1 Samiyo 18:8 - The Keyagana NT and 25 OT books

⁸ Soloʼmo ani huʼnaya yokemo afitenoʼaeʼmo alagi ohauʼnigeno aipamo leʼnigenoʼaeʼmo Neviniʼmo teni tauseni teni tauseniʼa vayaʼmo kamiti hapaeʼniye, huʼa nehayaʼmonanafa nagaemo tauseni tauseniʼa kame vayaʼatogeʼmo kamiti hapaeʼnove, huʼa nehae. Agaemo ani ala agimo ago aliʼniyaʼmofeʼmo magoʼe huno ala agimo oʼaligiyaʼmonanafa kini vekamo hamalesiyana magoʼe huno ala agimo aligiye, huno huʼniye.

1 Samiyo 18:8 ပူးပေါင်းရင်းမြစ်များ

Aepa Gemae 37:11

Yosefe nepuʼamogimo apaipa kafa haeʼnayaʼmonanafa afoʼamoʼmo afitenoʼaeʼmo ani kavafeʼmo alino aipa agesafi maleʼniye.

Aepa Gemae 37:8

Nepuʼamogimo ani gemo afiteʼapaeʼmo Yosefefeʼmo huʼapaeʼmo, kagaemo ala vekamo maiteka yagaika latesanafeʼmo nehapiye. Kagaemo ala vekatimo maisanafeʼmo nehapiye, huʼa huteʼa alagamuna ageʼniya kavaʼe hapa paiʼniya geʼefeʼmo magoʼe huno alagi ohapauʼniye.

Esata 3:5

Hemaniʼa Motekaiʼmo ageyana agaetefeʼmo ape huteno ala agiʼamo oʼamiʼnigeno agetenoʼaeʼmo lusi kava huno aipamo leʼniye.

Mai'naya kavane 13:10

Apakiʼapileʼmo aliʼa asaga huʼa neʼataya kavapatiʼmo ge nehapaya kavaʼmo afole neʼaiyaʼmonanafa aliʼa api aiʼa apatesayafeʼmo nehaya gemo neʼafiya vayaʼmogi afiteʼa ageʼnaya vayaʼmo maiʼnae.

Mai'naya kavane 27:4

Apaipamo neleya vayaʼmogimo hapau huʼa oʼapateʼa apaipa nelegeʼa apaya mukiki huʼa vayaʼmo aeʼa neʼapaka sayaʼmonanafa aeʼa apaka seʼnaya vayaʼaifeʼmo hosu apaipamo nekaliya kavaʼmoʼa magoʼe huno aeno agaseʼniye.

Napa 11:1

Isaleli vayaʼmogimo apakaetegamo afole aiʼniya hanageke yafeʼmo asole gemo huteʼa ge neʼnagenoʼaeʼmo Ala kava neʼmoʼa afiteno ohauʼnigeno lusi kava huno aipamo leʼniye. Aipamo leʼnigenoʼaeʼmo seli noʼapileʼmo maiʼnageno Ala kava neʼmo atamoʼmo mago haopaʼalega afelagaʼamo leno apasagaliʼnigeʼa faliʼnae.

Napa 22:34

Melamiʼmo Ala kava neʼmo enisole vekaeʼmo hunoʼaeʼmo, Kagaemo visuva kateʼmo natafauka nateʼnane, huʼna oʼageʼnovaʼmofeʼmo hosu kavaʼmo huʼnove. Nagaemo visuvafeʼmo okahauʼnisiyaʼmoʼmo halate atagineʼna uguve, huno ha paiʼniye.

Yemisi 4:5

Goti mukufiʼmo haneʼniya gemoʼa hunoʼaeʼmo, lapakaepiʼmo neʼmaiya lapaunelapameʼmoʼa hosu kavafeʼmo nehaigenoʼaeʼmo haʼye nehiye, huno huʼniya gemo afa gemo haneʼniye, hutapa lapakesamo neʼafifiye.

1 Samiyo 13:14

Akame osuʼnanaʼmofeʼmo yagaika apateme apateme oʼugane. Ala kava neʼmoʼa hauʼniya kavaʼmo hisiya agufa vekamo agaiʼalefeʼmo kahauya huno ageʼniye. Agaemo ani vekaeʼmo hunoʼaeʼmo, Vayaʼnileʼmo yagaika apato, huno ha paiʼniye.

1 Samiyo 15:28

Samiyoʼmo hunoʼaeʼmo, Hemenimo Ala kava neʼmoʼa Isaleli vayaʼaiteʼmo yagaika apatesana kavaʼmo kayapatiʼmo aliteno kahaopaleʼmo maiʼniya vekamo aeno kagaseʼniya vekamo amiʼniye.

1 Samiyo 16:13

Samiyoʼmo ani alinino eʼniya uvelimo alino nepuʼamogi apaulagaleʼmo Nevini agenopafiʼmo lakino ateʼniye. Ani afinaʼmo Ala kava neʼmo aunemeʼamo emineno agaeteʼmo maitenoʼaeʼmo ani afinatetiʼmo agaeteʼmo maige maige huno maiʼniye. Inagi Samiyoʼmo halate Lama taonifiʼmo uʼniye.

1 Samiyo 18:9

Soloʼmo ani afinatetiʼmo Neviniʼmo yagaino atetenoʼaeʼmo haiya agufa hosu kavaʼmo nagaetegamo hugiye, huno agesamo afiʼniye.

1 Samiyo 19:1

Inagi Soloʼmo Neviniʼa kamiti haesayafeʼmo mafaʼneʼamo Yonatanifeʼmo ha paige muki aliʼyaʼamo neʼaliya vayaʼaeʼmo hapa paige huʼniyaʼmonanafa Yonataniʼmo Nevinifeʼmo lusi kava huno hauʼnigeno amogaga aiʼniye.

1 Samiyo 20:31

Yesi mafaʼnemo ma mopafiʼmo muki afaʼa maiʼniya afinaʼmo kagaemo lokiya vaika oʼmaisanageno yagaika apatesana kavaʼmo afole oʼaigiye. Oʼaigiyaʼmofeʼmo hemenimo alika apategeʼa uʼa avaleliʼa esageʼna kamitimo haesugeno faligiye, huno ha paiʼniye.