1 Samiyo 19:4 - The Keyagana NT and 25 OT books

⁴ Inagi Yonataniʼmo Soloʼeʼmo neʼeʼanaeʼmo kege huʼanaeʼmo Yonataniʼmo Nevinifeʼmo alagepa ava gemo huno Solofeʼmo ha painoʼaeʼmo, Neviniʼmo kagaetegamo mago hosu kavaʼmo osuʼnifa kagaetegamo lusi alagepa kavaʼmo huʼniye. Huʼniyaʼmofeʼmo hosu kavanageka kini vekamoga aliʼyakamo neʼaliya vekalegamo hosu kavaʼmo hugane.

1 Samiyo 19:4 ပူးပေါင်းရင်းမြစ်များ

Aepa Gemae 42:22

Lumeniʼa hunoʼaeʼmo, Nagaemo lapa paiʼnaeʼmo, ani mafaʼnelegamo mago hosu kavaʼmo osiyo, huʼna ago lapa paiʼnovaʼmonanafa geʼnimo oʼafiʼnae. Oʼafiʼnayaʼmofeʼmo Gotiʼa agoti huno nelategetaeʼmo kolaʼalefeʼmo hosu yaʼmo neʼalune, huno huʼniye.

Aepa Gemae 9:6

Ina laʼmo mago vekamo kamiti amagisigeno kolaʼamo hisifi vayaʼmogimo anonaʼalefeʼmo ani vekamo kamiti amagisageno kolaʼamoʼmo hisigeno falino. Gotiʼa vemo agaiʼagana huno alo huʼniyaʼmofeʼmae.

Samu 59:4

Nagaemo apakaetegamo hosu kavaʼmo osuʼnovaʼmonanafa nagu nagu huʼa uʼa kamemo hisayafeʼmo alo nehae.

Mai'naya kavane 17:13

Ina laʼmo alagepa kavaʼmo anonaʼaleʼmo hosu kavaʼmo nehisifi muki afinaʼmo hosu kavaʼmo afamo anagaʼafiʼmo hanegaiye.

1 Kolitiyani 8:12

Lapakaemo konagatapimogi yuʼilaga vekaʼapimo alita hosu hutapa atetetapa apakaetegamo hosu kavaʼmo nehutapaeʼmo Kalaisitegaʼeʼmo ani hosu kavaʼmo nehae.

1 Yoni 3:15

Konagaʼamofeʼmo aini hisiyana konagaʼamoʼmo kamitimo amagiʼniya vekagana huno maiʼniye. Lapakaemo ago afiʼnayana kamitimo neʼapamagiya vayaʼai apaipafiʼmo maige maige huʼa neʼmaiya yaʼmo alagi nohane.

1 Samiyo 2:25

Mago vekamoʼmo mago vekalegamo hosu kavaʼmo nehisiyaʼmoʼmo agoti gemo neʼafiya vekamoʼa alino fako huno anategaiyaʼmonanafa mago vekamoʼmo Ala kava netegamo hosu kavaʼmo hisiyaʼmoʼmo ina laʼmo ha maegaiye.

1 Samiyo 20:32

Yonataniʼmo Solo geʼaleʼmo aeno atagaina hunoʼaeʼmo, Na kava higekaeʼmo kamitimo amagigane. Haiya hosu kavaʼmo huʼniye, huno ha paiʼniye.

1 Samiyo 22:14

Ahimalekiʼmo geʼaleʼmo aeno atagaina hunoʼaeʼmo, Neviniʼmo alagi alagepa aliʼyaʼmo neʼaliya vekamo maiʼneno gekamo akame nehiye. Kayemokamoʼmo maiʼneno gekamo afiteno aliʼyakamo alagepa huno neʼaliye. Mago aliʼyakamo neʼaliya vekamoʼmo agaemo aeno oʼagaseʼniye. Afamo anaga vayaʼmogi ala agiʼamo neʼamiye.