1 Samiyo 3:12 - The Keyagana NT and 25 OT books

¹² Ani afinaʼmo muki hosu kavafeʼmo Ilai afamo anagafeʼmo gemo huʼnova agufa kavaʼmo aepa faiʼna huʼna hano huguve.

1 Samiyo 3:12 ပူးပေါင်းရင်းမြစ်များ

Napa 23:19

Gotiʼa vayalafakana huno oʼmaiʼniyaʼmofeʼmo aigofe gemo nosiye. Gotiʼa vayalafaʼmogi mafaʼnegana huno oʼmaiʼniyanageno alu aipa agesamo oʼafigiye. Agaemo mago gemo huʼnisiyana ani agufa kavaʼmo osisifiye. Haʼao, afaʼa hugiye. Mago kavafeʼmo hapa paiʼnisiyana ani kavaʼmo alino afole aino oʼatesifiye. Haʼao, afaʼa alino afole aino ategaiye.

Luki 21:33

Kokuʼnaʼe ma mopaʼeʼmo hano hugiyaʼmonanafa geʼnimo alagi hano osuno afaʼa hanege hanege huno hanegaiye.

Yasuva 23:15

Ala kava neʼmo Gotitapimoʼmo muki alagepa yaʼmo lapamiguve, huno polomasi gemo hu maleʼniya yaʼmo lapamiʼniya kava huno Ala kava neʼmo Gotitapimoʼmo kotalake geʼamo akame hiyo, huno lapa paiʼniya kotalake gemo amagitapa atalesayana agaemo muki hosu kayoʼmo lapamime lapamime uno alagi alino hano huno lapatalegaiye. Lapakaemo kotalake gemo amagitapa ataleteta utapa alu gotigimo apakame huge lapaleʼyamo faiʼnetapa monoʼmo huge hisagenoʼaeʼmo Ala kava neʼmoʼa aipamo leno lapatesigetapa ani alagepa mopamo lapamiʼniya mopaleʼmo oʼmaitapa muki vayaʼamo faligae.

1 Samiyo 4:11

Apakaemo Ilai lole mafaʼneʼalaʼeʼmo kamitimo hanaeteʼapaeʼmo Ala kava neʼmo kotalake kesiʼamo aliʼnae.

1 Samiyo 4:17

Ani eʼniya ati vekamoʼmo geʼaleʼmo aeno atagaina hunoʼaeʼmo, Filisatini vayaʼmogimo lagaeʼeʼmo kame huteta huʼa aeʼa lagaseʼnageta laune he taleta eʼnonageʼa asole vayaʼmo faliʼnae. Apakaemo Hafaniʼe Finiyasiʼeʼmo kamitimo hanaeteʼa Goti kotalake kesiʼamo ago aliʼnae.

1 Samiyo 4:21

Osuʼniyaʼmonanafa agaemo hunoʼaeʼmo, Agaemo mafaʼnemo agiʼamo Ikamotiʼae, huno ateʼniye. Ani agimo aepaʼamo hale konali yaʼmo ago lataleno uʼniye. Goti kotalake kesimo ago aliʼnayaʼmofeʼmo Goti ha le konali yaʼamo Isaleli vayaʼmo apataleno uʼniye, huno huʼniye.

1 Samiyo 4:22

Agaemo hunoʼaeʼmo, Goti kotalake kesimo ago aliʼnayaʼmofeʼmo Goti ha le konali yaʼamo Isaleli vayaʼmo apataleno uʼniye, huno hapa paiʼniye.