1 Samiyo 16:7 - The Keyagana NT and 25 OT books

⁷ Agesamo afiʼniyaʼmonanafa Ala kava neʼmoʼa Samiyofeʼmo ha painoʼaeʼmo, kagaemo amega agufalefeʼmo kagesamo oʼafika yatala vekaeʼmo alagepa kaulagamo oʼago. Nagaemo kini vekamo maisiyafeʼmo nagesamo oʼafiʼnove. Vayaʼmogi neʼapakaya agufa kavaʼmo huʼna oʼageʼnove. Ma mopafi vayaʼmogi amega apakufaʼalefekeʼmo neʼapakayaʼmonanafa Ala kava neʼmoʼnamo apaipa apakesafikeʼmo neʼapakove.

1 Samiyo 16:7 ပူးပေါင်းရင်းမြစ်များ

Aepa Gemae 4:5

Amuse huʼniyana Keniʼe ofaliniʼaʼefeʼmo amuse osuʼniye. Keniʼa lusi kava huno aipa leʼnigeno hosu augosa kaliʼniye.

Samu 139:2

Nagaemo itopaleʼmo maiʼnofi he tiʼna maiʼnofi huʼnogekaeʼmo nageʼnane. Kagaemo afagitegamo maiʼnekaeʼmo nagesamo neʼafuva nagesamo nageʼnane.

Samu 7:9

Kagaemo fatago Gotigamo maiʼneka apaipa apakesafiʼmo alika fako nehane. Hosu vayaʼmogi hosu kavaʼapimo alika hano huka atalegeʼa magoʼe huʼa osiyo. Alagepa vayaʼaina alagepa huʼa maisaya yaʼmo apamigeʼa alagepa huʼa maiyo.

Mai'naya kavane 15:11

Ala kava neʼmoʼa ata koʼmo agege vayaʼmo faliʼa uʼa neʼmaiya koʼmo agege huʼniyaʼmofeʼmo muki vayaʼmogi apaipa apakesafiʼmo ageʼniye.

Mai'naya kavane 16:2

Vayaʼmogi apaulagaleʼmo muki kavaʼapimoʼmo yaveyave kavaʼageʼmo haneʼniyaʼmonanafa Ala kava neʼmoʼa alagepa huno kavaʼapimo aepaʼamo alino fako huno neʼage.

Mai'naya kavane 24:12

Kagaemo hukaeʼmo nagaemo falisaya kateʼmo neʼvae, huʼna oʼafiʼnove, huka hisanaʼmoʼmo apaipafiʼmo alino fako huno neʼapakeya vekamoʼmo gekamo afiteno agesa afifi huno maigiye. Kaunekameteʼmo yagaino kateʼniya vekamoʼmo kaipafiʼmo noʼagefiye. Agaemo muki vayaʼmogi huʼnaya kavaʼapilefeʼmo miyaʼapimo apamigiye.

Mai'naya kavane 31:30

Mago aʼnemogimo alagepa gemo nehayaʼmonanafa alagepa geʼapiletiʼmo humi neʼapatae. Alagepa apakufamo ina agufa apakufamo haneʼniyaʼmonanafa Ala kava nefeʼmo koli nehisiya a kanomo ala agiʼamo amigae.

Luki 16:15

Yesuʼa apakaefeʼmo hunoʼaeʼmo, lapakaemo vayaʼmogi apaulagaleʼmo kanale vayaʼmo maisayafeʼmo muki kavaʼmo nehayaʼmonanafa Gotiʼa lapaipafiʼmo ageʼniye. Vayaʼmogimo mago kavafeʼmo agiʼaleʼmo aliʼa neʼasagayaʼmonanafa Goti aulagaleʼmo alagi hosuʼniya kavaʼmo haneʼniye.

Yoni 7:24

Amega apakufaʼalekeʼmo apaketetapa alita fako osutapa apaketa alagepa hutetapaekeʼmo alita fako hiyo.

Yoni 8:15

Lapakaemo apakufaʼalekeʼmo apaketetapa alita fako hutapa neʼapatae. Nagaemo mago vayaʼmo aliʼna fako huʼna noʼapatove.

Apa 1:24

Lekana paiʼa anateʼneʼana nunumuʼmo huʼapaeʼmo, Ala kava nene, huʼa, Muki vayaʼai apaipafiʼmo neʼapakane. Mani lole vekalapatiʼmo lekana paika ateʼnisana vekamo alika lave liyo.

2 Kolitiyani 10:10

Ani kavafeʼmo mago vayaʼamogi huʼapaeʼmo, mani avoʼmo kaeʼniya gemoʼa kana huʼnigeno lokiya vaiʼniyaʼmonanafa lagaeʼeʼmo lokaeno maiʼniya afinaʼmo ina agufa vekamo maiʼneno ge huʼniya geʼamoʼmo afa gegana huʼniye, huʼa nehae.

2 Kolitiyani 10:7

Amega apakufalefeʼmo lapakesamo neʼafifiye. Apakaiʼapieʼmo aliʼa amufa apamiʼapaeʼmo Kalaisi vayaʼamo maiʼnone, huʼa lokiya vaiʼa apakesamo neʼafiya vayaʼmogimo lagaeʼefeʼmo huʼapaeʼmo, Kalaisi vayaʼamo maiʼnae, huʼa halate apaipafiʼmo apakesamo afigae.

Himulu 4:13

Lagaemo hutaeʼmo, ani kavaʼmo huʼnove, ina kavaʼmo huʼnove, huta ha paisuna vekamo aulagaleʼmo muki nehuna kavatimo alagi fala okino afole neʼaiye. Muki vayaʼmo aulagaleʼmo alagi fala okigayanageno apakegaiye.

1 Pita 2:4

Agaemo afaʼa maisaya yafakana huno maiʼnigeʼapaeʼmo afa yafaʼmo haneʼniye, huʼa huʼnayaʼmonanafa Gotiʼa lekana paino atetenoʼaeʼmo, alopa monileʼyaʼmo aeno agaseʼniya yafane, huno huʼnigetapaeʼmo ani vekalegamo eʼnae.

1 Pita 3:4

Lapakaetegamo hosu kavaʼmo afole aisigetapaeʼmo yuna lapaipa falu lapaipamo kaligenoʼao, konali yakana huno hanege hanege huno haneno. Gotiʼa ani kavafeʼmo hunoʼaeʼmo, alagi hogote alagepa kavaʼmo haneʼniye, huteno amuse nehiye.

Leveleseni 2:23

Ani kavaʼmo huteʼna mafaʼne anagaʼamo apamagisugeʼa faligae. Inagi siosiʼafi siosiʼafiʼmo maiʼnaya vayaʼmogimo nagaemo hisuva kavaʼmo ageteʼapaeʼmo, agaemo vayaʼai apaipa apakesafiʼmo neʼageya vekamo maiʼniye, huʼa nagegae. Na agufa kavaʼmo huʼnisafigeʼna anonatapilefeʼmo lapamete lapamete huʼna lapamiguve.

1 Samiyo 2:3

Ala kava neʼmoʼa alagi ageno alagepa huʼniya Gotiʼa maiʼneno kavatimo alino fako nehiyaʼmofeʼmo lapakaitapi lapakitapileʼmo alita neʼasagaya gemo huge himuʼnamu gemo huge osiyo.

1 Samiyo 9:2

Agaemo mago alagepa mafaʼneʼamogeʼa alagepa apaulagamo neʼagaya mafaʼnemoʼmo muki Isaleli vayaʼaina aeno apaka seʼniye. Ani mafaʼnemo agiʼamo Soloʼae. Yatala vekamogeno he tiʼnigeʼapaeʼmo muki vayaʼmo he tiʼnaya vayaʼmogi agiʼnaʼaleʼmo haiʼa maiʼnae.