1 Samiyo 2:6 - The Keyagana NT and 25 OT books

⁶ Ala kava neʼmoʼa kamitimo apamagige faliʼnaya vayaʼaina afaʼa maisaya yaʼmo apamige nehiye. Agaemo kanolufiʼmo alino apatege kanolufatiʼmo alino he tino apatege nehiye.

1 Samiyo 2:6 ပူးပေါင်းရင်းမြစ်များ

1 Kini 17:22

Nunumuʼmo huʼnigenoʼaeʼmo Ala kava neʼmoʼa Ilaiya geʼamo afitenoʼaeʼmo mafaʼnemo aunemeʼamo alino ategeno eno ani mafaʼnemo agufafiʼmo faleno haiʼnigeno he tiʼniye.

2 Kini 5:7

Isaleli kini vekamoʼmo ani avopiʼmo lekana paitenoʼaeʼmo kukena yaʼamo alino apake aitenoʼaeʼmo, Vae, na agufa kavaʼmo higenoʼaeʼmo Siliya kini vekamoʼmo nagaemo ani vekamo lepolosi kaitaʼamo aliʼna hageʼna atesuvafeʼmo ge huno atalegeno eʼniye. Nagaemo Gotiʼnamo maiʼnogeno lokiyaʼnimo haneʼninageʼna vayaʼmo afaʼa maisaya kavaʼmo huge vayaʼmo falisaya kavaʼmo huge hisufiye. Nagaemo afiʼnovana agaemo nagaemo kamemo nahaesiya kafeʼmo kahauya huʼnegaiye, huno huʼniye.

Samu 116:3

Falisuva kavaʼmoʼa nofi aegekana huno natafauno alagi huno maiʼniye. Kanolufiʼmo uʼna lamiguve, huʼna nagesamo afiʼna nahausoli huteʼna koli huʼnove.

Samu 30:4

Lapaote vayaʼmogitapae, huʼna, Ala kava nefeʼmo yokemo hutapa agiʼaleʼmo alitapa asaga hiyo. Lapakaemo aote agiʼalefeʼmo lapakesamo afiʼnetapaeʼmo lapaoke heyo.

Samu 68:20

Lagaemo Gotitimoʼmo apakufamo alino katino neʼapate. Agaemo falisuna kavategatiʼmo lagufamo alino katino lateʼniye.

Aiyeya 26:19

Kagaemo nofi vayakamo faliʼnayanageʼa he tigae. Isaleli vayaʼmogimo huʼapaeʼmo, lagae lagufamo he tigiye, huʼa huʼnae. Mopafiʼmo kanolufi maiʼnaya vayanagi he tita yokemo hiyo. Na agufa kavatefene. Lao yaʼmo mopaleʼmo asagauno neʼaigenoʼaeʼmo kahaumo nelagiya kava huno Gotiʼa lao yaʼamo alino atesigenoʼaeʼmo faliʼnaya vayaʼaiteʼmo asagauno aisigeʼa he tigae.

Matiyu 12:40

Yonaʼa alopa noyamemo agupafiʼmo loleʼe magoʼe felugaʼe loleʼe magoʼe haniʼilagaʼeʼmo maiʼniya kava huno Vemo mafaʼnemoʼmo loleʼe magoʼe felugaʼe loleʼe magoʼe haniʼilagaʼeʼmo mopamo afepilagamo uno lamino maigiye.

Yoni 11:25

nagaemo faliʼnayatetiʼmo aliʼna he tiʼna apatege afaʼa maisaya yaʼmo apamige nehuve. Nagaefeʼmo apakesamo afiʼa fatago nehisaya vayaʼmo falisayana halate ago he tiʼa afaʼa maigae.

Leveleseni 1:18

Afaʼa neʼmauva vekamo maiʼnove. Afiyo, huno, faliʼnovanageʼna maige maige huʼna maiʼna hano osuʼna afaʼa maiguve. He, lama ge. Nagaemo kitamo yakiʼna apatesuva kiʼmo aliʼnovaʼmofeʼmo falisayafeʼmofi afaʼa maisayafeʼmofi huʼna muki vayaʼaiteʼmo yagaiʼna neʼapatove.

1 Samiyo 20:3

Ha paiʼnigeno Neviniʼmo hunoʼaeʼmo, Ala kava neʼmo alagi afaʼa maige kagaemo afaʼa maige hutana maiʼnaʼana afokamoʼmo aise afinaʼatomo kamitimo namagigiye. Afokamoʼmo kageʼniyana kagaemo nagaefeʼmo kahauʼnigeno kageʼniye. Agaemo hunoʼaeʼmo, Lapakaemo Yonatanifeʼmo ani hisuva kavafeʼmo ha opaiyo. Fiku yanageno aipamoʼmo kana hugiye, huno hapa paiʼniye.