1 Samiyo 17:34 - The Keyagana NT and 25 OT books

³⁴ Ha paiʼniyaʼmonanafa Neviniʼa Solo geʼaleʼmo aeno atagaina hunoʼaeʼmo, Aliʼyakamo neʼaluva vekamoʼna afoʼnimo sipisipi anagateʼmo yagaiʼnove. Mago afinaʼmo afela laiyoni afumomofi afela meya afumomofi huno eno sipisipimo anaʼaumo hanilino uʼniye.

1 Samiyo 17:34 ပူးပေါင်းရင်းမြစ်များ

Aepa Gemae 31:39

Kahaufilaga afela afumoʼmo sipisipikamo hapaege memekamo hapaege huʼnigeʼnaeʼmo mago alininuʼna kave oliʼnove. Nagaiʼnimo ani haeʼniya afumo aimuʼyaleʼmo aeʼna kamiʼnove. Muki afinaʼmo lokiya gemo hukaeʼmo, haniʼilagamo kumaya apavalege felugamo kumaya apavalege hisagekaeʼmo miya faigane, hukageʼmo huʼnane.

Samu 143:5

Nagaemo akeyaʼvilagamo afole aiʼniya kavafeʼmo nagesamo afiʼnove. Nagaemo kagaemo huʼnana kavafeʼmo nagesa afifi huʼna maiʼnove. Nagaemo kayatetiʼmo aliʼnana aliʼyakaeʼmo nagesa afifi huʼna maiʼnove.

Luki 2:8

Haniʼilagamo ani taonimo haopaleʼmo sipisipileʼmo neʼyagaiya vayaʼmo kahauleʼmo maiʼneʼa sipisipileʼmo yagaiʼa maiʼnae.

Yoni 10:11

Nagaemo alagepa vekamo sipisipileʼmo yagaiʼna neʼapatova vekamo maiʼnove. Alagepa huno yagaino neʼapateya vekamoʼa sipisipilefeʼmo agaiʼamo afaʼa maisiya yaʼamo ataleteno faligiye.

Lomu 5:4

Oʼataleta atafauta alagi huta maisunagenoʼaeʼmo amuse huno latesigeta lavayagunagu huta agava maigune.

Himulu 11:33

Apakaemo apakesamo afiʼa fatago huʼnaya kavatetiʼmo alu nofi vaya alu nofi vayaʼai ati vayaʼapiʼeʼmo kamemo huʼa aeʼa apakaseʼnae. Apakaemo vayaʼai kavaʼapimo aliʼa fako huʼa apateʼnageʼapaeʼmo alagepa kavaʼmo huʼnae. Gotiʼa polomasi gemo hunoʼaeʼmo, fikumo lapa maeʼna lapamiguve, huno hu maleʼniya yaʼmo ago aliʼnae. Afela laiyonimogimo hapaesaya kavaʼmo huʼnayaʼmonanafa apakesamo afiʼa fatago huʼnaya kavatetiʼmo apavayamo alino akaniʼniye.

Leveleseni 13:2

Ageʼnova afela pusimo agiʼamo lepatigana huno maiʼnigeno aiyaʼalaʼmo afela afumo agiʼamo meyamo aiyagana huno haneʼnigeno avayaʼamo laiyonimogi apavayagana huno haneʼniye. Nagaloʼyavemoʼmo afela afumo lokiyaʼamo amiteno yagaino apatesiyafeʼmo alino ateʼnigeno himamuʼamo aliteno maiʼniye.

1 Samiyo 17:15

Neviniʼmo mago afinaʼae afinaʼaeʼmo apataleno halate Metelehamu taonilagamo uno afoʼamo sipisipileʼmo yagaino apatesiyafeʼmo maiʼniye.

1 Samiyo 17:33

Soloʼa Nevinifeʼmo hunoʼaeʼmo, Kagaemo neya vekamo maiʼnanageno ani Filisatini vekamo neya mafaʼnemo maiʼniya afinatetiʼmo ati vekamo maime maime eno hemeniʼeʼmo maiʼniyaʼmofeʼmo kagaemo agaeʼeʼmo afaʼa kame osugane, huno ha paiʼniye.

1 Samiyo 17:35

Inagi nagaemo avegala aeliʼnuʼna amagiʼna avayafatiʼmo sipisipi anaʼaumo hafaleteʼna kamitimo amagiʼnove.