1 Samiyo 22:3 - The Keyagana NT and 25 OT books

³ Inagi Neviniʼmo ani haopalegatiʼmo ataleno itaʼa afoʼamogimo apavalelino uno Movapu kotegamo Misipa taonifiʼmo apateʼnigeʼa maiʼnae. Agaemo Movapu kini vekaeʼmo ina ge hunoʼaeʼmo, kahaoke hove. Kagaemo itaʼnimoʼe afoʼnimoʼeʼmo anategeʼanao eʼana kagaeʼeʼmo magokepiʼmo maigaʼae. Kagaeʼeʼmo maime maime visaʼageʼna Gotiʼa nagaetegamo na kavaʼmo hisifigeʼna agegauve.

1 Samiyo 22:3 ပူးပေါင်းရင်းမြစ်များ

Aepa Gemae 47:11

Inagi Yosefeʼa Kini vekamo Feloʼmo huvo, huno huʼniya kavaʼmo akame huno kanale hogote mopamo Lamesisi koteʼmo haneʼniya mopamo afoʼamoʼagi konagaʼamogiʼenagi huno apamiʼnigeʼa maiʼnae.

Hatu maeno apate'niya gemae 20:12

Itatapi afotapimogi apakiʼapileʼmo alita asagautetapa geʼapimo afitetapa akame hiyo. Ala kava neʼmo Gotitapimoʼnamo magoʼe huʼna yatala afinaʼmo lapamisugetapa ma mopafiʼmo maigayanagi.

1 Timoti 5:4

Ani kogu aʼne anagaʼmogi mafaʼneʼapimo maige apakioʼapimogi maige huʼnisayana afaʼa yagaiʼa apategae. Kogu aʼne anagaʼmogi itaʼapi afoʼapimogimo anonaʼapilefeʼmo Gotitefeʼmo mono kavaʼmo huʼa yagaiʼa apategae. Gotiʼa ani kavafeʼmo hauʼnigenoʼaeʼmo, alagepa kavaʼmo haneʼniye, huno nehiye.

Luti 4:10

Ago miya fauvaʼmofeʼmo Lutiʼmo nagae aʼmo maiye. Maloniʼa ani a kanomo Movapu kotega a kanomo aliʼniyatetiʼmo ago ataleno faliʼniya a kanomo nagaemo ago aluve. Aluvaʼmofeʼmo Maloni anaga vayaʼai mopamo hanegaiye. Maloni anaga vayaʼmo faliʼa hano osuʼa maige maige huʼa maigae. Hemenimo lapakaemo mani nehuva kavaʼmo ago ageʼnae, huno hapa paiʼniye.

Luti 4:17

Ani kote aʼne anagaʼmogimo agiʼamo Ometiʼae huʼa ateʼnae. Muki vayaʼaifeʼmo huʼapaeʼmo, Neyomiʼa ve mafaʼnemo ago alino ateʼniye, huʼa hapa paiʼnae. Henagaʼamo Ometiʼa Yesimo alino ateʼnigeno Yesiʼa Neviniʼmo alino ateʼniye.

1 Samiyo 14:47

Inagi Soloʼmo kini vekamo maiʼnenoʼaeʼmo Isaleli vayaʼaiteʼmo yagaino apateʼnigeʼapaeʼmo agaeʼe ati vayaʼaʼeʼmo muki haopalega maiʼnaya kame vayaʼapiʼeʼmo kamemo huʼnae. Apakaemo Movapu vayaʼeʼmo kame huge Amoni vayaʼeʼmo kame huge Itomi vayaʼeʼmo kame huge Filisatini vayaʼeʼmo kame huge Soma vayaʼai kini vayaʼapiʼeʼmo kame huge huʼnae. Soloʼmo muki haopalegamo uneno huno alino hosu huno apataleʼniye.

1 Samiyo 22:2

Muki alu kana ya alu kana yaʼapimo haneʼniya vayanagi muki anonaʼapimo haneʼniya vayanagi apakaeteʼmo afole aiʼniya kavafeʼmo ohapauʼniya vayanagi huʼa uʼa agaeʼeʼmo aliʼa anupa huʼa maiʼnae. Fo hataletiʼa agufa vayaʼmo agaeʼeʼmo magokepiʼmo lokaeʼa maiʼnae.

1 Samiyo 22:4

Movapu kini vekamoʼmo Neviniʼmo huʼniya gelefeʼmo kanalene, huno huʼniyaʼmofeʼmo Neviniʼmo itaʼa afoʼalaʼmoganimo anavalelino uno Movapu kini vekaʼeʼmo anateteno yafa kapiʼmo fala kino maiʼniye.

1 Samiyo 3:18

Inagi Samiyoʼmo mago gemo fala okino muki geʼamo ha paiʼnigeno Ilaiʼmo afitenoʼaeʼmo, Agaiʼageʼmo Ala kava neʼmae. Hauʼnisiya kavaʼmo afaʼa hugiye.