1 Samiyo 2:9 - The Keyagana NT and 25 OT books

⁹ Alino apaote apateʼniya vayaʼamogi kateʼmo visagenoʼaeʼmo yagaino apategaiyaʼmonanafa hosu vayaʼmogimo hani huʼniya yapiʼmo maiʼnayanageʼa ge osuʼa maigae. Lokiya vayaʼmo lokiyaʼapiletiʼmo alagepa huʼa oʼmaigayaʼmofeʼmae.

1 Samiyo 2:9 ပူးပေါင်းရင်းမြစ်များ

Samu 1:6

Ala kava neʼmoʼa fatago vayaʼmogimo nehaya kavaʼapieʼmo apakeno amuse nehiyaʼmonanafa agaefeʼmo mono nosaya vayaʼai aliʼyaʼapimo alino hano huno atalesigeʼa alagi afela hegae.

Samu 105:37

Apamagiteno Isaleli vayaʼmo hatu maeno apateʼnigeʼa Isipi kotetiʼmo ataleʼa visayafeʼmo nehuʼapaeʼmo Isipi vayaʼai siluva yafaʼapiʼe goli yafaʼapiʼeʼmo aliniʼa uʼnae. Muki vayaʼamo kaita ohapauʼnigeʼa lokiya vaiʼa maiʼneʼa uʼnae.

Samu 121:3

Yagaino kateʼnisigeka aeka halu vale lamika asagauka oʼaigane. Yagaino nekateya vekamo au okalegaiye.

Samu 121:5

Ala kava neʼmoʼa yagaino nekateya vekamo maiʼniye. Ala kava neʼmoʼa kahaopaleʼmo he tino maiʼnigenoʼaeʼmo auneʼamoʼmo uluna vaino kateʼnigeka ani ulunapiʼmo maiʼnane.

Samu 121:8

Nokamo ataleka visanagenoʼaeʼmo Ala kava neʼmoʼa yagaino katege atagi neka esanagenoʼaeʼmo yagaino katege hugiye. Hemenimo yagaino nekateyanageno henagaʼamo muki afinaʼaeʼmo yagaino katesigeka alagepa huka afaʼa maige maige huka maigane.

Samu 145:20

Ala kava neʼmoʼa agaefeʼmo hapau apayamofiʼmo hapauʼniya vayaʼaiteʼmo yagaino neʼapategeʼa afaʼa neʼmaiye. Afaʼa neʼmaiyaʼmonanafa muki hosu vayaʼmo alino apagoʼya lagauno apatalegaiye.

Samu 31:17

O Ala kava nene, huʼna, Nagaemo kagaefeʼmo keya aeʼnovaʼmofeʼmo navagage hisiyafeʼmo oʼnato. Kagaemo hosu vayaʼmo apatenageno apavagage hino. Kagaemo apatenageʼa kanolufiʼmo afaʼa maiyo.

Samu 37:28

Ala kava neʼmoʼa alagepa kavafekeʼmo hauʼniyanageno aote vayaʼamo alagi apataleno oʼugiye. Yagaino apatesigeʼa hano osuʼa maige maige huʼa maigayaʼmonanafa hosu vayaʼai mafaʼneʼapimo alino hapa faino apatalegaiye.

Samu 97:10

Ala kava nefeʼmo lapau lapayamopafi lapauʼnisiya vayaʼmogitapae, huʼna, Hosu kavafeʼmo lapaini hino. Agaemo apaote vayaʼamo maige maige huʼa maisayafeʼmo yagaino neʼapate. Agaemo hosu vayaʼai apayapatiʼmo neʼapavale.

Mai'naya kavane 16:9

Vayaʼmogimo hisaya kavafeʼmo apakesamo neʼafiyaʼmonanafa Ala kava neʼmoʼa agaiʼageʼmo alino ho huno neʼapate.

Mai'naya kavane 2:8

Fatago kavaʼmo nehaya vayaʼaiteʼmo kava yagaino neʼapate. Apaote vayaʼamo hapa neʼmaegeʼapaeʼmo alagi asagauʼa oʼaiʼa neʼmaiye.

Neyomi 1:8

Agaemo vayaʼamo apakeʼniyaʼmonanafa alopa aniʼmo hegekana huno Niniva taonimo alino hosu huno atalegaiye. Agaemo kame vayaʼamo apavegala aesigeʼa hani huʼniya kopiʼmo uʼa lamiʼa hosu kava huʼa maigae.

Sefanaiya 1:15

Ani afinaʼmo Gotiʼa aipamo neleya kavaʼmo vayaʼaiteʼmo afole aisigeno alopa kana yaʼmo apakaeteʼmo hanesigeʼa hosu apaipamo kalisigeno muki yaʼmo alagi hosugiye. Kame vayaʼmogimo eʼa noʼmo heʼa halagape vaige hoyamo aliʼa hosu huʼa atalege hugae. Hiyaʼmoʼa yegeleʼmo aino ati nekaegenoʼaeʼmo alopa haniʼmo nehiya kava huno hosu afinaʼmo afole aigiye.

Napa 6:24

Ala kava neʼmoʼa aulena gemo lapa paiteno alagepa huno yagaino lapateno.

Matiyu 8:12

Gotiʼa yagaino neʼapateya kotetiʼmo mafaʼneʼamo hani kopiʼmo alino yaga auno apatalesigeʼapaeʼmo malaga maiʼneʼa aviʼyaʼmo huge apavepiʼmo haniʼa agafu kige huʼa maigae, huno huteno

Lomu 3:19

Ago afiʼnonana Gotiʼa keʼaepa geʼaletiʼmo keʼaepa geʼamo afeʼalumelagamo maiʼnaya vayaʼaifeʼmo hapa nepaiye. Apakaemo geʼaleʼmo aeʼa atagaina huʼa ge osuʼa ani gemo huʼa ha paiʼapaeʼmo, Goti aulagaleʼmo hosu kavaʼmo huʼnonanageno kayoʼmo lamigiye, huʼa hisayafeʼmo hapa nepaiye.

1 Pita 1:5

Gotiʼa himamuʼaletiʼmo yagaino lapatege lapakesamo afita fatago nehaya kavatetiʼmo yagaino lapatege nehiyanageno lapakufamo alagi alino katino lapategaiye. Gotiʼa alo huno maleʼniyanageno henagaʼamo afole aigiye.

2 Pita 2:17

Apakaemo ani kavaʼmo huʼa kelifiʼmo haneʼniya aniʼmo leno laneʼnigeno keliʼageʼmo haneʼniya keligana huʼa maiʼnae. Hiyaʼmo yasimoʼa alinino neʼviya hiyakana huʼa maiʼnae. Gotiʼa lusi hani huʼniya kopiʼmo maisayafeʼmo alo huno apateʼniyanageʼa maige maige huʼa maigae.

Yuti 1:1

Nagaemo Yutiʼnamo Yesu Kalaisi aliʼyaʼamo neʼaluva vekamo Yemisi aganaʼamoʼnamo maiʼnove. Afotimo Gotiʼa keya aeno ge huno lapavaleno alino lapaote lapateʼnenoʼaeʼmo Yesu Kalaisipiʼmo afaʼa maisayafeʼmo yagaino nelapateya vayaʼmogitapaeʼmo mani gemo avoʼmo nekaove.

Yuti 1:13

Solovala aniʼmoʼa aino holakau holakau nehigenoʼaeʼmo oʼaniʼya aviʼnaʼmo afole neʼaiya kava huʼa apayamukiki nehagenoʼaeʼmo apavagage hisiya agufa kavaʼmo afole neʼaiye. Kanefiʼmo aiʼa atafaiʼa asagauʼa neʼaiya kanefiʼmogimo koʼapimo ataleʼa uʼeʼa nehaya kava huʼa maiʼnayanageʼa hani kopiʼmo maisayafeʼmo alo hu maleʼniye.

Yuti 1:3

Neʼnahaiya vayaʼnimogitapae, huʼna, Gotiʼa lagaeʼe lapakaeʼeʼmo lagufamo alino katino lateʼniya kavafeʼmo avoʼmo kaegauve, huteʼna lusi kavaʼmo huʼna nagesamo afiteʼnaeʼmo hogoteʼna avoʼmo kaesuva kavaʼmo afole aiʼniye. Lagesamo afita fatago nehuna gelefeʼmo kamemo hutapa ha maesayafeʼmo mani gemo avoʼmo kaeʼna lapaipamo aliʼna lokiya vaiʼna lapatesuvafeʼmo huve. Gotiʼa mani gelefeʼmo lagesamo afita fatago nehuna gemo muki afinafeʼmo magoke afinaʼmo agaemo laote vayaʼamo lamiʼniye.

1 Samiyo 25:26

Ala kava neʼmoʼa kagaemo katafauno kateʼnigeka kame vayakamogimo kagaetegamo huʼnaya hosu kavaʼmo anonaʼapilefeʼmo aeka atagaina huka kamitimo oʼapamagiʼnane. Inagi Ala vekaʼnimogae, huʼna, Ala kava neʼmo afaʼa maiʼnigeka kagaemo afaʼa maiʼnana kavaʼmo haneʼniyana Gotiʼa Nemoʼmo amisiya agufa kayoʼmo kame vayakamo apamino.