1 Samiyo 2:1 - The Keyagana NT and 25 OT books

¹ Hanaʼmo nunumuʼmo hunoʼaeʼmo, Nagaemo naipafatiʼmo Ala kava nefeʼmo namogaga neʼauve. Ala kava nepiʼmo maiʼnogenoʼaeʼmo lokiya vaino nateteno alino asaga uno nateʼniye. Kagaemo nagufamo alika katika nateʼnanageʼnaeʼmo namogagamo neʼauvaʼmofeʼmo kame vayaʼnieʼmo kigi nehuve.

1 Samiyo 2:1 ပူးပေါင်းရင်းမြစ်များ

Samu 118:14

Ala kava neʼmoʼa lokiya vaino nateʼnigeʼna yokemo nehuve. Agaemo nagufamo ago alino katino nateʼniye.

Samu 13:5

Muki afinaʼmo oʼnataleka nagaefeʼmo kahau kayamopafiʼmo kahaugiye, huʼna aliʼna amufa nekamuve. Nagufamo alika katika nateganaʼmofeʼmo naipafiʼmo namogaga aiguve.

Samu 148:14

Muki vayaʼmogimo agiʼaleʼmo aliʼa asaga hisayafeʼmo alino lokiya vaino apateʼniye. Isaleli vayaʼamogimo Ala kava neʼmo aulagaleʼmo maiʼnageno apakaefeʼmo hau ayamopafiʼmo hauʼniye. Ala kava neʼmo agiʼaleʼmo alita asaga hiyo.

Samu 18:2

Ala kava neʼmo yafaʼnimo maige avaʼe note lafi kegiʼyaʼnimo maige nagufamo alino katino neʼnateya vekaʼnimo maige huʼniye. Gotiʼnimoʼmo yafakana huno maiʼniyanageʼna aliʼna amufa amiguve. Agaemo haleguʼnimo maige kokuʼnapi uno haiʼniya nokana huno maige huʼneno yagaino nateʼnigeʼna alagepa huʼna maiʼnove.

Samu 20:5

Lagaemo agaemo kagufamo alino katino katesiya kavafeʼmo lamogaga aigune. Lagaemo Goti agiʼalefekeʼmo kalahauʼmeʼmo asai malegaune.

Samu 21:2

Kagaemo aipafiʼmo hauʼniya yaʼmo amiʼnane. Agaemo kagaefeʼmo ge huno kafigeʼniya yaʼmo amiʼnane.

Samu 51:15

Ala kava nene, huʼna, navayamo alika aka huka nategeʼnao kagikaleʼmo aliʼna asaga huʼna kateno.

Samu 75:10

Gotiʼa hosu vayaʼai lokiyaʼapimo alino hano huno atalegaiyaʼmonanafa agaemo fatago vayaʼai lokiyaʼapimo magoʼe huno alino lokiya vaino apategaiye.

Samu 89:17

Ha le konali himamuʼapimo kagaetegatiʼmo aliʼnae. Kagaemo fiku laha maeka lamiʼnanageta aeta apakaseʼnone.

Samu 89:18

Ala kava neʼmo halegutigana huno maiʼniye. Isaleliʼa aote vekamo kini vekatimo maiʼniye.

Samu 89:24

Apamiguvaʼmonanafa agaefeʼmo ani kavaʼmo huguve, huʼna ha paiʼnova geʼnimo alagi akame huʼna nahau huʼna ategauve. Nagiʼnilefeʼmo agiʼaleʼmo aliʼna asaga huʼna ategauve.

Samu 9:14

Alika katika nategeʼnao namogaga aiteʼna Yulusalemu vayaʼaifeʼmo naha maeʼnana kavafeʼmo ava gemo aeʼna hakalo huʼna hapa paiguve.

Samu 92:10

Ani kavaʼmo huʼa maigayaʼmonanafa kagaemo afela ve pulumakamo lokiyagana agufa lokiyaʼmo namiʼnane. Saufa uveliletiʼmo faleʼa apateʼnaya vayaʼmogi alagepa huʼa maiʼnaya kava huʼna maiʼneʼna namogaga neʼauve.

Hatu maeno apate'niya gemae 15:1

Ani afinaʼmo Ala kava nefeʼmo Moseseʼe Isaleli vayaʼmogiʼeʼmo mago yokemo ina ge huʼa huʼnae. Ala kava neʼmoʼa lusi kava huno kamemo huno aeno apaka seteno ala agimo aliʼniyaʼmofeʼmo Ala kava nefeʼmo yokemo huguve. Agaemo hosi anagaʼe hosileʼmo fai maiʼnaya vayaʼeʼmo solovala anipiʼmo apasagauno yaga auno apataleʼniye.

Hatu maeno apate'niya gemae 15:21

Miliyamuʼa apakaefeʼmo hapa painoʼaeʼmo, Ala kava neʼmoʼa alopa kamemo huno aeno apaka seteno ala agiʼamo aliʼniyaʼmofeʼmo agaetefeʼmo yokemo hiyo, huno hapa paiʼniye. Agaemo hosi anaganagi hosileʼmo fai maiʼnaya vayanagi huno solovala anipiʼmo apasagauno yaga auno apataleʼniye, huno hapa paiʼniye.

Hamakaki 3:1

Hamakaʼmo Gotitegati gemo alinino eno aeno hakalo huno hapa nepaiya vekamoʼmo nunumuʼmo huʼniya gemo mono vayaʼmogi yokemo huʼnaya gemae.

Hamakaki 3:18

nagaemo Ala kava netefeʼmo namogaga aiguve. Nagufamo alino katino neʼnateya Gotifeʼmo namogaga aiguve.

Luki 1:69

Agaemo aliʼyaʼamo neʼaliya vekaʼamo Nevini vayapatiʼmo lokiya vekamo lagufamo alino katino latesiya vekamo ago alino afole aino ateʼniye.

Lomu 5:11

Mani alagepa kavaʼageʼmo lagaetegamo afole oʼaigifa hemeniʼeʼmo Ala kava netimo Yesu Kalaisitetiʼmo Gotifeʼmo amuse huta ateteta lamogaga neʼaune. Gotiʼa agaetetiʼmo ago alino ao yaʼmo hu maleʼniyaʼmofeʼmae.

Filipai 3:3

Huʼnayaʼmonanafa lama ge alagena yaʼmo oʼaliʼnae. Lagaemo lama ge alagena yaʼmo laipafiʼmo aliteta Goti Aunemeʼaletiʼmo Gotifeʼmo mono huge Kalaisi Yesufeʼmo alopa gefatiʼmo huta lamogaga aige huta maiʼnonaʼmonanafa lagufaeʼmo lagesamo afiteta alita amufa oʼamiʼnone.

Filipai 4:4

Ala kava nefeʼmo muki afinaʼmo lapamogaga aiyo. Halate lapamogaga aiyo, huʼna nehuve.

Filipai 4:6

Mago kavafeʼmo lapausoli osuta muki kavatefeʼmo nunumuʼmo hutapa afi neketapaeʼmo hao ke hetapa lapauʼnisiya yafeʼmo Gotifeʼmo ge huta afi gegenoʼao lapaipamo alino falu huno lapategaiye. Haiya kava huno laipamo alino falu huno nelatefi huta oʼageʼnonaʼmonanafa afaʼa alino falu huno lapatesiya kavaʼmoʼa Kalaisi Yesupiʼmo maiʼnayanageno lapaipa lapakesaleʼmo afaʼa yagaino lapategaiye.

1 Pita 1:8

Yesu Kalaisiʼmo lapaulagafatiʼmo oʼageʼnayaʼmonanafa agaefeʼmo lapau lapayamopafiʼmo nelapaiye. Hemenimo oʼageʼnayaʼmonanafa agaefeʼmo lapakesamo afita fatago hutetapa lusi kava hutapa lapamogaga neʼaiye. Lapaipafiʼmo lapamogaga neʼaiyaʼmonanafa lapavayafatiʼmo ge hisayafeʼmo lapavayamoʼmo kana nehiye. Lapamogaga neʼaiya kavaʼmoʼa muki ma mopafi yafeʼmo apamogaga neʼaiya kavaʼmo aeno agaseʼniye.

Leveleseni 18:20

Kokuʼnapi vayanagi lapamogaga aitapa ateyo. Lapaote vayanagi apa vayanagi Gotitegati gemo alinita etapa aeta hakalo hutapa hapa nepaiya vayanagi hutapa lapamogaga aiyo. Lapakaetegamo hosu kavaʼmo huʼnigeno Gotiʼa kavaʼamo alino fako huno ateteno kayoʼmo amiʼniye, huno hapa paiʼniye.

1 Samiyo 1:6

Ala kava neʼmoʼa Hana aipamo alino akani maleʼniyaʼmofeʼmo Penainaʼmo Hanaʼmo aipamoʼmo kana hisiya kavaʼmo alisiyafeʼmo lusi kava huno huʼniye.

1 Samiyo 1:7

Inagi Penainaʼmo muki kafugaʼae kafugaʼaeʼmo Ala kava neʼmo mono notegamo uno haiʼniya afinaʼmo ani agufa hosu kavaʼmo Hanategamo huʼnigenoʼaeʼmo Hanaʼmo alino amalagino aviʼyaʼmo huteno neʼyaʼmo oʼneʼniye.