1 Samiyo 10:12 - The Keyagana NT and 25 OT books

¹² Mago ani kote vekamoʼmo geʼapileʼmo ina ge huno aeno atagaina hunoʼaeʼmo, Nehayaʼmonanafa afoʼapimoʼmo ina laʼae, huno huʼniye. Ani kavaʼmo afole aiʼniyaʼmofeʼmo asole vayaʼmogi huʼapaeʼmo, Soloʼmo polofeti vayapiʼmo maiʼnifiye, huʼa huge huge huʼa maiʼnae.

1 Samiyo 10:12 ပူးပေါင်းရင်းမြစ်များ

Aiyeya 54:13

Nagaemo Ala kava neʼmoʼnamo muki mafaʼne anagakamo aliʼna apaya malesugeʼa apakaemo alagi alagepa apaipamokaliʼa maigae.

Yoni 6:45

Gotitegati gemo alini eʼa aeʼa hakalo huʼa hapa nepaiya vayaʼmogimo Goti mukufiʼmo avoʼmo kaeʼapaeʼmo, Gotiʼa muki vayaʼaina alino apaya malegaiye, huʼa avoʼmo kae maleʼnae. Ani gemo huʼnayaʼmofeʼmo muki yaʼmo Afoʼamoʼmo huʼniya gemo afiteʼa ageʼnaya vayaʼmo mukiʼamo nagaetegamo ete ete nehae.

Yoni 7:16

Yesuʼa hunoʼaeʼmo, aliʼna apaya neʼmalova gemo nagaiʼni gemo ohaneʼnifa Gotiʼa alino nateʼnigeʼna emineʼnova vekamo geʼamo haneʼniye.

Yemisi 1:17

Gotiʼa muki alagepa yaʼe haino hapaiʼniya yaʼeʼmo fikumo neʼapamigenoʼaeʼmo kokuʼnapatiʼmo emineʼniye. Muki kokuʼnate aeno ha neleya yaʼmoʼa alu kava alu kavaʼmo huno aeno ha neleyaʼmonanafa ani aeno ha neleya yaʼmo Afoʼamoʼmo alu kava alu kavaʼmo osuno magoke agufa kavaʼmo huno fikumo neʼapamiye.

1 Samiyo 10:13

Soloʼmo ani polofeti agufa kavaʼmo huno hano huteno aise avefiʼmo uno haiʼniye.

1 Samiyo 19:23

Inagi Soloʼmo kateʼmo neʼvigenoʼaeʼmo Goti Aunemeʼamoʼa agaeteʼmo emineʼnigenoʼaeʼmo Gotitegati gemo alinineno aeno hakalo hume hume uno Lama taonimo Naoyoti haopaleʼmo uno avaʼyi huʼniye.

1 Samiyo 19:24

Agaeʼeʼmo kini kukena yaʼamo asagino ataleʼneno Gotitegati gemo alinineno Samiyo aulagaleʼmo aeno hakalo huteno felugaʼe haniʼilagaʼeʼmo agufaʼalagaʼageʼmo havaeno maiʼniye. Ani agufa kavaʼmo huʼniyaʼmofeʼmo vayaʼmogi ani gemo huʼapaeʼmo, Soloʼeʼmo Gotitegati gemo aliniʼneʼa aeʼa hakalo nehaya vayapatiʼmo maiʼnifiye, huʼa nehae.