1 Samiyo 2:17 - The Keyagana NT and 25 OT books

¹⁷ Ani Ilai lole neya mafaʼnelaʼmoganimo huʼnaʼa hosu kavaʼmoʼa Ala kava neʼmo aulagaleʼmo alagi hosu kavaʼmo haneʼniye. Ala kava netefeʼmo ofalinimo hisayafeʼmo aliniʼa eʼnaya vayaʼmogimo Ala kava netefeʼmo ofalinimo hisaya kavafeʼmo alagi ohapauʼniye.

1 Samiyo 2:17 ပူးပေါင်းရင်းမြစ်များ

Aepa Gemae 10:9

Ala kava neʼmo aulagaleʼmo afela afumo lokiya kava huno nehaeya vekamo maiʼniye. Vayaʼmogi ala apaki vayaʼaifeʼmo huʼapaeʼmo, Ala kava neʼmo aulagaleʼmo afela afumo lokiya kava huno nehaeya vekamo Nimalotikana huʼa maiʼnae, huʼa huʼnae.

Aepa Gemae 13:13

Sotomi taonifiʼmo maiʼnaya vayaʼmo alagi hosu vayaʼmogeʼa Ala kava netegamo lusi hosu kavaʼmo huʼnae.

Aepa Gemae 6:11

Maiʼniyaʼmonanafa muki vayaʼmo Goti aulagaleʼmo hosu vayaʼmo maiʼneʼa kamemo huge vayaʼmo hapaege kaveta huge kavaʼmokeʼmo ma mopafiʼmo havai teʼnigeno ageʼniye.

Samu 51:4

Kagae kaulagaleʼmo hosu kavakeʼmo huʼna maiʼnove. Nagaemo hosu kavaʼmo huʼnovaʼmofeʼmo kagaemo fatago kavaʼmo huka agotimo huka nateʼnane. Kagaemo nagaefeʼmo fatago gemo hukaeʼmo, hosu kavaʼmo huʼnane, huka huʼnane.

Malakai 2:13

Lapakaemo magoʼe hosu kavaʼmo nehae. Lapakaemo aʼnetapimo hapafaitapa apataleʼnageʼa aviʼyaʼmo huʼnageno apaunumoʼmo ofalini hiʼyalamuteʼmo uno lamino kotu maleʼnigenoʼaeʼmo Ala kava neʼmoʼa ofalinitapieʼmo amuse osuʼniyaʼmofeʼmo lapayapatiʼmo ofalinimo huʼnaya yaʼmo noʼaliye.

Matiyu 18:7

Vaehae, huʼna, apayate aligayaʼmonanafa apayate alisaya vayaʼmo lusi hanageke yaʼmo aliteʼa kage kage huʼa yulagefa aigae.

1 Samiyo 2:16

Agaemo ani ofalinimo hisiyafeʼmo huʼniya vekamoʼmo hunoʼaeʼmo, Apakaemo hogoteʼa afayaʼamo atafiʼmo kae maleʼnisageka henagaʼamo haiya agufa ameʼaeʼmo kahauʼnisifigeka aligane, huno ha paiʼniyana, haʼao, huno, Kagaemo hemenigeʼmo namiyo. Oʼnamisanana nagaiʼnigeʼmo lokiyaʼniletiʼmo aliguve, huno ha paiʼniye.

1 Samiyo 3:13

Lole mafaʼneʼalaʼmo alagi hosu vekalaʼmo aliʼana anateʼnaʼanageno Ilaiʼmo anatafauno oʼanateʼniyaʼmofeʼmo nagaemo ha paiʼnaeʼmo, Ageʼnana hosu kavatefeʼmo afamo anagakamo agoti huʼna apatesugeʼa muki afinaʼmo hosu kavategamo maige maige huʼa maigae,