1 Samiyo 22:2 - The Keyagana NT and 25 OT books

² Muki alu kana ya alu kana yaʼapimo haneʼniya vayanagi muki anonaʼapimo haneʼniya vayanagi apakaeteʼmo afole aiʼniya kavafeʼmo ohapauʼniya vayanagi huʼa uʼa agaeʼeʼmo aliʼa anupa huʼa maiʼnae. Fo hataletiʼa agufa vayaʼmo agaeʼeʼmo magokepiʼmo lokaeʼa maiʼnae.

1 Samiyo 22:2 ပူးပေါင်းရင်းမြစ်များ

2 Kini 4:1

Mago afinaʼmo mago Gotitegati gemo alinineno aeno hakalo nehiya vekamo aʼamo Ilaisategamo eno ha painoʼaeʼmo, Aliʼyakamo neʼaliya vekamo anauʼnimoʼmo faliʼniye. Kagaemo ageʼnanana agaemo Ala kava nefeʼmo koli huno maiʼnigeka ageʼnane. Anonaʼnimo haneʼnigeno hemenimo anonaʼalefeʼmo alisiya vekamo neʼe. Ani moni anonaʼaleʼmo oʼamisuvaʼmoʼmo mafaʼneʼnilaʼmo anavalesigeʼana aliʼyaʼaleʼmo kalavusi aliʼyaʼmo aligaʼae, huno huʼniye.

Mai'naya kavane 31:6

Faligefeʼmo hisaya vayaʼmogimo lokiya aniʼmo afaʼa negae. Kana yaʼmo aliʼnaya vayaʼmogimo afaʼa negae.

Matiyu 11:12

Yoniʼa aeno hakalo huno hapa paiʼniya afinatetiʼmo afela heʼnaya vayakana huʼa apaya mukiki nehaya vayaʼmogi Gotiʼa yagaino neʼapateya koteʼmo apaya mukiki huʼa uʼa haite haite huʼa hemeniʼeʼmo uʼa nehaiye.

Matiyu 11:28

Muki vayaʼmo alagaʼmo lapaege kana yaʼmo alige huta neʼmaiya vayaʼmo nagaetegamo egeʼnao maitapa haga lesaya yaʼmo lapamiguve.

Himulu 2:10

Gotiʼa muki yateʼe vayaʼaiteʼeʼmo afoʼamoʼmo maiʼnigeno agaetefeʼmo hanege maige nehaya afoʼamoʼmo asole mafaʼne anagaʼamogimo ha le konali yaʼamo alisayafeʼmo Gotiʼa agaiʼa agiʼaletiʼmo fatago kavaʼamo hunoʼaeʼmo, Yesuʼa afaʼa agafu kigiye, huno huʼniye. Gotiʼa apakufamo alino katino apatesiya vekamo maisiyafeʼmo agafu kiʼniya kavatetiʼmo alino alagepa huno ateʼniye.

1 Samiyo 1:10

Hanaʼmo ani kana yaʼmo aliteno lusi kava huno alino amalagino aviʼyaʼmo nehunoʼaeʼmo Ala kava nefeʼmo nunumuʼmo huʼniye.

1 Samiyo 22:3

Inagi Neviniʼmo ani haopalegatiʼmo ataleno itaʼa afoʼamogimo apavalelino uno Movapu kotegamo Misipa taonifiʼmo apateʼnigeʼa maiʼnae. Agaemo Movapu kini vekaeʼmo ina ge hunoʼaeʼmo, kahaoke hove. Kagaemo itaʼnimoʼe afoʼnimoʼeʼmo anategeʼanao eʼana kagaeʼeʼmo magokepiʼmo maigaʼae. Kagaeʼeʼmo maime maime visaʼageʼna Gotiʼa nagaetegamo na kavaʼmo hisifigeʼna agegauve.

1 Samiyo 23:13

Ani gemo afitenoʼaeʼmo Neviniʼe vayaʼaʼeʼmo sigisi hataletiʼa agufa vayaʼmo Keyila taonifatiʼmo ataleʼa uʼa aliʼa fako huʼa muki haopalegamo uʼeʼa huʼnae. Solofeʼmo huʼapaeʼmo, Neviniʼa Keyila taonifatiʼmo faino kasalo paeʼniye, huʼa huʼnageno Soloʼmo afitenoʼaeʼmo kamemo hisiyafeʼmo magoʼe huno agesamo oʼafino ataleʼniye.

1 Samiyo 25:13

Inagi Neviniʼmo vayaʼaeʼmo hunoʼaeʼmo, Mukiʼamogitapamo naipetapimo aliteta alo hiyo, huno hapa paiʼnigeʼa mukiʼamogimo naipeʼapimo aliteʼa alo huʼnageno Neviniʼeʼmo naipeʼamo aliteno alo huʼniye. Fo hataletiʼa agufa vayaʼmo Neviniʼeʼmo uʼnageʼa tu hataletiʼa vayaʼmogimo muki yaʼapileʼmo yagaiʼa maiʼnae.

1 Samiyo 30:6

Muki vayaʼamogi ve mafaʼneʼapilefenagi a mafaʼneʼapilefenagi huʼa apakesamo afiteʼapaeʼmo hosu apaipamo kaliʼniyaʼmofeʼmo apakaemo huʼapaeʼmo, Yafa kayotetiʼmo Neviniʼmo kamitimo amagigune, huʼa hagenoʼaeʼmo Neviniʼmo lusi kana yaʼmo aliʼniye. Kana yaʼmo alitenoʼaeʼmo Neviniʼmo agaiʼamo Ala kava neʼmo Gotiʼamotetiʼmo lokiya vaino ateʼniye.

1 Samiyo 9:16

Egamo mani agufa kanaleʼmo nagaemo mago vekamo Menisameni nofi vayapatiʼmo aliʼna atesugeno kagaetegamo egaiye. Kagaemo Isaleli vayaʼnileʼmo yagaino apatesiyafeʼmo uvelimo lakika atesanageno agaemo vayaʼnimo Filisatini vayaʼai apayapatiʼmo apakufamo alino katino apategaiye. Vayaʼnimogimo nagaefeʼmo keya aeʼa ge huʼnayaʼmofeʼmo hapa maesuvafeʼmo apakeʼnove, huno ha paiʼniye.