1 Samiyo 17:1 - The Keyagana NT and 25 OT books

¹ Filisatini ami vayaʼmogimo kame hisayafeʼmo eʼa Soko taonimo mago Yuta vayaʼai taonifiʼmo aliʼa anupa huteʼa Ifesi-Namimi koteʼmo Soko taoniʼe Aseka taoniʼeʼmo hanetegeno folagapiʼmo seli noʼapimo aliʼa he tiʼa ateʼnae.

1 Samiyo 17:1 ပူးပေါင်းရင်းမြစ်များ

1 Samiyo 13:5

Ani afinaʼmo Filisatini vayaʼmo Isaleli vayaʼeʼmo kamemo hisayafeʼmo eʼa aliʼa anupa huʼnae. Apakaemo kamemo nehaya talalamo teti tauseniʼa talalagi sigisi tauseniʼa ati vayaʼmo hosileʼmo fai maige lusi asole ati vayaʼmo ani kahaepagana agufa vayanagi huʼa eʼnae. Apakaemo Mikimasi taonifiʼmo eteʼa seli noʼapimo aliʼa he tiʼa ateʼnae. Metaveni taonimo haneʼnigeno yegemo haine neʼeya haopalegamo Mikimasi taonimo haneʼniye.

1 Samiyo 14:46

Inagi ani kavaʼmo hutagenoʼaeʼmo Soloʼmo magoʼe huno apavegala oʼaeʼniyaʼmonanafa apataleno eʼniye. Apakaemo Filisatini vayaʼmo halate koʼapilegamo uʼnae.

1 Samiyo 14:52

Soloʼmo muki afinaʼmo kini vekamo maiʼniya afinaʼmo ati vayaʼamogimo Filisatini vayaʼeʼmo lokiya vaiʼa kamemo huʼnae. Soloʼmo muki afinaʼaeʼmo lokiya vayaʼmo apakege kame hisayafeʼmo koli nosaya vayaʼmo apakege huteno apavaleʼnigeʼa ati vayaʼamo hamaleʼnae.

1 Samiyo 7:7

Filisatini vayaʼmogimo Isaleli vayaʼmo Misipa taonifiʼmo aliʼa anupa huʼa maiʼnae, huʼa huʼnaya gemo afiʼnae. Afiteʼapaeʼmo Filisatini kini vayaʼmogimo ati vayaʼapimo apavaleliʼa Isaleli vayaʼeʼmo kamemo hisayafeʼmo uʼnae. Isaleli vayaʼmogimo ani kavafeʼmo ava gemo afiteʼapaeʼmo koli huʼnae.