1 Samiyo 27:8 - The Keyagana NT and 25 OT books

⁸ Ani afinaʼmo Neviniʼe vayaʼaʼeʼmo uʼa Gesu vayanagi Gaya vayanagi Emaleki vayaʼenagi huʼa kamemo huʼnae. Ani nofi vayaʼmogimo akeyaʼvilagamo ani mopaleʼmo maiʼnae. Apakae mopamo Su kotegamo hanege hulinuno Isipi hakuteʼmo avaʼyi huʼniye.

1 Samiyo 27:8 ပူးပေါင်းရင်းမြစ်များ

Hatu maeno apate'niya gemae 15:22

Inagi Moseseʼa Isaleli vayaʼmo haesa solovala anitetiʼmo apavalelino kaʼme koʼmo Suva kotegamo uʼapaeʼmo loleʼe magoʼe afinaʼmo uʼnayaʼmonanafa aniʼmo alagi oʼageʼnae.

Hatu maeno apate'niya gemae 17:8

Amaleki nofi vayaʼmogi Lefinimi kotegamo eʼa Isaleli vayaʼeʼmo kamemo huʼnae.

Napa 13:29

Amaleki vayaʼmo lamaga haopalegamo maiʼnageʼa Hiti vayanagi Yemusi vayanagi Emo vayanagi huʼa ave koteʼmo maiʼnageʼa Kenani vayaʼmo alopa Metaleniyani solovala aniʼmo haopaleʼe Yoneni ani haigifiʼeʼmo maiʼnae, huʼa ha paiʼnae.

Napa 14:45

Inagi Isaleli vayaʼmo uʼa haiʼnageʼapaeʼmo Amaleki vayaʼe Kenani vayaʼeʼmo ave kotetiʼmo ataleʼa emiʼeʼa kamemo huteʼa huʼa aeʼa apaka seteʼa apavegala aeliʼa uʼa Homa taonifilagamo apataleʼnae.

Yasuva 12:5

Agaemo yagaiʼniya koʼamo Hemani ave haopalegagi Salika taonifinagi muki Mesani haopalega koʼmoʼa hanelinuno Gesu vayaʼmogi hakutenagi Maka hakutenagi Giliyati koʼmo magokayaga haopaʼalegagi huno yagaiʼniya kotetiʼmo hanelinuno kini vekamo Saihoniʼmo Hesimoni taonifiʼmo maiʼniya kini vekamoʼmo neʼyagaiya kotega hakuteʼmo uʼniye.

Yasuva 13:13

Huʼniyaʼmonanafa Isaleli vayaʼmogimo Gesuli vayaʼe Makati vayaʼeʼmo hapa faiʼa oʼapataleʼnae. Apakaemo Isaleli vayaʼeʼmo magokepiʼmo lokaeʼa maime maime eʼa hemeniʼeʼmo maiʼnae.

Yasuva 13:2

Oʼaliʼnageno afaʼa haneʼniya mopamo Filisatini vayaʼmogi mopagi Gesayu vayaʼmogi mopagi hutapa oʼaliʼnae.

Yasuva 16:10

Ifalemi nofi vayaʼmogi Kenani nofi vayaʼmo Giya taonifiʼmo maiʼnaya vayaʼmo hapa faiʼa oʼapataleʼnageʼa hemenimo ani Kenani vayaʼmo Ifalemi vayaʼeʼmo magokepi lokaeʼa maiʼnae. Maiʼnayaʼmonanafa Ifalemi vayaʼaiteʼmo kalavusi aliʼyaʼmo aliʼa maiʼnae.

1 Samiyo 29:6

Inagi Ekisiʼmo Nevinifeʼmo keya aeno ge huno ha painoʼaeʼmo, Nagaemo maige maige huno neʼmaiya Isaleli vayaʼai Gotiʼapimo agiʼaletiʼmo nagaemo kagaefeʼmo alagi lama gemo huʼnaeʼmo, Kagaemo ati vayaʼmogitaʼeʼmo ukeka nehana afinaʼmo kanale kavaʼmo huʼnane. Kagaemo nagaetegamo eʼnana afinatetiʼmo maime maime uka hemenimo maiʼnana afinaʼmo hosu kavaʼmo kagaepiʼmo oʼageʼnove. Oʼageʼnovaʼmonanafa neʼyagaiya vayaʼmogimo amuse huʼa nokatae.

1 Samiyo 30:1

Neviniʼe ati vayaʼaʼeʼmo loleʼe magoʼe afinaʼmo uʼa Sikalagi taoniʼapifiʼmo avaʼyi huteʼapaeʼmo apakaemo ageʼnayana Sikalagi taonimo hosuʼnigeʼa ageʼnae. Amaleki vayaʼmogi Yuta kotega hoga haopalega uʼa kamemo huteʼa Sikalagi taonimo ata kaeʼa ataleʼnae.