1 Samiyo 11:4 - The Keyagana NT and 25 OT books

⁴ Inagi apakaemo mago vayaʼmo aliʼa apateʼnageʼa Gimeya taonifiʼmo Soloʼmo maiʼniya taonifiʼmo uʼa avaʼyi huteʼa apakaetegamo afole aiʼniya kavafeʼmo ava gemo huʼa hapa paiʼnae. Gimeya vayaʼmogimo ani gemo afiteʼapaeʼmo lusi kava huʼa aviʼyaʼmo huʼnae.

1 Samiyo 11:4 ပူးပေါင်းရင်းမြစ်များ

Aepa Gemae 27:38

Isoʼa afoʼamofeʼmo, Kagaemo mago alika auleka natesana gemo haneʼnifiye. Afoʼnimogae, huno, Kagaemo nagaeʼeʼmo alika auleka nato, huno huteno alopa gefatiʼmo huno kage kage huno aviʼyaʼmo huʼniye.

Lomu 12:15

Apamogaga aisaya vayaʼeʼmo magokepi lapamogaga aiyo. Inagi aviʼyaʼmo hisaya vayaʼeʼmo ani kavaʼmo hutapa magokepi aviʼyaʼmo hiyo.

1 Kolitiyani 12:26

Agufafiʼmo mago haneʼniya yaʼafatiʼmo agafu nekisigenoʼaeʼmo muki agufafiʼmo haneʼniya yaʼafatiʼmo agafukeʼmo kigiye. Agufafiʼmo mago haneʼniya yaʼmoʼa ala agimo alisigenoʼaeʼmo muki agufafiʼmo haneʼnaya yaʼamogimo apamogaga aigae.

Galesiya 6:2

Konagatapimogimo neʼaliya kana yaʼmo alita hapa maegeʼapao Kalaisi muki keʼaepa geʼamo ago akame hugayanagi.

Himulu 13:3

Kalavusi huʼnaya vayaʼaifeʼmo lapake kanitapa oʼapataletapa lapakesamo afiyo. Apakaeʼeʼmo magokepiʼmo lokaeta kalavusi huʼnegekana hutapa apakaefeʼmo lapakesamo afiyo. Kalaisitefeʼmo hanageke yaʼmo neʼaliya vayaʼaifeʼmo lapake kanitapa oʼapataletapa lapakesamo afiyo, apakaeʼeʼmo ma mopafi maiʼnetapaeʼmo hanageke yaʼmo alisaya vayaʼmo maiʼnayaʼmofeʼmae.

1 Samiyo 10:26

Soloʼmo noʼalegamo Gimeya taonifilagamo uʼniye. Gotiʼa kame hisayafeʼmo mago koli nosaya vayaʼmogi apaipa apakesamo alino he tino apateʼnigeʼapaeʼmo apakaemo Soloʼeʼmo magokepiʼmo uʼnae.

1 Samiyo 14:2

Ani afinaʼmo Soloʼmo Gimeya taonimo atupaleʼmo pamagalaneti yosamo aepafiʼmo fai maiʼnigeʼa sigisi hataletiʼa agufa ati vayaʼmo agaeʼeʼmo maiʼnae.

1 Samiyo 15:34

Inagi Samiyoʼmo Lama taonifiʼmo uʼnigeno Soloʼmo Gimeya taonifiʼmo uno noʼafiʼmo uno haiʼniye.

1 Samiyo 30:4

Inagi Neviniʼe avagi huʼa uʼnaya vayaʼeʼmo lusi kava huʼa aviʼyaʼmo hume hume uʼnageno aviʼyaʼmo hisaya lokiyaʼapimo ago hano huʼniye.