1 Samiyo 13:2 - The Keyagana NT and 25 OT books

² Soloʼmo Isaleli vayapatiʼmo ati vayaʼamo tali tauseniʼa vayaʼmo maisayafeʼmo lekana paino apateteno alu vayaʼmo noʼapilegamo alino apateʼnigeʼa uʼnae. Tu tauseniʼa ati vayaʼmo Meto aveleʼmo Mikimasi taonifiʼmo Soloʼeʼmo maiʼnageʼa vani tauseniʼa vayaʼmo Menisameni vayaʼai mopaleʼmo Gimeya taonifiʼmo Yonataniʼeʼmo maiʼnae.

1 Samiyo 13:2 ပူးပေါင်းရင်းမြစ်များ

Esala 2:27

Mikimasi taonifi vayaʼmo 122ʼa vayaʼmo atagineʼa ege

Yasuva 22:6

Yasuvaʼa ina kava huno aulena gemo hapa paiteno alino apateʼnigeʼa seli noʼapilegamo uʼnae.

1 Samiyo 10:26

Soloʼmo noʼalegamo Gimeya taonifilagamo uʼniye. Gotiʼa kame hisayafeʼmo mago koli nosaya vayaʼmogi apaipa apakesamo alino he tino apateʼnigeʼapaeʼmo apakaemo Soloʼeʼmo magokepiʼmo uʼnae.

1 Samiyo 10:5

Kagaemo apatalekukaeʼmo Goti aise aveleʼmo Filisatini ati vayaʼmogi noʼapimo haneʼniya aveleʼmo ugane. Kagaemo taoni haopaleʼmo uka hogo nehukaeʼmo mago Gotitegati gemo aliniʼeʼa aeʼa hakalo nehaya nofi vayaʼmo aise aveletiʼmo emi neʼesageka fotu hugane. Apakaemo gita amagige tamolini amagige kepatiʼmo feliyopaʼmo huge nehuʼapaeʼmo Gotitegati gemo aliniʼeʼa aeʼa hakalo huge hugae.

1 Samiyo 13:1

Soloʼmo fotiʼa kafugamo maiteno kini vekamo maiʼniya afinaʼmo lole kafugamo maiʼniye.

1 Samiyo 13:11

Samiyoʼmo Solofeʼmo ha painoʼaeʼmo, Kagaemo na kavaʼmo huʼnane, huno ge huno afi geʼnigenoʼaeʼmo Soloʼmo hunoʼaeʼmo, Nagaemo apakovana vayaʼmo ago nataleʼa muki haopalegamo uʼeʼa huʼnageka kagaemo egauve, huka lekana paiʼnana afinaʼmo oʼmeʼnanageʼa Filisatini vayaʼmo Mikimasi taonifiʼmo aliʼa anupa huʼa maiʼnayaʼmofeʼmo nagesa alaʼamo afiʼnove.

1 Samiyo 13:15

Samiyoʼmo ani gemo huno ha paiteno he tino Giliga taonifatiʼmo ataleno Menisameni vayaʼai mopaleʼmo Gimiya taonifiʼmo uʼniye. Inagi Soloʼmo agaiʼaʼeʼmo maiʼnaya ati vayaʼmo lekana paiʼniyana sigisi hataletiʼa agufa vayaʼatogeʼmo maiʼnae.

1 Samiyo 13:16

Soloʼagi mafaʼneʼamo Yonataniʼagi anakaeʼeʼmo maiʼnaya ati vayaʼenagi huʼa Menisameni vayaʼai mopaleʼmo Gimiya taonifiʼmo magoʼe afinaʼmo maiʼnayaʼmonanafa Filisatini vayaʼmo Mikimasi taonifiʼmo seli noʼapileʼmo maiʼnae.

1 Samiyo 13:23

Ani afinaʼmo Filisatini vayaʼmogimo mago aluʼmo Mikimasi katetiʼmo uʼa lole kagoʼmuleʼmo fotu huʼa neʼvaya kateʼmo faiʼa vego huʼnae.

1 Samiyo 13:5

Ani afinaʼmo Filisatini vayaʼmo Isaleli vayaʼeʼmo kamemo hisayafeʼmo eʼa aliʼa anupa huʼnae. Apakaemo kamemo nehaya talalamo teti tauseniʼa talalagi sigisi tauseniʼa ati vayaʼmo hosileʼmo fai maige lusi asole ati vayaʼmo ani kahaepagana agufa vayanagi huʼa eʼnae. Apakaemo Mikimasi taonifiʼmo eteʼa seli noʼapimo aliʼa he tiʼa ateʼnae. Metaveni taonimo haneʼnigeno yegemo haine neʼeya haopalegamo Mikimasi taonimo haneʼniye.

1 Samiyo 14:31

Ani afinaʼmo apakaemo Filisatini vayaʼeʼmo kamemo Mikimasi taonifatiʼmo aepa faiʼa huteʼa huliʼa Aiyaloni taonifiʼmo uʼnayaʼmofeʼmo apaunena aiʼniye.

1 Samiyo 14:5

Kaʼmo lamaga haopalega haneʼniya yafaʼmo aulagamo Mikimasi taonilegamo haneʼniye. Kaʼmo hoga haopalega haneʼniya yafaʼmo aulagamo Gimeya taonilegamo haneʼniye.

1 Samiyo 14:52

Soloʼmo muki afinaʼmo kini vekamo maiʼniya afinaʼmo ati vayaʼamogimo Filisatini vayaʼeʼmo lokiya vaiʼa kamemo huʼnae. Soloʼmo muki afinaʼaeʼmo lokiya vayaʼmo apakege kame hisayafeʼmo koli nosaya vayaʼmo apakege huteno apavaleʼnigeʼa ati vayaʼamo hamaleʼnae.

1 Samiyo 15:34

Inagi Samiyoʼmo Lama taonifiʼmo uʼnigeno Soloʼmo Gimeya taonifiʼmo uno noʼafiʼmo uno haiʼniye.

1 Samiyo 24:3

Apakaemo uʼa avaʼyi huʼnageno ka agiʼnaleʼmo sipisipi anagaʼmogi kegiʼyamo haneʼniya haopaleʼmo mago alopa yafa kaʼmo haneʼniye. Soloʼmo aifaʼamo lesiyafeʼmo ani yafa kapiʼmo uno haiʼnigeʼa Neviniʼe vayaʼaʼeʼmo ani yafa kapiʼmo atupaleʼmo fala kiʼa maiʼnae.

1 Samiyo 26:2

Soloʼmo tali tauseniʼa alagepa Isaleli ati vayaʼmo apavalelino Sifa yahaofilagamo uno Nevinifeʼmo kahauya huʼnae.

1 Samiyo 8:11

Ina gemo huno hapa painoʼaeʼmo, Yagaino lapatesiya kini vekamoʼmo ani agufa kavaʼmo lapakaetegamo hugiye. Agaemo ve mafaʼne anagatapimogi kame hisayafeʼmo lekana paino apatesigeʼa magoʼamogi kame talalafiʼmo he tiʼa maige magoʼamogi hosileʼmo fai maige huʼneʼa kamemo hugae. Kini vekamoʼmo mago haopalegamo ugefeʼmo hisiya afinaʼmo mago ve mafaʼne anagatapimogi hogoteʼa nagu nagu huʼa ugae,