1 Samiyo 10:3 - The Keyagana NT and 25 OT books

³ Inagi kagaemo anataleka neʼukaeʼmo Temo kotegamo alopa yosamo aepaleʼmo uka avaʼyi nehukaeʼmo loleʼe magoʼe vayaʼeʼmo fotu hugane. Apakaemo Meto taonifilagamo uʼa Gotiʼmo ofalinimo amisayafeʼmo neʼugae. Mago vekamoʼmo loleʼe magoʼe aikeli mememo apavalelino esigeno alu vekamoʼmo loleʼe magoʼe peleti mayamo alinino esigeno napa tali vekamoʼmo meme agufa kepiʼmo nofi alagafati aniʼmo lakino alinino esigeʼa hugae.

1 Samiyo 10:3 ပူးပေါင်းရင်းမြစ်များ

Aepa Gemae 28:19

Ani koʼmo agiʼamo Metoli kone huno ateʼniye. Ani agimo aepaʼamo Goti none. Hiyaʼmonanafa ani taonieʼmo hogoteʼa Lusa taonie huʼa agi aeʼnae.

Aepa Gemae 28:22

Mani faiʼna ateʼnova yafaʼmoʼa mani mopaeʼmo Goti nomae, huno hugiye. Nagaemo muki namisana yaʼafatiʼmo aliʼna fako hisugenoʼaeʼmo naya loleʼamo hisiya yapatiʼmo magoke yaʼmo kamiguve, huno ha paiʼniye.

Aepa Gemae 35:1

Gotiʼa Yekopufeʼmo ha painoʼaeʼmo kagaemo he tika uka haika Meto taonifiʼmo maiyo. Kagaemo nagaetefeʼmo mono hisanafeʼmo ofalini yafa hiʼyalamuʼmo huvo. Nagaemo Gotiʼnamo nepukamoʼmo Isotegatiʼmo ataleka kaune heʼnana afinaʼmo kagaetegamo afole aiʼnove, huno ha paiʼniye.

Aepa Gemae 35:3

Inagi alita vaitetapaeʼmo he tita Meto kotegamo vigetao. Gotiʼa nagaemo kana yaʼmo neʼaluva afinaʼmo geʼnileʼmo aeno atagaina huteno naha maege muki uʼneʼna nehuva kotegamo nagaeʼeʼmo lokaeno maige nehiya Gotiʼmo ofalinimo amisuva yafa hiʼyalamuʼmo huguve, huno hapa paiʼniye.

Samu 89:12

Aluga aluga haopalegaʼeʼmo alo huʼnane. Alopa avemo Tamo aveʼmoʼe alopa Hemoni avemoʼeʼmo kagikalefeʼmo anamogaga neʼaiʼae.

1 Samiyo 10:4

Apakaemo kagaemo ge kamamaeteʼapaeʼmo lole peleti mayalaʼmo kamisageka aligane.