono huʼa neʼapataya vayaʼe afole aisiya kavaʼmo neʼagaya vayaʼefeʼmo keya aeʼa ge huʼnageʼa eʼnageʼa ge huʼa apafigeʼnae, Lagaemo Ala kava neʼmo kotalake kesiʼaleʼmo na agufa kavaʼmo hugune. Haiya kava huta alita atesunageno koʼalegamo ugiye, huʼa ge huʼa apafigeʼnae.