1 Samiyo 3:10 - The Keyagana NT and 25 OT books

¹⁰ Ala kava neʼmo eno he tiʼnenoʼaeʼmo hogoteno agaefeʼmo ge huʼniya agufa gemo huno, Samiyo, Samiyo, huno ge huʼniye. Samiyoʼa geʼaleʼmo aeno atagaina huno, Aliʼyakamo neʼaluva vekamoʼnamo afiʼnovanagi huvo, huno ha paiʼniye.

1 Samiyo 3:10 ပူးပေါင်းရင်းမြစ်များ

Yasuva 5:14

agaemo, Haʼao, huno, nagaemo Ala kava neʼmo asole ami vayaʼaleʼmo hogote vekamo yagaiʼna neʼapatova vekamo eʼnove, huno huʼnigeno Yasuvaʼa augosalegatiʼmo mopafiʼmo asagauno aiteno mono huʼniye. Mono hutenoʼaeʼmo, Ala kava neʼnimogae, huno, aliʼyakaleʼmo maiʼnova vekaeʼmo na agufa ge huka naha paigane, huno ge huno afi geʼniye.

1 Samiyo 12:2

Hemenimo yagaino lapatesiya vekamae. Nagaemo ago kosuna leʼnogeno yaveyave nayokamo aeʼnigeʼa ve mafaʼne anagaʼnimogimo lapakaeʼeʼmo maiʼnae. Nagaemo mafaʼnemo maiʼnova afinatetiʼmo lapakaeteʼmo yagaiʼna lapateme lapateme eʼna hemenimo maiʼnove.

1 Samiyo 3:11

Huno ha paiʼnigeno Ala kava neʼmoʼa Samiyofeʼmo hunoʼaeʼmo, Afiyo, huno, nagaemo mago kavaʼmo Isaleli vayaʼmogi folagapiʼmo huguvanageʼa ani kavafeʼmo ava gemo afisaya afinaʼmo lusi kava huʼa hapau aigae.

1 Samiyo 3:15

Inagi Samiyoʼmo ani gemo afitenoʼaeʼmo havaeʼnigeno kotiʼniye. Samiyoʼmo he tinuno Ala kava neʼmo mono noʼafiʼmo kitamo yakiʼniye. Samiyoʼmo Ilaifeʼmo ani alagamuna agegekana huno afiʼniya gemo ha paisiyafeʼmo koli huʼniye.

1 Samiyo 3:21

Ageʼnageno Ala kava neʼmoʼa Sailo taonifiʼmo halate Samiyotegamo afole aiʼniye. Ala kava neʼmoʼa Sailo taonifiʼmo emineno geʼaletiʼmo agaiʼamo alino aveliʼnigeno Samiyoʼmo ageʼniye. Inagi Samiyo geʼamo muki Isaleli vayaʼaitegamo afole aiʼniye.

1 Samiyo 3:8

Ala kava neʼmoʼa henagaʼamo halate napa tali afinaʼmo Samiyofeʼmo ge huʼnigeno he tino Ilaitegamo uno hunoʼaeʼmo, Nagaefeʼmo ge huʼnanaʼmofeʼmo eʼnove, huno ha painiye. Inagi Ilaiʼmo afiʼniyana Ala kava neʼmokeʼmo Samiyofeʼmo ge nehiye, huno afiʼniye.

1 Samiyo 3:9

Afiʼniyaʼmofeʼmo Ilaiʼmo ha painoʼaeʼmo, Kagaemo uka halateʼmo havao. Havaeʼnisanagenoʼaeʼmo kagaefeʼmo ge hisigekaeʼmo inagi kagaemo ani gemo huka huvo. Ala kava nene, huka, aliʼyakamo neʼaluva vekamoʼna gekamo nagetafo huʼna afiʼnovaʼmofeʼmo naha paiyo, huka huvo, huno ha paiʼnigeno Samiyoʼa uno hipaleʼmo havaeʼniye.