1 Samiyo 26:12 - The Keyagana NT and 25 OT books

¹² Inagi Neviniʼmo hayoʼaʼe ani keʼaʼeʼmo Solo agenopa haopaleʼmo haneʼnigeno alinino uʼniye. Anakaemo neʼvaʼageno mago vekamo anakaemo oʼanakege ani anakaemo huʼnaʼa kavaʼmo oʼagege he otige maiʼniye. Ala kava neʼmoʼa muki vayaʼamo alagi havaesayafeʼmo alino apateʼnigeʼa havaeʼnae.

1 Samiyo 26:12 ပူးပေါင်းရင်းမြစ်များ

Aepa Gemae 15:12

Yegemo uno lamino falegefe huʼnigenoʼaeʼmo Emalemiʼa au kaleno alagi huʼnigeno lusi hani huʼniya yaʼmoʼa aino ati kaeʼnigeno koli huʼniye.

Aepa Gemae 2:21

Inagi Ala kava neʼmo Gotiʼa ve kanomo havaesiyafeʼmo alino havaeno ateʼnigeno alagi au kaleno alagi huʼniye. Au kaleʼnigenoʼaeʼmo Gotiʼa ve kanomo haipa ayamufamo aliteno ani kateʼmo maleno akanino ateʼniye.

Esata 6:1

Ani haniʼilagamo kini vekamo au kalesiyafeʼmo havaeʼniyaʼmonanafa au okaleno afaʼa maiʼnenoʼaeʼmo agaiʼamo yagaino neʼapateya koteʼmo afole aiʼniya kavafeʼmo ava gemo avoʼmo kaeʼa neʼmalaya mukueʼmo mago vekaeʼmo, alinika eno, huno ha paiʼnigeno alinineno kini vekamo aulagaleʼmo ani mukufiʼmo lekana paiʼniye.

1 Samiyo 24:4

Inagi Nevini vayaʼamogimo Nevinifeʼmo huʼapaeʼmo, Ala kava neʼmoʼa hemenimo afole aiʼniya afina kavafeʼmo kaha paiʼniye. Kaha painoʼaeʼmo, Afiyo, huno, Kagaemo kame vekakalegamo kahauʼnisiya kavaʼmo hisanafeʼmo kamekamo avaleʼna kayapiʼmo ategauve, huno kaha paiʼniye, huʼa ha paiʼnae. Inagi Neviniʼmo vase huno Solo haopaleʼmo uno yatala kukenaʼamo aise atupaʼamo hatagauʼniyaʼmonanafa Soloʼmo oʼageʼniye.

1 Samiyo 26:13

Neviniʼmo lole avelaʼmo kagoʼmuʼmo aino lakaeno uno afagitega aveleʼmo he tino maiʼniye.

1 Samiyo 26:7

Inagi ani haniʼilagamo Neviniʼe Amisaiʼeʼmo Soloʼmo mopafiʼmo havaeʼniya yategamo uʼana lamiʼnaʼae. Anakaemo agaʼana Soloʼmo ati vayaʼai folagapiʼmo havaeʼnigeno hayoʼamo agenopamo haopaleʼmo mopafiʼmo aeno he ti maleʼnigeʼana ageʼnaʼae. Aminaʼe ati vayaʼaʼeʼmo Soloteʼmo havaeʼa vego huʼa ateʼnae.