1 Samiyo 24:9 - The Keyagana NT and 25 OT books

⁹ Agaemo hunoʼaeʼmo, Na kava higekaeʼmo kagaemo ani vayaʼmogimo nagaefeʼmo huʼapaeʼmo, Neviniʼmo alino hosu huno katalegaiye, huʼa nehaya gemo kagetafo huʼneka neʼafine.

1 Samiyo 24:9 ပူးပေါင်းရင်းမြစ်များ

Samu 101:5

Huʼa faipa huʼa neʼataya vayaʼmo hapafaiʼna apatalegauve. Ala vayaʼmo maiʼnone, huʼa huteʼa himuʼnamu kavaʼmo nehaya vayaʼmo nagaeʼeʼmo oʼmaigae.

Samu 141:6

Yagaiʼa neʼapataya vayaʼmo alopa yafateʼmo yaga auʼa apatalesageʼa apasagauʼa aisaya afinaʼmo geʼnimo afiteʼapaeʼmo, Haga gemo hiye, huʼa hugae.

Mai'naya kavane 16:28

Kayagi kayaga kavaʼmo nehiya vekamoʼmo avina yaʼmo nehakalaya kavaʼmo huno alu kava alu kavaʼmo hisayafeʼmo alino fako huno neʼapate. Mago vekamoʼmo alu vekamo alino ao yaʼmo huʼnigeʼana alagepa huʼana magokepi lokaeʼana neʼmaiʼa kavaʼmo apakamelega gemo nehiya vekamoʼmo alino fako huno neʼanate.

Mai'naya kavane 17:4

Hosu vekamoʼmo aigofe gelefeʼmo agetafo huʼneno neʼafiye. Aigofe gemo nehiya vekamoʼmo huno faipa huno neʼateya gemo afisiyafeʼmo nehaiye.

Mai'naya kavane 18:8

Apakamelega gemo nehaya gemoʼa haga neʼyakana huno haneʼniye. Ani agufa gemoʼmo vayaʼmogi apaipafiʼmo uno nelamiye.

Mai'naya kavane 25:23

Yasimoʼmo koʼmo alino hafailino neʼviya kava huno lokiya augosamo nekaliya kavaʼmoʼa apakamelega gemo alino hafaino neʼatale.

Mai'naya kavane 26:28

Aigofe geʼaletiʼmo huno alino hosu huno neʼapateya vekamoʼmo huno alino hosu huno neʼapateya vayaʼaifeʼmo nohaiye. Aipafatiʼmo osuno avayaʼaletikeʼmo ala agimo amisiya vekamo alino hosu huno ategaiye.

Mai'naya kavane 29:12

Yagaino neʼapateya vekamoʼmo aigofe gemo afisiyaʼmoʼmo aliʼyaʼamo neʼaliya vayaʼmo hosu vayaʼmo hamalegae.

Yemisi 3:6

Apavayamo atagana huno haneʼneno alu hosu ge alu hosu gemo nehiye. Lavayamo lagufafiʼmo aise yaʼatomo haneʼniyaʼmonanafa muki lagufaʼamo alagi alino hosu huno neʼate. Lavayamoʼa ata kotegatiʼmo atamo aelineno muki vayaʼamogita lahaopaleʼmo kae maleʼniye.

1 Samiyo 20:1

Soloʼmo Lama taonifiʼmo Naiyoti haopaleʼmo uno avaʼyi huʼnigenoʼaeʼmo Neviniʼmo Lama taonifatiʼmo ataleno aune hetaleno halate Yonatanitegamo uʼniye. Agaemo Yonatanifeʼmo hunoʼaeʼmo, Nagaemo na agufa kavaʼmo huʼnogenoʼaeʼmo afokamoʼmo kamitimo namagisigeʼna falisuvafeʼmo nehiye. Afokamo aulagaleʼmo na agufa hosu kavaʼmo huʼnove, huno ge huno afi geʼniye.

1 Samiyo 20:41

Mafaʼnemo ago utegenoʼaeʼmo Neviniʼmo yafaʼmo akamelagamo fala kino maiʼniyatetiʼmo ataleno eno Yonatani haopaleʼmo augosalegatiʼmo mopafiʼmo asagauno aiteno he tino loleʼe magoʼe kanaleʼmo mopaeʼmo ape huno ateʼniye. Anakaemo hanaeʼana neteʼana aviʼyaʼmo huʼnaʼaʼmonanafa Neviniʼmo magoʼe huno aviʼyaʼmo huʼniye.

1 Samiyo 24:10

Ago, huno, Hemenimo ageʼnana yafa kapiʼmo Ala kava neʼmoʼa kagaemo kavalelineno nayapiʼmo kateʼnigeʼa vayaʼnimogimo kamitimo amagiyo, huʼa naha paiʼnayaʼmonanafa afaʼa kagegeʼna kateʼnove. Nagaemo huʼnaeʼmo, Haʼao, Ala kava neʼmoʼa uvelimo lakino ateʼniyaʼmofeʼmo oʼamagiguve, huʼna hapa paiʼnove.

1 Samiyo 24:8

Neviniʼmo ani kava huno yafa kapatiʼmo uno laminoʼaeʼmo Solofeʼmo keya aeno ge hunoʼaeʼmo, Ala Kini vekaʼnimogae, huno huʼnigeno Soloʼmo ani gemo afitenoʼaeʼmo aino afeleʼnigenoʼaeʼmo Neviniʼmo ape huno ateʼniye.

1 Samiyo 26:18

Ala vekaʼnimogae, huʼna, Na kava higekaeʼmo aliʼyakamo neʼaluva vekamo natafausanafeʼmo kahauya nehane. Na agufa hosu kavaʼmo huʼnove.

1 Samiyo 26:19

Kini vekae, huʼna, kahaoke hovanagi geʼnimo afiyo. Ala kava neʼmoʼa alika hosu huka natesanafeʼmo alino he tino kateʼnisiyaʼmoʼmo ofalinimo amiguve. Vayaʼmogimo kagesamo faiʼnisayaʼmoʼmo Ala kava neʼmoʼa lifana huno apateno. Apakaemo Ala kava neʼmoʼa agae vayaʼaina fikumo neʼapamiya yapatiʼmo oʼalisuvafeʼmo naha faiʼa nataleʼnae. Apakaemo huʼapaeʼmo, Kagaemo uka alu gotigitefeʼmo mono hiyo, huʼa nehae.