1 Samiyo 2:14 - The Keyagana NT and 25 OT books

¹⁴ Ani vekamoʼmo fokuletiʼmo haiya agufa ameʼamo samofatiʼmo amuko anipatiʼmo aeno lanu paiʼnigeno ani fokuleʼmo haneʼnifi inagi alinino uʼniye. Anakaemo ani agufa hosu kavaʼmo muki Isaleli vayaʼaitegamo Sailo taonifiʼmo ofalinimo hisayafeʼmo aliniʼa eʼnaya vayaʼaitegamo huʼnaʼae.

1 Samiyo 2:14 ပူးပေါင်းရင်းမြစ်များ

Aiyeya 56:11

He, apakaemo neʼyaʼmo magoʼe magoʼe huʼa nesayafeʼmo hapaʼye nehiya kalagana huʼa maiʼneʼa muki afinaʼmo magoʼe huno neʼyafeʼmo nehapaiye. Sipisipileʼmo yagaiʼa neʼapataya vayaʼmogi afiʼa aeto nosae. Mukiʼamogimo apakaiʼapi hapauʼniya kavaʼmo huʼa apakaiʼapiekeʼmo apakesamo neʼafiye.

Malakai 1:10

Nagae hiʼyalamuteʼmo afa ofalinimo okaesiyafeʼmo lapakaepatiʼmo ina laʼmo mono nopiʼmo kita kigiye. Ala kava neʼmo muki vayaʼaiteʼmo yagaiʼna neʼapatova vekamoʼnamo huʼnaeʼmo, Lapao ke nosove, huʼna nehuve. Lapakae lapayapatiʼmo ofalini namisageʼnaeʼmo oʼaliguve.

1 Samiyo 2:13

Mono huʼa neʼapataya vayaʼmogimo Goti gemo akame osuʼnayana mago vekamoʼmo ofalinimo hisiyafeʼmo eʼnigeno ani lole vekalaʼmo aliʼyaʼanimo neʼaliya vekamo ameʼamo alisiyafeʼmo loleʼe magoʼe aveʼmo haneʼniya fokumo alinino eʼniye.

1 Samiyo 2:15

Magoʼe hosu kavaʼmo huʼnaʼae. Ofalini afayaʼamo okaeʼnagenoʼaeʼmo ani mono huʼana neʼapataʼa vekalaʼani aliʼyaʼmo neʼaliya vekamoʼmo eno ofalinimo huʼniya vekaeʼmo hunoʼaeʼmo, Mono huno neʼapateya vekamoʼa samofiʼmo nekaya ameʼaeʼmo ohauʼniye. Okaeʼnana ameʼamo amiyo.

1 Samiyo 2:29

Ani kavaʼmo huʼnovaʼmofeʼmo na kavaʼmo higetapaeʼmo mono noʼnifiʼmo ofalinimo hiyo, huʼna lapa paiʼnova ofalini kavateʼmo aitapa lanu paiʼnae. Lapafayaʼe vayaʼmo hamalesayafeʼmo Isaleli vayaʼnimogi neʼnamiya ofalini yapatiʼmo hogote ameʼamo aliʼnae. Kagaemo mafaʼnekalaʼmogani anakiʼanileʼmo alika asaga nehanaʼmonanafa nagiʼnileʼmo alika afepiʼmo neʼnatane.