1 Samiyo 17:12 - The Keyagana NT and 25 OT books

¹² Neviniʼmo Ifalata vekamo agiʼamo Yesi mafaʼnemo maiʼnigeno Yesiʼa Metelehamu taonifi Yuta koteʼmo maiʼniye. Maiʼnenoʼaeʼmo eitiʼa ve mafaʼne anagaʼamo maiʼnagenoʼaeʼmo Soloʼmo kini vekamo maiʼniya afinaʼmo Yesiʼa ago kosuna leʼniye.

1 Samiyo 17:12 ပူးပေါင်းရင်းမြစ်များ

Aepa Gemae 35:19

Inagi Lesoʼmo ago faliʼnigeʼa Efalati taonifilaga neʼvaya ka agiʼnaleʼmo kiʼa ateʼnae. Alu agiʼamo Metelehamu taonie.

1 Samiyo 16:18

Mago aliʼyaʼamo neʼaliya vekamoʼmo Solofeʼmo ha painoʼaeʼmo, Nagaemo mago Yesi mafaʼnemo Metelehamu taonifiʼmo maiʼnigeʼna ageʼnove. Ani neya vekamoʼmo gitaleʼmo neʼamagiya kavaʼmo alagepa huno ageʼniye. Agaemo koli osuno kamemo lokiya vaino nehiya vekamae. Agaemo alagepa huno afiʼniya gemo nehiya vekamo kanale alagepa apaulagamo neʼagaya vekamae. Ala kava neʼmoʼa agaeʼeʼmo magokepi lokaeno maiʼniye.

1 Samiyo 17:58

Soloʼa Nevinifeʼmo hunoʼaeʼmo, Neya vekae, huno, kagaemo ina la mafaʼnemo maiʼnane, huno afi geʼnigeno Neviniʼa ha painoʼaeʼmo, kini vekae, huno, nagaemo aliʼyakamo neʼaliya vekamo mago Metalehamu taonifi vekamo Yesi mafaʼnemo maiʼnove, huno ha paiʼniye.

Matiyu 2:6

Kagaemo Metelehamu taoniyo, huno, Yuta kotega taoniyo, huno, vayaʼmogimo sipisipileʼmo neʼyagaiya kava huno Isaleli vayaʼnileʼmo yagaino apatesiya vekamo kagaepatiʼmo afole aigiyaʼmofeʼmo Yuta vayaʼaiteʼmo yagaiʼa neʼapataya vayaʼai apaulagaleʼmo afa taonimo ohaneʼnananageʼa muki taonimogimo aeʼa kaga oseʼnae, huno avoʼmo kae maleʼniye, huʼa ha paiʼnae.

Matiyu 1:6

Yesiʼa Neviniʼmo ala vekaʼapimo yagaino neʼapateya kini vekamo alino ateʼnigeʼana Neviniʼe hogoteno Yulaiyateʼmo maiʼniya a kanoʼeʼmo Salomoniʼmo aliʼana ateʼnaʼageno

1 Samiyo 16:1

Ala kava neʼmoʼa Samiyofeʼmo ina gemo hunoʼaeʼmo, kagaemo na magi afinaʼmo Solofeʼmo yulagefa aime aime ugane. Nagaemo nakameʼyamo amiʼnovanageno Isaleli vayaʼaiteʼmo kini vekamo magoʼe huno oʼmaigiye. Keʼmo alika olivi uvelimo he fika aliteka Yesiʼmo mago Metelehamu taonifi vekalegamo uvo. Yesi mafaʼne anagapatiʼmo nagaiʼnilefeʼmo kini vekamo aliʼna ha maleʼna ateʼnove, huno ha paiʼniye.

Matiyu 2:1

Maliyaʼa Yesuʼmo Metelehamu taonifiʼmo Yuta kotegamo Helotiʼa kini vekamo maiʼneno vayaʼaiteʼmo yagaino apateʼniya afinaʼmo alino ateʼniye. Alino ateʼnigeʼapaeʼmo kanefiʼmo alagepa huʼa neʼagaya vayaʼmo yegemo haine neʼeya kotegatiʼmo eʼa Yulusalemu taonifiʼmo avaʼyi huteʼapaeʼmo,

Maika 5:2

Gotiʼa ina ge huno huʼniye. Metelehamu Efalatao, huno, Kagaemo muki Yuta taonimo folagapiʼmo alagi aise taonimo haneʼnanaʼmonanafa Isaleli kini vekamo maisiyafeʼmo mago vekamo nagaetefeʼmo kagaepatiʼmo afole aino maigiye. Agaemo akeyaʼvilagamo Gotiʼa ma mopaʼe kokuʼnaʼeʼmo alo osuʼniya afinaʼmo maiʼniye.

1 Samiyo 17:11

Soloʼe muki ati vayaʼaʼeʼmo ani gemo afiteʼapaeʼmo apakaemo lusi kava huʼa koli huteʼa kame hisaya lokiyaʼapimo hano huʼniye.

Luti 1:2

Ani vekamo agiʼamo Elimelekiʼae, aʼamo agiʼamo Neyomiʼae, mafaʼneʼalaʼmogani anakiʼanimo Maloniʼe Kiliyoniʼene. Ani afamo anagaʼmo Efalata nofi afamo anagane.

Luti 4:17

Ani kote aʼne anagaʼmogimo agiʼamo Ometiʼae huʼa ateʼnae. Muki vayaʼaifeʼmo huʼapaeʼmo, Neyomiʼa ve mafaʼnemo ago alino ateʼniye, huʼa hapa paiʼnae. Henagaʼamo Ometiʼa Yesimo alino ateʼnigeno Yesiʼa Neviniʼmo alino ateʼniye.

1 Samiyo 1:1

Mago vekamo maiʼniya vekamo agiʼamo Elakenaʼae. Agaemo Ifalemi nofi vayapati vekamogeno Ifalemi aveleʼmo Lema taonifiʼmo maiʼniye. Elakenaʼmo Yelohami mafaʼnemo maiʼnigeno Yelohamiʼmo Ilaihu mafaʼnemo maiʼnigeno Ilaihuʼmo Tohu mafaʼnemo maiʼnigeno Tohuʼmo Yufi mafaʼnemo maiʼniye.