1 Samiyo 24:7 - The Keyagana NT and 25 OT books

⁷ Neviniʼmo ani gemo huʼniyaʼmofeʼmo vayaʼamogimo afaʼa ataleʼa Soloʼmo kamitimo oʼamagiʼa afa ateʼnae. Inagi Soloʼmo yafa kapatiʼmo he tino uno lamiʼniye.

1 Samiyo 24:7 ပူးပေါင်းရင်းမြစ်များ

Matiyu 5:44

Lapa paiʼnayaʼmonanafa hemenimo nagaemo huʼnaeʼmo, kame vayatapieʼmo lapau lapayamopafiʼmo lapaino. Lifana gemo lapa nepaiya vayaʼaifeʼmo aulena gemo hapa paiyo. Lapakaefeʼmo apaini huʼnisaya vayaʼaitegamo alagepa kavaʼmo hiyo. Lapakaetegamo hosu kavaʼmo huteʼa apaini huʼa nelapatesaya vayaʼaifeʼmo nunumuʼmo huta apateyo.

Samu 7:4

nao vekamo alagepa kavaʼamo anonaʼalefeʼmo hosu kavakeʼmo huge kameʼnimoʼmo hosu kavaʼmo osuʼniyaʼmonanafa agaetegamo hosu kavaʼmo huge ani agufa hosu kavaʼmo huge huʼnovesinana

1 Samiyo 25:33

Nagaemo kamitimo apamagiʼna hosu kavaʼmo anonaʼalefeʼmo nagae nayapatiʼmo kamitimo hapaesugeʼa falisaya kavaʼmo osisuvafeʼmo natafauka nateʼnanaʼmofeʼmo aliʼna auleʼna kateʼnove.

1 Samiyo 24:6

Agaemo vayaʼalegamo uno hapa painoʼaeʼmo, Ala kava neʼmoʼa kini vekaʼnimo aliʼna hosu huʼna atesuvana afaʼa oʼnatalegaiye. Ala kava neʼmoʼa lekana paino ateteno uvelimo lakino ateʼniyaʼmofeʼmo nagaemo lekana paino ateʼniya kini vekalegamo mago hosu kavaʼmo afaʼa osuguve.

1 Samiyo 24:8

Neviniʼmo ani kava huno yafa kapatiʼmo uno laminoʼaeʼmo Solofeʼmo keya aeno ge hunoʼaeʼmo, Ala Kini vekaʼnimogae, huno huʼnigeno Soloʼmo ani gemo afitenoʼaeʼmo aino afeleʼnigenoʼaeʼmo Neviniʼmo ape huno ateʼniye.

1 Samiyo 26:9

Huno ha paiʼniyaʼmonanafa Neviniʼmo agaefeʼmo ha painoʼaeʼmo, Haʼao, alika hosu huka oʼato. Ala kava neʼmoʼa lekana paino ateʼniyaʼmofeʼmo mago vekamoʼmo amagisiyaʼmoʼmo hosu kavaʼmo anonaʼamo alagi hanegaiye, huno huteno

1 Samiyo 12:3

Hemenimo manileʼmo maiʼnove. Nagaemo mago hosu kavaʼmo lapakaetegamo huʼnisuvaʼmoʼmo Ala kava neʼmo aulagaleʼe lekana paino ateʼniya kini vekamo aulagaleʼeʼmo agoti hutapa nateyo. Nagaemo ina la ve pulumakaʼamofi nokiʼamofi huʼna avaleʼnove. Ina lafeʼmo aigofe gemo huteʼna kumaya aliʼnove. Nagaemo ina laʼmo kana yaʼmo amiteʼna aliʼna hosu huʼna ateʼnove. Ina laʼmo nagaemo hosu kavaʼmo hisuvafeʼmo mago yaʼmo fikumo namiʼniye. Nagaemo mago ani agufa kavaʼmo lapakaetegamo huʼnisuvaʼmoʼmo ani kava huʼnisuva anonatapilefeʼmo aliʼna alagepa huʼna lapamiguve.

1 Samiyo 26:23

Ala kava neʼmoʼa hemenimo kavaleno nayapiʼmo kateʼniyaʼmonanafa Ala kava neʼmoʼa kagaemo kini vekamo maisanafeʼmo lekana paino kateʼniyaʼmofeʼmo aliʼna hosu huʼna okateʼnove. Ala kava neʼmoʼa muki vayaʼmogi fatago kavaʼe geʼapimo oʼataleʼa akame nehaya kavaʼeʼmo anonaʼapilefeʼmo alagepa miyaʼmo apamino.