1 Samiyo 26:8 - The Keyagana NT and 25 OT books

⁸ Inagi Amisaiʼmo Nevinifeʼmo hunoʼaeʼmo, Hemenimo Gotiʼa kagae kayapiʼmo kamekamo avaleno ateʼniye. Kahaoke hovanagi afaʼa natenegeʼna agaiʼa hayoletiʼmo haegauve. Lole afinaʼmo ohaegauve, huno ha paiʼniye.

1 Samiyo 26:8 ပူးပေါင်းရင်းမြစ်များ

Samu 31:8

Kagaemo kame vayaʼnimogi apaiyafiʼmo alika oʼnateʼnananafa navalelika uka alagepa koteʼmo nateʼnane.

Neyomi 1:9

Lapakaemo Ala kava netegamo kame hutapa atesayafeʼmo na agufa gemo huta ge huge afige hutapa maiʼnae. Agaemo alagi alino hano huno lapatalegaiye. Lapakaemo halate he titapa hanageke kavaʼmo osugae.

Lomu 11:32

Gotiʼa muki vayaʼaifeʼmo hau huno apatesiyafeʼmo muki vayaʼmo kalavusi huno apateʼnigeʼa geʼamo amagiʼa neʼatalae.

1 Samiyo 23:14

Neviniʼmo uno Sifa taonimo haopaleʼmo haneʼniya avefiʼmo alagepa huno maisiya agufa yapiʼmo fala kino maiʼniye. Ataleno oʼuʼnifa afaʼa maiʼniye. Soloʼmo muki afinaʼaeʼmo Nevinifeʼmo kahauya huʼniyaʼmonanafa Gotiʼmo Neviniʼa avalelineno Solo ayapiʼmo oʼateʼniye.

1 Samiyo 24:4

Inagi Nevini vayaʼamogimo Nevinifeʼmo huʼapaeʼmo, Ala kava neʼmoʼa hemenimo afole aiʼniya afina kavafeʼmo kaha paiʼniye. Kaha painoʼaeʼmo, Afiyo, huno, Kagaemo kame vekakalegamo kahauʼnisiya kavaʼmo hisanafeʼmo kamekamo avaleʼna kayapiʼmo ategauve, huno kaha paiʼniye, huʼa ha paiʼnae. Inagi Neviniʼmo vase huno Solo haopaleʼmo uno yatala kukenaʼamo aise atupaʼamo hatagauʼniyaʼmonanafa Soloʼmo oʼageʼniye.

1 Samiyo 24:5

Henagaʼamo Neviniʼmo Solo kukenaʼamo hatagauʼniya kavafeʼmo lusi kava huno alino amalagiʼniye.

1 Samiyo 26:23

Ala kava neʼmoʼa hemenimo kavaleno nayapiʼmo kateʼniyaʼmonanafa Ala kava neʼmoʼa kagaemo kini vekamo maisanafeʼmo lekana paino kateʼniyaʼmofeʼmo aliʼna hosu huʼna okateʼnove. Ala kava neʼmoʼa muki vayaʼmogi fatago kavaʼe geʼapimo oʼataleʼa akame nehaya kavaʼeʼmo anonaʼapilefeʼmo alagepa miyaʼmo apamino.

1 Samiyo 26:7

Inagi ani haniʼilagamo Neviniʼe Amisaiʼeʼmo Soloʼmo mopafiʼmo havaeʼniya yategamo uʼana lamiʼnaʼae. Anakaemo agaʼana Soloʼmo ati vayaʼai folagapiʼmo havaeʼnigeno hayoʼamo agenopamo haopaleʼmo mopafiʼmo aeno he ti maleʼnigeʼana ageʼnaʼae. Aminaʼe ati vayaʼaʼeʼmo Soloteʼmo havaeʼa vego huʼa ateʼnae.

1 Samiyo 26:9

Huno ha paiʼniyaʼmonanafa Neviniʼmo agaefeʼmo ha painoʼaeʼmo, Haʼao, alika hosu huka oʼato. Ala kava neʼmoʼa lekana paino ateʼniyaʼmofeʼmo mago vekamoʼmo amagisiyaʼmoʼmo hosu kavaʼmo anonaʼamo alagi hanegaiye, huno huteno